Justin Timberlake, arestado sa ‘drunk driving’

ni Eli San Miguel @Entertainment News | June 19, 2024

Iniulat ng CBS News na naaresto ang kilalang pop star na si Justin Timberlake sa kasong 'drunk driving' noong Martes sa estado ng New York.

Ayon sa ulat ng network, ang paglilitis kay Timberlake dahil sa umano'y pagmamaneho habang lasing ay nakatakda sanang mangyari sa Martes ng umaga.

Hindi naman nagbigay ng komento ang mga pulis sa Sag Harbor, New York, isang komunidad sa silangan ng Long Island kung saan sinasabing nahuli si Timberlake.

May dalawang concerts si Timberlake na nakatakdang ganapin sa Chicago ngayong weekend at dalawang shows sa New York City sa susunod na linggo, ayon sa kanyang website. Hindi rin nagbigay ng komento ang mga representatives ng pop star.

Sumikat si Justin Timberlake bilang miyembro ng kilalang boy band na NSYNC bago siya nagtagumpay sa kanyang solo career sa musika at pag-arte.

Gumanap din siya sa ilang karakter sa mga pelikula at TV shows, at siya ay kilala sa kanyang mga papel bilang host at musical guest sa Saturday Night Live.

Halsey, nagpahiwatig na may leukemia at lupus

ni Eli San Miguel @International Entertainment | June 6, 2024

Ibinunyag ng singer na si Halsey na siya ay kasalukuyang lumalaban sa hindi pinangalanang karamdaman. Ibinahagi niya ang balita sa Instagram sa pamamagitan ng isang serye ng mga video na tila dokumento ng pagtanggap niya ng mga infusions. “Long story short, I’m lucky to be alive.

Short story long, I wrote an album,” aniya sa kanyang post. Bagaman hindi nagbigay ng detalye ang 29-anyos tungkol sa kanyang mga kondisyon, nagbigay naman siya ng mga pahiwatig na siya ay may lupus at leukemia.

Ayon sa isang press release, nagbibigay si Halsey ng donasyon sa parehong The Leukemia & Lymphoma Society at sa Lupus Research Alliance kasabay ng paglabas ng bago niyang kantang "The End" noong Martes.

Ang kanyang nasabing upcoming album ay ang kasunod ng huling album na inilabas niya noong 2021, "If I Can’t Have Love, I Want Power," na isang malaking proyekto na ginawa kasama ang tulong nina Trent Reznor at Atticus Ross mula sa Nine Inch Nails.

Kilala si Halsey bilang U.S. singer-songwriter, na ang tunay na pangalan ay Ashley Nicolette Frangipane, na sumikat sa kanyang kanta na "Closer" kasama ang The Chainsmokers at sa kanyang debut album, "Badlands," na naging platinum sa U.S.

Shiloh, ayaw gamitin ang apelyido ni Brad Pitt

ni Angela Fernando @Entertainment News | June 5, 2024

Nahihirapan at emosyonal ang Oscar-winning actor na si Brad Pitt na tanggapin ang balitang hindi gusto ng kanyang anak na si Shiloh na gamitin ang kanyang apelyido, ayon sa isang source na malapit sa aktor.

Matatandaang naghain nu'ng nakaraang linggo, Mayo 27, sa mismong araw ng kanyang kaarawan, ang anak nina Brad at Angelina Jolie na si Shiloh ng request kung saan gusto niyang alisin ang apelyido ng ama mula sa kanyang pangalan.

“He’s aware and upset that Shiloh dropped his last name. He’s never felt more joy than when she was born. He always wanted a daughter," saad ng source. "The reminders that he’s lost his children, is of course not easy for Brad. He loves his children and misses them. It’s very sad," dagdag pa nito.

May isang source pa ang nagsabing ang dalagita ay humihirit ng bagong legal na pangalan, na "Shiloh Jolie" sa halip na "Shiloh Jolie-Pitt."

Isa si Shiloh sa tatlong biological na anak nina Brad at Angelina, kabilang ang 15-anyos na kambal na sina Vivienne at Knox. Nagkaroon din ang dalawa ng tatlong adopted kids na sina Maddox, Pax, at si Zahara.