Imported pork, isubasta; mga ganid na negosyante, ‘di makakaporma!

ni Imee Marcos - @Imeesolusyon | May 07, 2021

Samataas na presyo ng karneng baboy at kapos na supply dulot ng African swine fever o ASF, tabla pa ngayon sa pinal na dami ng minimum access volume o MAV ng aangkating ba­boy.

Magkakaroon pa rin naman kasi ng negosas­yon ang ehekutibo at ang lehislatibo sa lebel ng MAV at taripa ng imported pork. Pero ‘yun nga lang, malaki ang pagkakaiba sa kalkulasyon ng mga mambabatas at mga ahensiya ng gobyerno.

Sa totoo lang, sobra-sobra talaga ang panukalang 400,000 tonelada na importasyon ng karneng baboy na pangunahing papatay sa mga lokal na magbababoy bago pa malutas ang krisis sa ASF, agree?

Nakalulunos na kahit may pandemya, marami pa ring negosyante ang ganid at gustong masolo at mas damihan pa ang importasyon ng baboy.

Sa harap nito, IMEEsolusyon natin na habang wala pang pinal na MAV sa imported pork, eh, isubasta na ang mga angkat na baboy para maging lantad sa publiko ang alokasyon sa bawat negosyanteng importer. ‘Yan din ang titiris sa mga mapagsamantalang negosyante na gusto lang kumita sa policy ng gobyerno.

Bukod d’yan, madaragdagan pa ng nasabing public auction o pagsubasta ang pondo ng gobyerno mula sa pag-iisyu ng mga import permit. Mawawala pa ang suspetsa na kaya itataas lang ang MAV ay para paboran ang mga kartel o mga grupo ng negosyanteng gustong pagka­kitaan ang kakulangan ng supply ng karneng baboy sa mga palengke at kontrolin ang presyo.

IMEEsolusyon din na nakikita natin, kompromisong taasan ang MAV ngunit hindi sobra-sobra at hindi agad-agaran. Sa pagkon­sulta natin sa mga magbababoy, dapat 150,000 tonelada lang muna ang iangkat at hanggang 204,000 lang ang maximum, para makakapag­benta pa rin ang ating mga lokal na hog raisers ng kanila. Sa taripa, huwag naman ibagsak sa 5% mula 30%, para may kita pa rin ang gobyerno na puwedeng gamiting tulong sa mga nasalanta ng ASF.

Harinawa’y mabilisan na natin ang paglutas sa mga problemang ito para naman maisalba na natin ang kabuhayan ng ating mga local hog raisers at malutas na ang krisis sa supply ng baboy.

‘Tulog’ na bilyong pautang ng gobyerno, i-ayuda sa mga negosyo!

ni Imee Marcos - @Imeesolusyon | May 03, 2021

Nagpapasaklolo na ang maliliit na negosyo tulad ng mga sari-sari store, karinderya, kabilang ang MSMEs o micro, small and medium enterprises sa bansa dahil pabagsak na ng husto ang kanilang kabuhayan dahil sa pandemya.

Bagama’t may mga nakalatag nang pautang ang ating pamahalaan, hinaing nilang hindi sila makautang dahil sa dami ng mga requirements ng DTI. Inaalala rin nila kung paano sila makababayad kung walang katiyakan kung kailan matatapos ang paulit-ulit na lockdown.

Daing pa nila, bukas-sara sila, kaya super-lugi talaga at hindi pa makabawi-bawi sa kanilang mga operasyon. Well, sa ganang akin, IMEEsolusyon dito na kaysa ipautang ang bilyun-bilyong pondo ng gobyerno na natutulog lang o hindi nagagamit ng ibang ahensiya, eh, direkta nang i-ayuda sa mga negosyante.

Tulad na lang sa P10 bilyong inilaan para sa DTI sa programa nitong tinawag na CARES o COVID-19 Assistance to Restart Enterprises, na may P3.3 bilyon pa lamang ang nagagamit.

Gayundin ang P6 bilyong inilaan para sa tourism industry na hindi pa rin nagagamit para sa ayuda. Eh, ‘di ba nga hindi makapagbukas ang mga hotel, resort at restaurant, dulot ng mabagal pa ang pagbabakuna at wala pang kumpiyansa bumiyahe ang mga turista.

Pati na rin ang napakabagal na paglabas ng mga bilyones na pondo sa mga bangko ng gobyerno tulad ng Land Bank of the Philippines at Development Bank of the Philippines, pati na rin sa ibang government financial institution tulad ng Philguarantee Corporation.

Pero kung ibibigay na ayuda ang mga ‘yan sa maliliit na negosyo, plis lang ‘wag na kasing gawing kumplikado pa ang sistema na kung anu-ano pang requirements ang hihingin, ‘di ba? Kapag naayudahan kasi ang mga negosyo, kahit paano ay makakaahon sila habang patuloy ang pagbabakuna.

At siyempre, oras na makumpleto na ang vaccination, maaari nang magsibukasan ang mga nagsarang nego

syo at magsimula ang tinatawag na economic recovery ng bansa. O, ‘di ba, bongga!

Habang wala pang bakuna, palawakin pa ang paggamit ng Ivermectin

ni Imee Marcos - @Imeesolusyon | April 30, 2021

Wala pa ring katiyakan ang mga inaasahang bakuna sa bansa, sa hirap ng pangangailangan o dapat mabakunahan ng gobyerno araw-araw ang mahigit sa 300 libong Pinoy mula ngayong Mayo hanggang sa matapos ang taon.

Sa katotohanan, mahigit 93 libo pa lang kada araw ang pinakamaraming naturukan ng COVID vaccine, ayon na rin sa report ng IATF na inaambisyon na 78 million na mga Pinoy ang mabakunahan sa loob ng taong ito, alinsunod sa rekomendasyon ng World Health Organization.

Ang tanong natin, mga friendship, ano ang back-up plan natin? Eh, nitong linggo, napurnada ang inaasahan nating bakuna na Sputnik V mula Russia. And take note, maging mayayamang bansa tulad ng UK o Britanya at ng EU nagbabangayan sa produksiyon at pagbarko ng bakuna.

Hindi lang ‘yan, kamakailan lang ay may mga sagabal na sa vaccine shipment ng Moderna sa yayamaning mga bansa tulad ng Canada, Britanya, tapos pati nga ang paggamit ng AstraZeneca at J&J vaccine ay ang dami sagabal, meron pa kasing panibagong safety review dito. Juicekoday!

Dagdag pa riyan ‘yung India na siyang pinakamalaking vaccine manufacturer, eh, nagtapyas ng kanilang ini-export, siyempre, inuuna nila ngayon ang kanilang bansa dahil mas lumubo ang mga tinamaan ng COVID-19. Santisima, eh, paano na tayong mga kasama sa mga abangers ng bakuna?

Super-duper malilimitahan lang ang bakuna nating makukuha, ‘kalokah! Eh, nasa 201,521 pa lang ang nakakakumpleto ng bakuna, habang 1,205,697 ang naturukan ng unang dose pa lang, so, ano na? Hay naku!

Pero, ‘ika nga, kada may problema, may IMEEsolusyon tayo, at isa na, eh, ang inihihirit na naman natin sa Department of Health at Food and Drug Administration na payagan na ang mas malawak na emergency use approval ng mga repurposed drugs na tulad ng Ivermectin, na ginawa para sa ibang sakit gaya ng elephantiasis at “river blindness” pero nakitang may pakinabang pala na ibsan ang pahirap na sintomas ng COVID.

Aba, eh, malaki ang maitutulong niyan sa ating health care system, napakamura lang P35 kada piraso! Eh, ‘di ba, nga pinayagan na ‘yan sa ilang ospital ng mismong FDA? Marami nang doktor at pasyente ang nagbigay ng testimonya na nakabuti ito, ‘di ba?

Sana itodo na, ‘wag nang limitahan sa ilang ospital lang, na parang takot masagasaan ang interes ng malalaking pharma kasi nga mura lang. Kung makatutulong ito habang walang bakuna, why not, ‘di ba? Go na sa Ivermectin, now na!