Taiwanese star na bida ng Meteor Garden… BARBIE HSU, PATAY SA PNEUMONIA SA EDAD 48

ni Julie Bonifacio @Winner | Feb. 4, 2025

Photo: Shan Cai - Barbie Hsu / IG

Nabigla ang marami sa pagkalat ng balita tungkol sa pagpanaw ng Taiwanese superstar na si Barbie Hsu kahapon.  

Si Barbie ay naging iconic sa mga Pinoy dahil sa pagganap niya bilang si Shan Cai sa megahit series na Meteor Garden (MG) noong early 2000.  

Pumanaw sa edad na 48 ang aktres habang nasa kalagitnaan ng trip sa Japan dahil sa flu-related pneumonia.  

Sabi ng kapatid ni Barbie na si Dee Hsu, “Thankful to have been her sister in this life. I will always miss her.”  

Kabilang sa mga nabigla at nalungkot ay ang It’s Showtime (IS) host na si Kim Chiu. Sa kanyang X (dating Twitter) account, nag-post si Kim ng kanyang pagkalungkot sa pagpanaw ni Barbie.  

Post ni Kim sa X:  

“OMG!!!!!! (shocked emoji). Naalala ko after school, magmamadali ako umuwi para mapanood lang ang Meteor Garden. ‘Pag ‘di ko na maabutan, makikinood ako sa karinderya sa labas ng school namin. OMG!!!! I love you, San Chai!!!! May you rest in peace! Thank you sa makulay naming childhood. Pigtail braids!”  

Maraming netizens ang naka-relate kay Kim sa kanyang mensahe. 

Sey nila: “Our original queen (crown emoji) of Asian drama, rest in peace (dove emoji) Shancai!! Thank you for making our childhood unforgettable teenage memories. Noon, galing school, nagmamadali umuwi para makapanood Meteor Garden tuwing hapon!

Pinakasikat na Asian drama sa Pilipinas noon (teary-eyed emoji).”  

“Same! Nagmamadali kami umuwi galing school (elementary days), tapos after ng episode, labasan kami magpipinsan sa kani-kanyang bahay, magkukuwentuhan sa nangyari tapos kilig na kilig kami. Those were the days! Nakaka-miss. RIP, Shancai! (white heart emoji).”  

“Relate, girlie! Bumili pa ako ng posters at first-ever Song Hits ko dahil sa Meteor Garden OST at F4 songs. RIP OG FL Shan Cai.”  

“Same, Kimmy! Jusko, baliw ako sa Meteor Garden dati. Taped kami manood para dire-diretso, walang tulugan. Nakaka-sad naman. RIP, Shan Cai (cry and pray emoji).”  

Naalerto naman ang ilang netizens sa klase ng sakit na nakuha ni Barbie Hsu at kumitil sa kanyang buhay.  

Ani ng netizen, “Grabe, is it an isolated case? O ano na namang flu meron d’yan sa region na ‘yan?”  

Hala!

---

Ex-GF, 11 yrs. na raw nagpauto, eto na naman…

DANIEL AT KATHRYN, NAG-UUSAP NA ULI

Good news para sa mga fans nina Kathryn Bernardo at Daniel Padilla. Pumutok ang balitang nag-uusap na muli ang ex-on-and-off-screen partners pagkatapos ng mahigit isang taong paghihiwalay.  

Ibinulgar ni Cristy Fermin sa kanyang radio show sa Radyo Singko ng TV5 kasama sina Rommel Chika at Wendell Alvarez na nagkakausap na muli sina Kathryn at Daniel.  

Ayon kay Tita Cristy, “Meron po kaming mga impormanteng hindi nanununog at nangunguryente na nagpaabot sa ‘min ng impormasyon na nag-uusap na raw po ngayon si Daniel Padilla at si Kathryn Bernardo.  

“Pero ito po ay puwedeng i-deny ni Daniel at ni Kathryn, at puwede rin naman po nilang panindigan kung totoong naganap ito.” 

Nagbigay din ng clue si Tita Cristy kung sino ang kanyang source na lalong nagpatibay sa balitang nag-uusap na ang ex-lovers.  

“Ang bridge, hindi po namin babanggitin ang pangalan ng best friend ni Kathryn Bernardo na malapit kay Daniel Padilla, pero s’ya pala ang nag-uugnay sa dalawa,” pagri-reveal ni Tita Cristy.  

Sa pagkakaalam namin, ang komedyanteng si Alora Sasam ang best friend ni Kathryn sa showbiz, gayundin si Ria Atayde, kung saan kinuha niya si Kathryn bilang abay sa kasal nila ni Zanjoe Marudo at, recently, ninang ng firstborn nila na si Sabino.  

For sure, may iba pang source si Tita Cristy na tinutukoy niyang best friend ni Kathryn at malapit kay Daniel sa parehong panahon.  

Ang importante, nagkaroon ng slim chance ang KathNiel fans na posible pa ring magtambal sa pelikula at telebisyon ang kanilang mga idolo, kung hindi man magkatuluyan sa totoong buhay.  

Sey naman ng mga netizens, “Not a BIG deal. I don’t see anything wrong if they remain civil. Si Kathryn pa, na mabait na tao.”  

“Mabait pero madaling mautu-uto ni Daniel. Kaya umabot ng 11 years kasi marupok kay Daniel. That’s love. Love is blind, ‘ika nga. Desisyon niya kung magpauto ulit.”  

“Oh, ano? Good news ‘yan para sa ‘kin? Ewan ko lang sa iba (peace emoji).”

All-out na Kakampink… HERO'S WELCOME KAY SOFRONIO, TAGILID

ni Ambet Nabus @Let's See | Dec. 16, 2024

Photo: Sofronio Vasquez - IG

Hahaha! May pagka-Marites din itong si The Voice USA 26th Season Grand Champion Sofronio Vasquez.

Sa pinag-uusapan kasing TikTok o vlog entry nito after winning The Voice (TV), naitsika nitong kaya raw pala malapit at may very special part sa puso ng sikat na si Michael Bublé ang Pilipinas ay dahil sa kumpare ito ni Martin Nievera.

At ‘yun na nga, sometime in the past pala ay nai-date o naireto rito ang isang dyosa na kilalang-kilala raw ng lahat.

Marami agad ang nagsabing si Kristine Hermosa raw ito dahil minsan na nga itong naging laman ng balita noon. May mga humirit namang si Regine Velasquez daw ‘yun, at may nagsabi pang si Anne Curtis, though may mga iba pang names na lumabas. Hahaha!

Well, for sure alam din ito ng isa pang Marites na si Mega Sharon Cuneta dahil naka-duet na niya si Michael at dahil same circle of friends lang naman sila ni Martin, malamang na may inireto rin si Mega. Hahaha!

Wala lang, nakakaaliw lang na malaman this time na kahit noon pa pala ay pusong Pinoy na ang sikat na sikat na balladeer at pop icon.

Oooppss, may mga grupo nang naghahanda sa pag-uwi ni Sofronio sa bansa. Deserve raw nito ang isang hero's welcome. Ang tanong, pansinin kaya niya ang Malacañang invite dahil isa siyang lantad at kilalang kakam-pink (sumusuporta sa adbokasiya ni Leni Robredo)?

---

From their Cebu City mediacon event, saglit lang na bumalik sa Manila ang tropa ng Uninvited bago ito muling lumipad papunta sa Davao noong weekend.

As expected, very warm welcome ang ibinigay ng mga taga-Mindanao sa Uninvited cast and production people, led by no less than the Star for All Seasons herself Ate Vi, Vilma Santos.

Ang saya-saya pa ng tropa dahil hindi pilit ang mga pagsayaw at pagkanta nila, na sinasabayan ng mga Bisaya at mga taong dumagsa sa mga venues ng event.

Nakita naming bongga ang bonding moment nina Ate Vi at Nadine Lustre na game na game sa pag-indak sa mga viral TikTok dance craze. 

Si kapatid na Pipo (Tirso Cruz III) ay wapakels na kumanta ng mga pambato niyang awit, habang si Aga Muhlach naman ay kumembot lang nang konti, naghihiyawan na ang mga tao.

Si Mylene Dizon ay laban na laban din sa pagsigaw kahit sinasabi ng maraming komento na mala-kontrabida pa rin ang boses nito. Hahaha!

Si RK Bagatsing naman ay idinaan na lang sa paghalakhak ang tila hindi niya makuhang dance steps na kinagiliwan ng mga tao.

Ultimo si Direk Dan Villegas ay hindi nakaligtas sa mga dance and singing challenges.

Sino’ng magsasabing at 71 years old ay super graceful pa ring sumayaw si Ate Vi at bongga pa ang energy nitong bumirit ng kanta? Hahaha!

Sadyang kakaiba nga ang MMFF 2024 para sa mga artistang may entry - family bonding, good friendship, camaraderie and of course, ‘yung advocacy ngang pasiglahin ang mga sinehan, ang mga layunin at nagagawa ng promo campaigns nila. 

‘Yun na!

---

GUSTO lang naming personal na magpasalamat sa La Visual Corp, ang naghatid ng 2nd Southeast Asian Premier Business and Achievers Awards. Kinilala po ang inyong lingkod bilang Premier Multi-Media Publicist of the Year noong nakaraang December 8 awards night nila na ginanap sa Winford Hotel sa Manila.

Kasabayan ko pong tumanggap ng award sa hanay ng entertainment sina Kim Chiu (Premier Actress), Vhong Navarro at Jhong Hilario (Male TV Hosts), Mc and Lassy (Comic Duo), Gretchen Fullido (Female TV Host), Miles Ocampo (Female TV Host), Andrew de Real (Comedy Bar Master), ang mag-asawang Dr. Jay and Dra. Sheila Recasata ng Faces and Curves, Marc Logan,

Michael Pangilinan, Daryll Ong, Bugoy Drilon, Jona at Marian Rivera (Best Actress), Paulo Avelino at iba pang mga taga-TV at radio.

Malaking karangalan po ito para sa inyong lingkod na patuloy na pinagtitiwalaan ng mga nasa hanay ng multi-media at mga organisasyong sakop ng showbiz, sports and lifestyle.

Mabuhay po tayong lahat at sa mga Ka-Bulgar family po, para sa atin po ang tagumpay!

Talunan sa TNT ng It's Showtime… SOFRONIO VASQUEZ, UNANG PINOY AT ASIAN NA WAGI SA THE VOICE USA

ni Jemuel C. Salterio @Talbog | Dec. 12, 2024

Sofronio Vasquez at Micheal Buble sa The Voice - IG

Bongga! Isa na namang Pinoy ang gumawa ng marka sa mundo ng musika. 

Si Sofronio Vasquez, ang dating Tawag Ng Tanghalan (TNT) semi-finalist sa It’s Showtime (IS) ay ang kauna-unahang Pilipino at Asian na nanalo sa prestihiyosong The Voice USA matapos ang 26 seasons nito.

Ito ang journey ni Sofronio, mga Ka-BULGARians, from local stage to global spotlight. Bago siya naging ultimate bet ng Amerika, si Sofronio ay nakilala bilang ‘King of Versatility’ ng TNT. 

Sa kabila ng kanyang paglalakbay sa mga lokal na singing contests gaya ng The Voice Philippines (TVP), hindi naging madali ang kanyang daan patungo sa tagumpay. Kung tutuusin, hindi pa nga siya umabot sa grand finals ng TNT noong 2019, semi-finals lang, mga Mars! (Kumusta naman kaya ang judging ng TNT kumpara sa The Voice USA judges, aber?). 

Ganunpaman, pinatunayan niya na hindi hadlang ang pagkatalo para makamit ang pangarap.

Pinabilib ni Sofronio ang mga hurado ng TNT sa kanyang mala-butter na boses at pagiging game sa iba’t ibang genre — pop, R&B, jazz, rock, at standards. Dahil sa talento niyang ito, nagkaroon din siya ng sariling kanta, ang Bakit Hindi Ko Sinabi sa ilalim ng ABS-CBN Music.

Pero hindi ru'n natapos ang kuwento niya. Kumbaga, parang Phoenix na muling bumangon si Sofronio, at ngayon, hindi lang Pilipinas ang kanyang pinahanga kundi pati buong mundo. 

Bigating mentor, bigating tagumpay ang drama ng ating kababayan.

Sa The Voice USA, naging mentor ni Sofronio ang international superstar na si Michael Bublé. Ani Bublé, “America, please lend your ears and vote to this man! He is the real deal. HE IS THE VOICE!” 

At hindi nga binigo ni Sofronio ang kanyang coach at fans. Sa grand finals, binirit niya ang A Million Dreams mula sa The Greatest Showman (TGS) — isang performance na talagang humugot ng emosyon mula sa mga manonood.

Ang pagkapanalo ni Sofronio sa The Voice USA ay isang malaking tagumpay ng lahing Pilipino. Ngayong siya na ang Grand Winner ng The Voice USA, hindi lang si Sofronio ang panalo kundi ang buong sambayanang Pilipino. Isa siyang patunay na kahit saang bahagi ng mundo, ang talentong Pinoy ay walang kapantay.

Ang kanyang kuwento ay paalala sa atin na kahit ilang beses ka mang mabigo, hindi ito katapusan ng laban. Tulad ng kanyang boses na tila umaabot hanggang langit, ang kanyang pangarap ay lumipad din sa kabila ng mga pagsubok.

Isa lang ang masasabi natin — angat na angat ang Pilipinas dahil kay Sofronio Vasquez, ang boses ng bagong henerasyon at ng American dream. Pak! 

Huge congratulations, Sofronio Vasquez!

Mabuhay ka. ‘Yun na! Ambooolancia! #ChairmanNgChikahan #MaritesInChief #Talbog