P10K cash gift sa edad 80, 85, 90 at 95, aprub na sa Kongreso

Fni Angela Fernando - Trainee @News | December 7, 2023

Inaprubahan ng Kongreso ang isang panukalang batas na may layong dagdagan ang benepisyo ng mga sentenaryano at senior citizens.

Ayon kay House Committee on Senior Citizens Affairs Chair Rodolfo Ordanes nitong Huwebes, pumayag ang bicameral conference committee na itaas sa P10-K ang cash gift na ibibigay sa mga Pinoy na senior citizen sa loob ng isang taon kapag sila'y tumuntong ng edad na 80, 85, 90, at 95.

Makakatanggap naman ng P100-K na cash gift ang mga senior na aabot sa edad na 100.

Dagdag ni Ordanes, ang mga mambabatas ay nagkasundo sa pangangailangan para sa Senate-proposed Elderly Data Management System.

Susuriin namang maigi ng Kamara at Senado ang mga paraan para matukoy ang panggagalingan ng pondo at masiguro ang pagpapatupad nito.

Pati daycare teacher, iba pang taga-Barangay.. Tanod, pasok sa pabahay

ni BRT | April 3, 2023

Pasok na rin ang mga empleyado ng Barangay sa mga benepisyaryo ng programang pabahay ng pamahalaan.

Batay ito sa probisyon ng isang memorandum of understanding (MOU) na nilagdaan kamakailan nina Human Settlements and Urban Development Sec. Jose Rizalino Acuzar at Interior Secretary Benhur Abalos.

Base sa kasunduan, magtatayo ng housing units para sa mga mahihirap na Barangay worker at informal settler sa ilalim ng “Pambansang Pabahay” program.

Target sa kasunduan ang mga mahihirap na tanod, day care teachers, response team workers at iba pang kuwalipikadong empleyado, maging ang mga permanent, contractual o casual workers.

Kasama rin sa programa ang informal settler families bilang buyer-beneficiaries ng affordable housing units.

Tutulong umano ang DILG sa mga Barangay para tukuyin ang mga benepisyaryo sa pamamagitan ng social preparation, census enumeration, socio-economic profiling at pagtatalaga ng social parameters.

2-Day Menstrual Leave kada buwan, inihirit

ni Madel Moratillo | March 23, 2023

Sa Kamara, muling isinusulong ang Menstrual Leave Act.

Sa ilalim ng House Bill 7758 na inihain ni Gabriela Women’s Partylist Rep. Arlene Brosas, magkakaroon ng 2 araw na paid menstrual leave ang isang empleyado.

Exempted sa panukala ang mga buntis at nagme-menopause na.

Ayon kay Brosas, ito ang laging pangamba ng mga kababaihan dahil kung hindi sila papasok, wala silang sweldo o baka maharap sa disciplinary action.

Kailangan aniyang mabigyan ng suporta ang mga kababaihan na hindi na kailangang mangamba tuwing dumarating ang buwanang dalaw at nakakaramdam ng mga sintomas na kaakibat nito.

Ayon sa mambabatas, sa Japan, South Korea, Taiwan, Indonesia, at Spain ay mayroon ng menstrual leave.

Dito sa Pilipinas, partikular sa La Union at bayan ng Tangalan sa Aklan ay pinapayagan ang isang government employee na mag-work from home sa loob ng 2 araw sa panahon ng menstruation nito.