P-Du30, 'di nakadalo sa selebrasyon ng Araw ng Kalayaan

ni Ronalyn Seminiano Reonico | June 12, 2021

Isinagawa ang flag raising ceremonies sa Luneta Park, Manila ngayong Sabado para sa paggunita sa 123rd Independence Day ng Pilipinas.

Pinangunahan ni Justice Secretary Menardo Guevarra ang flag raising ceremony, kasama si Manila Mayor Francisco “Isko” Moreno.

Dumalo rin sa paggunita ng Araw ng Kalayaan si National Historical Commission of the Philippines Chairperson Rene Escalante.

Nag-alay din ng bulaklak ang mga opisyal sa monumento ng pambansang bayani na si Dr. Jose Rizal.

Hindi nakadalo si Pangulong Rodrigo Duterte ngunit nagpadala siya ng video message.

Mensahe ng pangulo, "The challenges of the past years have tested our character as a nation. Each of us have been called upon to be heroes in our own right, fighting for our survival and devoting ourselves to the common good just as our heroes did more than a century ago.

“With their noble example, inspiring us to look forward to the brighter future, filled with hope that we will overcome the challenges brought by this pandemic."

Libreng sakay sa MRT-3 sa Independence Day

ni Ronalyn Seminiano Reonico | June 10, 2021

Libre ang sakay sa MRT-3 sa Independence Day, June 12, ayon sa Department of Transportation (DOTr) ngayong Huwebes.

Saad pa ng DOTr MRT-3, “Sa darating na ika-12 ng Hunyo 2021, magbibigay ng libreng sakay ang DOTr MRT-3 bilang pakikiisa ng ahensiya sa paggunita ng ika-123 anibersaryo ng proklamasyon ng Araw ng Kasarinlan ng Pilipinas.”

Ayon pa sa DOTr, ang libreng sakay ay mula alas-7 hanggang alas-9 nang umaga at mula alas-5 nang hapon hanggang alas-7 nang gabi.