Horoscope | Mayo 14, 2020 (Huwebes)

Maestro Honorio Ong

Sa may kaarawan ngayong Mayo 14, 2020 (Huwebes): Mabilis kang yayaman sa pamamagitan ng negosyo. Maaantala ang pagyaman mo dahil sa iyong pamamasukan.

ARIES (Mar. 21-Apr. 19) - Huwag kang mag-alinlangan dahil ikaw pa rin ang dating ikaw na handang gawin ang lahat at ibigay ang iyong makakaya para sa katuparan ng iyong mga pangarap. Ito ang mensahe para sa iyo. Masuwerteng kulay-green.

TAURUS (Apr. 20-May 20) - Hindi mo malaman kung matutuwa ka o hindi dahil parang may kalayaan na pero mahigpit pa rin. Huwag mo nang pagkaabalahan pa ang mga balita na lalo lang gugulo ng isipan mo. Masuwerteng kulay-yellow.

GEMINI (May 21-June 20) - Palalayain na ang mga tao, kaya lang, parang hindi ka pa handa at maging ang mga tao ay parang nasanay nang walang ginagawa. Mas magandang magpatuloy ang ningas ng iyong pag-asa. Masuwerteng kulay-purple.

CANCER (June 21-July 22) - Magsasayang ka lang ng mahalagang oras sa kaiisip kung may kalayaan na o wala pa dahil kahit ideklarang balik na sa dati ang pamumuhay, malabo pa rin kung paano mabubuhay. Masuwerteng kulay-pink.

LEO (July 23-Aug. 22) - Ikaw ang susundin pero kung hindi ka mag-uutos, iba ang masusunod. Kung mag-uutos ka, ikonsidera mo ang kapakananan ng nakararami. Ito ang mensahe ng iyong kapalaran. Masuwerteng kulay-beige.

VIRGO (Aug. 23-Sept. 22) - Tuloy lang ang buhay kahit marami kang gustong gawin na hindi mo magawa. Tuluy-tuloy lang hanggang sa muling maging normal ang lahat. Ito ang mensahe para sa iyo. Masuwerteng kulay-blue.

LIBRA (Sept. 23-Oct. 22) - Wala sa inilalagay sa mukha at katawan ang ganda ng tao. Ang ganda ay nakikita kung paano kumilos at makitungo sa kapwa tao. Ito ang mensahe ng iyong kapalaran. Masuwerteng kulay-black.

SCORPIO (Oct. 23-Nov. 21) - Manindigan ka pero hindi ka dapat maging agresibo. Ang paninindigan ay nakikita sa pagiging matatag ng mga salitang binitawan. Ito ang mensahe ng iyong kapalaran. Masuwerteng kulay-violet.

SAGITTARIUS (Nov. 22-Dec. 21) - Maganda ang pangako ng bukas para sa iyo. Ang totoo nga ay mas maganda ito kaysa sa magagandang bagay na napasakamay mo noon. Ito ang mensahe para sa iyo. Masuwerteng kulay-peach.

CAPRICORN (Dec. 22-Jan. 19) - Bago maging ganap na bulaklak, siya ay nagiging maliit at mahiyaing buko. Tapos na ang pagiging munting buko mo dahil babango nang todo ang kapalaran mo. Masuwerteng kulay-red.

AQUARIUS (Jan. 20-Feb. 18) - Nagbabalik ang nakaraan kahit ayaw ng tao. Hindi nahahadlangan ang darating kahit labag sa kalooban ng tao. Babalik at darating ang iyong nakaraan pero ‘di mo na ito aayawan. Masuwerteng kulay-brown.

PISCES (Feb. 19-Mar. 20) - Una-una lang ang pamamasyal. Kung anong lugar ang madali mong mapupuntahan, doon ka muna pumunta. Ang iba pang lugar ay mararating mo rin kapag nabigyan ka na ng pagkakataon. Masuwerteng kulay-white.

![endif]--![endif]--

Horoscope | Mayo 13, 2020 (Miyerkules)

Maestro Honorio Ong

Sa may kaarawan ngayong Mayo 13, 2020 (Miyerkules): Marami ang kontrabida sa buhay mo. Ito ang nangyayari dahil nasasagap nila nang maaga ang kahihinatnan ng iyong buhay at ito ay ang iyong pagyaman.

ARIES (Mar. 21-Apr. 19) - Magtiwala ka sa sarili mo na kapag nakalaya na ang lahat, ikaw ay paangat nang paangat hanggang sa tuluyan kang yumaman nang sagad. Ito ang mensahe para sa iyo. Masuwerteng kulay-white.

TAURUS (Apr. 20-May 20) - Huwag kang maniwala sa mga mapaglaro sa buhay dahil sila ay hindi seryoso at masayahing nilalang. Sasaya ka sa kanila pero hanggang saya lang ang kaya nilang ibigay sa iyo. Masuwerteng kulay-green.

GEMINI (May 21-June 20) - Mamili ka ng isa sa napakaraming bagay na gusto mong gawin kapag ang mga tao ay binigyan na ng kalayaan. Hindi tama na sabay-sabay mong isasagawa ang iyong mga napili. Masuwerteng kulay-yellow.

CANCER (June 21-July 22) - Kung sino ang nasa malapit, sa kanya magmumula ang iyong ligaya. Huwag kang maghanap sa malayo dahil muli, nasa malapit ang iyong ligaya. Ito ang mensahe para sa iyo. Masuwerteng kulay-purple.

LEO (July 23-Aug. 22) - Kung ano ang nakaayos na, ‘yun ang simulan mo. Ang aayusin pa lang ay magiging sanhi ng pagkaantala ng iyong malalaking pagkita ng pera. Ito ang mensahe para sa iyo. Masuwerteng kulay-pink.

VIRGO (Aug. 23-Sept. 22) - Kumonsulta ka sa kilala mong may maunlad na hanapbuhay. Hindi puwedeng lakas lang ng loob ang iyong puhunan, dapat ay may sapat kang kaalaman. Ito ang mensahe para sa iyo. Masuwerteng kulay-beige.

LIBRA (Sept. 23-Oct. 22) - Timbangin mo ang mga oportunidad na nasa iyong harapan. Kung saan malaki ang iyong kikitain, ‘yun ang iyong piliin. Ito ang mensahe ng iyong kapalaran sa araw na ito. Masuwerteng kulay-blue.

SCORPIO (Oct. 23-Nov. 21) - Huwag mong hadlangan ang sarili mo. Ito ang madalas mong pagkakamali kung saan ikaw mismo ang sumasalungat sa hanagrin mong magpayaman nang todo. Ito ang mensahe para sa iyo. Masuwerteng kulay-black.

SAGITTARIUS (Nov. 22-Dec. 21) - Namahinga ang iyong kapalaran kasabay ng pananatili sa bahay. Kapag nakalabas ka na, ang mga suwerte mo ay maglalabasan din. Ito ang mensahe para sa iyo. Masuwerteng kulay-violet.

CAPRICORN (Dec. 22-Jan. 19) - Hinahon ang kailangan mo sa harap ng masalimuot na sitwasyon. Sa pagiging mahinahon, ang solusyon sa problema ay iyong makukuha. Ito ang mensahe para sa iyo. Masuwerteng kulay-peach.

AQUARIUS (Jan. 20-Feb. 18) - Nagbabalita ang araw ngayon na ang magagandang kapalaran ay magdaratingan na sa iyong buhay kung kailan mamamangha ang mga tao sa iyong paligid. Masuwerteng kulay-red.

PISCES (Feb. 19-Mar. 20) - Tumibay ka sa nagdaang mahabang araw na wala kang gaanong ginagawa. Kaya sa muling pagbabalik ng kalayaan, ang mga pagsubok ay madali mong makakayanan. Masuwerteng kulay-brown.

![endif]--![endif]--

Horoscope | Mayo 12, 2020 (Martes)

Maestro Honorio Ong

Sa may kaarawan ngayong Mayo 12, 2020 (Martes): Ginagarantiyahan ng iyong kapalaran na matataas na ranggo sa buhay ang mapasasaiyo. Umasa ka dahil ito ay tiyak na magkakatotoo.

ARIES (Mar. 21-Apr. 19) - Paghandaan mo ang mga araw kung kailan malaya mo nang magagawa ang magagandang plano mo na nabuo sa nagdaang mga araw. Ito ang mensahe ng iyong kapalaran. Masuwerteng kulay-brown.

TAURUS (Apr. 20-May 20) - Huwag mong pansinin ang mga reklamador at paladaing. Ang tutukan mo ay ang mga magagandang araw na darating kung kailan magdaragsaan sa iyo ang mga bagong oportunidad. Masuwerteng kulay-white.

GEMINI (May 21-June 20) - Ipunin at huwag mong kalimutan ang mga ideya na pumasok sa iyong isipan. Ang mga ito ay nagsasabing pasasalamatan mo ang utos na bawal lumabas ng bahay. Masuwerteng kulay-green. CANCER (June 21-July 22) - Nagbibigay ng ginhawa ang pananatili sa bahay. Ibinabalik nito ang lakas at kasiglahan. Ito ay nangyayari sa kabila ng pagpalag ng tao o ayaw na siya ay tila nakakulong at ‘di makalabas. Masuwerteng kulay-yellow.

LEO (July 23-Aug. 22) - Huwag kang umasa sa iba. Madalas kapag umasa ka, hindi naman nangyayari ang iyong inaasahan, pero kapag ikaw mismo ang kumilos, eksakto sa gusto mo ang nagiging resulta. Masuwerteng kulay-purple.

VIRGO (Aug. 23-Sept. 22) - Makinig ka lang pero huwag mong gagawin. Marami ang magagandang panukala na sinasabi ng mga tao, pero kapag ginawa na ay wala namang mapapalang maganda. Masuwerteng kulay-pink.

LIBRA (Sept. 23-Oct. 22) - Dagdagan mo ang kulang at gawin mo ito sa iyong kapwa. Sa ganitong paraan, daragdagan ng langit ang ibibigay sa mga pangangailangan mo. Masuwerteng kulay-beige.

SCORPIO (Oct. 23-Nov. 21) - Marami kang natutunan sa mahabang araw na pananatili sa bahay. Huwag mong kalimutan ang mga ito, gayundin, isabuhay mo ito nang sa gayun ay makatiyak ka na ikaw ay magtatagumpay. Masuwerteng kulay-blue.

SAGITTARIUS (Nov. 22-Dec. 21) - Marami ang umaasa sa iyo, kumbaga, marami ang pasanin mo sa balikat. Huwag kang mag-aalala, tutulungan ka ng langit dahil sa kalinisan at magandang layunin mo sa buhay mo. Masuwerteng kulay-black.

CAPRICORN (Dec. 22-Jan. 19) - Lumayo ka sa mapagpanggap. Kilala mo sila kaya makakaiwas ka. Huwag mong kalimutan na ang nakikipaglaro sa leon ay kanyang nilalamon. Ito ang mensahe para sa iyo. Masuwerteng kulay-violet.

AQUARIUS (Jan. 20-Feb. 18) - Hindi ka mabubuhay nang walang kalayaan. Kaya kahit nakakulong ka sa bahay, nagagawa mo pa ring makatakas. Sa araw ng paglaya, ikaw ay sobrang matutuwa. Masuwerteng kulay-peach.

PISCES (Feb. 19-Mar. 20) - Gawin mo lang ang gusto mo gawin. Bakit mo gagawin ang ayaw mo? Kung sino ang may gusto, siya ang gumawa. Ito ang panuntunan na kailangan mong yakapin sa buhay. Masuwerteng kulay-red.

![endif]--![endif]--