Mount Sinabung sa Indonesia, sumabog

ni Lolet Abania | May 7, 2021

Pumutok ang Mount Sinabung na matatagpuan sa Indonesia ngayong Biyernes kung saan matinding nagbuga ng makakapal na usok at abo nang hanggang 2,800 metro sa kalangitan, ayon sa isang local geological agency.

Ang bulkan na mula sa North Sumatra province ay nagsimulang maglabas ng ash at volcanic materials nang alas-9:00 ng umaga habang tumagal ang eruption ng anim na minuto.

Wala namang inisyu na evacuation orders ang kinauukulan at wala ring flight disruption na nai-report.

Gayunman, pinayuhan ng mga awtoridad ang mga residente na umiwas sa five-kilometer radius sa paligid ng crater, kung saan sa isang zone doon ay ilang taon nang walang naninirahan dahil sa mga volcanic activity.

"Residents and tourists should not do any activity around Mount Sinabung or relocated villages because the volcanic activities remain high," ani Muhammad Nurul Asrori, isang opisyal sa Mount Sinabung monitoring post.

Ayon pa kay Asrori, nananatili ang alert status ng bulkan sa level three.

53 crew ng nawalang navy submarine sa Indonesia, patay lahat

ni Ronalyn Seminiano Reonico | April 26, 2021

Natagpuan na ang nawalang Indonesian submarine sa seabed ng Bali kung saan kumpirmadong patay ang 53 crew nito.

Ayon sa awtoridad, noong Linggo nang umaga ay nakatanggap sila ng signal ng kinaroroonan ng naturang submarine na 800 meters (2,600 feet) ang lalim.

Gumamit ng underwater submarine rescue vehicle upang matagpuan ang KRI Nanggala 402.

Pahayag ni Navy Chief of Staff Yudo Margono, "There were parts of KRI Nanggala 402—it was broken into three pieces."

Noong Miyerkules unang naiulat na bigla na lang nawalan ng contact sa naturang submarine habang nagsasagawa ng training exercises at kaagad na nagpadala ang awtoridad ng mga warships, eroplano at military personnel upang mahanap ito.

Habang nagsasagawa ng search and rescue operations, nadiskubre ang oil spill at pinaniniwalaang nagkaroon ng fuel-tank damage.

Noong Linggo, iniulat ni Indonesian Military Head Hadi Tjahjanto na wala nang pag-asang matagpuang buhay ang mga crew nito.

Aniya pa, "With deep sadness, I can say that all 53 personnel onboard have passed."

Nagpahayag naman si Indonesian President Joko Widodo ng pakikiramay sa mga naulila ng mga pumanaw na submarine crew.

Aniya pa, “The army and navy have changed the status of the KRI Nanggala 402 submarine from having lost contact to being ‘sub-sunk’ or drowned.

“All of us Indonesians express our deep sorrow over this tragedy, especially to the families of the submarine crew.”

Sa ngayon ay hindi pa rin malinaw kung ano ang dahilan ng insidente.

7 patay sa magnitude 6 na lindol sa Indonesia

ni Ronalyn Seminiano Reonico | April 11, 2021

Patay ang 7 katao matapos tumama ang magnitude 6 na lindol sa Java island, Indonesia noong Sabado nang hapon, ayon sa National Disaster Mitigation Agency.

May lalim na 82 kilometers (50 miles), 45 kilometers southwest ng Malang city, East Java ang naturang lindol at tinatayang aabot sa daan-daang kabahayan ang nasira gayundin ang ilang gusali kabilang na ang mga paaralan, government offices, at mosque sa rehiyon.

Pahayag ni National Disaster Mitigation Agency Spokesman Raditya Jati, "Our latest data shows that seven people died, two are seriously injured and 10 others sustained minor injuries."

Samantala wala namang ibinabang tsunami warning sa naturang bansa.