Ji Chang Wook, nakarekober na sa COVID-19

ni Lolet Abania | August 11, 2021

Nakarekober na ang South Korean actor na si Ji Chang Wook sa COVID-19. Ayon sa Soompi report ngayong Miyerkules, isang source mula sa agency ni Chang Wook na Glorious Entertainment ang nagkumpirma na magaling na ito.

“Ji Chang Wook was judged to be fully recovered from COVID-19, and he has been discharged from the quarantine facility. He will return to [filming] ‘The Sound of Magic,’” ayon sa source. Matatandaang nagpositibo sa test sa virus si Chang Wook noong nakaraang buwan.

Dahil dito, ang filming ng anyang upcoming Netflix series “The Sound of Magic” ay itinigil muna. Samantala, ang kanyang co-stars kabilang na sina Hwang In Yeop at Choi Sung Eun ay negatibo naman sa test sa COVID-19.

Alex Trebek ng “Jeopardy!,” pumanaw na sa edad 80

ni Ronalyn Seminiano Reonico | November 9, 2020

Pumanaw na ang host ng quiz show na “Jeopardy!” na si Alex Trebek noong Linggo, sa edad na 80. Dalawang taong pinaglabanan ni Trebek ang kanyang pancreatic cancer habang ipinagpapatuloy ang pagte-taping sa naturang programa.

Inanunsiyo ng “Jeopardy!” sa kanilang Twitter account ang malungkot na balitang pagkamatay ni Trebek. Anila, “‘Jeopardy!’ is saddened to share that Alex Trebek passed away peacefully at home early this morning, surrounded by family and friends. Thank you, Alex.”

Nagpahayag naman ng pakikiramay si Canadian Prime Minister Justin Trudeau sa naulilang pamilya ni Trebek. Aniya, "We have lost an icon. Almost every night for more than three decades, Alex Trebek entertained and educated millions around the world, instilling in so many of us a love for trivia.

“My deepest condolences to his family, friends, and all who are mourning this tremendous loss.” Sa Canada ipinanganak si Trebek at naging US citizen noong 1998.

Bukod sa "Jeopardy!” ay naging host din siya ng game shows na "Double Dare" at "Classic Concentration.”