Bus, nahulog sa bangin, 27 estudyante at magulang patay, 39 sugatan

ni Lolet Abania | March 11, 2021

Dalawampu't pito ang patay matapos bumulusok sa bangin sa isla ng Javi sa Indonesia kagabi ang isang bus na may sakay na mga batang estudyante at ilang magulang na pauwi na mula sa excursion.

Batay sa inilabas na pahayag ng search-and-rescue agency ng Jakarta, Indonesia ngayong Huwebes, nawalan ng kontrol ang driver ng bus bago tuluyang dumire-diretso sa bangin sa lugar na malapit sa siyudad ng Sumedang sa West Java Province.

Sa report ng transportation ministry, lulan ng bus ang mga junior high school students at ilang magulang, kung saan 27 ang namatay habang 39 ang nakaligtas sa insidente.

Gayundin, makikita sa larawang nakabaligtad ang bus na nasa bangin habang ang mga rescue workers ay patuloy na hinahanap ang iba pang biktima.

Ayon kay Supriyono, isang opisyal ng local search-and-rescue agency, nasagip na nilang lahat ang mga biktima habang agad namang dinala sa ospital ang mga nakaligtas.

Hindi pa malinaw ang dahilan ng aksidente, subali't ayon sa transportation ministry, may inisyal na indikasyon na hindi pa na-update sa road worthiness tests ang nasabing bus.

Patay sa magnitude 6.2 na lindol sa Indonesia, umakyat na sa 56

ni Ronalyn Seminiano Reonico | January 17, 2021

Umakyat na sa 56 ang bilang ng mga nasawi sa naganap na magnitude 6.2 na lindol sa Sulawesi Island, Indonesia at mahigit 800 ang sugatan, ayon sa awtoridad.

Ayon kay National Disaster Mitigation Agency Spokesman Raditya Jati, 47 sa mga nasawi ang narekober mula sa Mamuju, capital ng West Sulawesi Province, at 9 naman ang natagpuan sa Majene.

Tumama ang lindol sa 36 kilometers south ng Mamuju noong Biyernes nang umaga at may lalim na 18.4 km, ayon sa tala ng U.S. Geological Survey. Tinatayang aabot sa 15,000 katao ang inilikas at 400 kabahayan ang gumuho.

Patuloy naman ang pagsasagawa ng search and rescue operations sa mga gumuhong gusali, gayundin ang pamamahagi ng mga relief supplies katulad ng mga tents, ready-to-eat food packages, atbp..

Patay sa magnitude 6.2 na lindol sa Indonesia, umakyat na sa 34

ni Ronalyn Seminiano Reonico | January 15, 2021

Umakyat na sa 34 ang bilang ng mga nasawi sa naganap na magnitude 6.2 na lindol sa West Sulawesi, Indonesia ngayong Biyernes nang umaga, ayon sa awtoridad. Pahayag ni Ali Rahman, head of the local disaster mitigation agency, 26 sa mga nasawi ay mula sa Mamuju City.

Aniya, “The latest information we have is that 26 people are dead… in Mamuju City. That number could grow but we hope it won't... Many of the dead are buried under rubble." Ayon naman sa national disaster agency, tinatayang aabot sa 8 katao ang nasawi sa south ng Mamuju.

Samantala, patuloy pa ring nagsasagawa ng search and rescue operations at nagbabala na ang meteorological agency sa posibilidad na aftershocks at tsunami. Pahayag ni Dwikorita Karnawati, chief of the meteorological agency, “The aftershocks could be as strong, or stronger, than this morning’s quake.

“There is potential for a tsunami from subsequent aftershocks… Don’t wait for a tsunami first because they can happen very quickly.”