Horoscope | Hunyo 4, 2020 (Huwebes)

Maestro Honorio Ong

Sa may kaarawan ngayong Hunyo 4, 2020 (Huwebes): Taglay mo ang kakayahang baguhin ang anumang gusto mong baguhin. Ito ang iyong lihim na kapangyarihan kaya gamitin mo ito sa kabutihan.

ARIES (Mar. 21-Apr. 19) - Iwasan mo ang anumang klase ng debate, kahit ang pagpapalitan ng mga opinyon ay iyong iwasan. Mas magandang ang asikasuhin mo ay kung paano mapabibilis ang iyong pagyaman. Masuwerteng kulay-red.

TAURUS (Apr. 20-May 20) - Huwag kang maniwala sa hindi mo naman pinagkakatiwalaan. Mas maganda na kung sino ang tagapayo mo noon, siya ang iyong pakinggan. Ito ang mensahe para sa iyo. Masuwerteng kulay-brown.

GEMINI (May 21-June 20) - Huwag mong dagdagan ang kapos at kulang. Ito ay kusang maaayos habang tumatakbo ang mga araw. Kapag nagpumilit ka, ang kulang at kapos ay lalong mababawasan. Masuwerteng kulay-white.

CANCER (June 21-July 22) - Hindi mo kailangan ngayon ang kahit na sino dahil mas maguguluhan ka kapag may nanghimasok sa buhay mo. Ito ang mensahe ng iyong kapalaran sa araw na ito. Masuwerteng kulay-green.

LEO (July 23-Aug. 22) - Maghiram ka ng magagandang ideya sa ibang tao hindi dahil kapos ka sa mga ito kundi para madagdagan ang mga bagong pormula na magpapabilis sa iyong pag-asenso. Masuwerteng kulay-yellow.

VIRGO (Aug. 23-Sept. 22) - Magsabi ka kung ano ang gusto mo at sabihin mo ito nang direkta. Huwag mong habaan pa ang pagsasalita dahil baka hindi ka maunawaan sa dami ng iyong mga sasabihin. Masuwerteng kulay-purple.

LIBRA (Sept. 23-Oct. 22) - Kung ano ang mayroon ka, ‘yun ang gamitin mo. Ang mahalaga ay masimulan mo na ang gusto mong isagawa. Ito ang mensahe ng iyong kapalaran ngayon. Masuwerteng kulay-pink.

SCORPIO (Oct. 23-Nov. 21) - Huwag kang makisali sa hindi magkaintindihan. Mas gugulo lang ang sitwasyon at madadamay ka sa problema nila. Ito ang mensahe ng iyong kapalaran sa araw na ito. Masuwerteng kulay-beige.

SAGITTARIUS (Nov. 22-Dec. 21) - Nabubuhay ang tao para sa kanyang kinabukasan. Huwag mo nang balikan pa ang nagdaan dahil ang ganu’ng bagay ay sagabal lang sa pag-usad ng iyong kalagayan ngayon. Masuwerteng kulay-blue.

CAPRICORN (Dec. 22-Jan. 19) - Sumunod ka sa mga lumang prinsipyo ng buhay. Maliligaw kapag sinundan mo ang mga bago at naiibang pormula ng pagpapayaman. Ito ang mensahe para sa iyo. Masuwerteng kulay-black.

AQUARIUS (Jan. 20-Feb. 18) - Kung saan ka masaya, roon ka. Walang tao na gustong mahirapan at makaranas ng kalungkutan. Ito ang mensahe ng iyong kapalaran ngayon. Masuwerteng kulay-violet.

PISCES (Feb. 19-Mar. 20) - Huwag kang umangal at sakyan mo lang ang agos ng buhay. Sa huli, masusumpungan mo ang iyong sarili na nasa harap mo na ang iyong pinapangarap. Ito ang mensahe para sa iyo. Masuwerteng kulay-peach.

![endif]--![endif]--

Magandang career, ‘di kailangang isakripisyo ng metal snake ‘pag nagka-love life

Forecast 2020

Sa pagpapatuloy ng pagtalakay sa magiging kapalaran ng bawat animal sign ngayong taon, tatalakayin naman natin ang ugali at magiging kapalaran ng mga isinilang sa Year of the Snake ngayong Year of the Metal Rat.

Ang Snake o Ahas ay nahahati sa limang klase, batay sa taglay nilang elemento at ito ay ang mga sumusunod:

• Metal Snake o Bakal na Ahas - silang mga isinilang noong 1914 at 2001

• Water Snake o Tubig na Ahas - silang mga isinilang noong 1953 at 2013

• Wood Snake o Kahoy na Ahas - silang mga isinilang noong 1965 at 2025

• Fire Snake o Apoy na Ahas - silang mga isinilang noong 1917 at 1977

• Earth Snake o Lupang Ahas - silang mga isinilang noong 1929 at 1989

Sa pagkakatong ito, tatalakayin natin ang magiging kapalaran ng Metal Snake o Bakal na Ahas ngayong 2020.

Dahil sa pagiging determinado at may matatag na kalooban, madaling makukuha ng Metal Snake ang lahat ng nais niyang makamit. Basta ang mahalaga, anumang hamon ng buhay ang dumating, hindi siya dapat sumuko dahil tiyak na ang dulo ng mga pakikipaglabang ito na kanyang nararanasan ay mauuwi rin sa malaking pagpapala at tagumpay sa kinabukasan.

Dahil na rin sa paghahangad na umunlad, yumaman at gumanda ang buhay, ngayong Year of the Metal Rat, isa-isa at dahan-dahang makakamit ng Metal Snake ang lahat ng mga hinahangad niyang ito.

Hindi lang sa career, pag-aaral o pag-establish ng kabuhayan uunlad at magiging masagana ang Metal Snake, bagkus, maaari siyang magkaroon ng kakaibang experience hinggil sa love life at pakikipagrelasyon, ‘ika nga, maaaring ngayong 2020, ngitngit sa kanyang paligid ang galak at saya dulot ng masayang pag-ibig. Pero hindi naman dapat maisakripisyo ang binubuo niyang magandang career para sa future sa sandaling umibig siya at ma-in love, sapagkat batid ng Ahas na Bakal na higit pa ring mahalaga ang pag-aaral at pag-establish ng career kaysa sa ibang bagay sa kasalukuyan.

Ang maganda pang mangyayari sa Metal Snake ay anuman ang hawak niya ngayon, maaaring karangalan, poder o posisyon o marangyang pamumuhay, may balita na ang lahat ng hawak mo ngayon na nagdudulot sa iyo ng saya at galak ay siguradong pananatilihin ng langit, kaya kahit may Covid-19 ngayon, umasa kang patungo pa rin ang iyong kapalaran – lalo na sa materyal na bagay, career at love life – sa positibo, maaliwalas at maligayang bukas.

Ang lahat ng magaganda at positibong bagay at karangalang hawak ngayon ay siguradong mapananatili mo, hindi lamang sa 2021 kundi sa marami pang taon ng iyong buhay dahil ang langit ay nagbabalitang habang pinapanaig mo nang husto at pinaiiral ang dati mong ugali na pagiging buo at malakas ang loob, magtutuluy-tuloy ang tagumpay at ang dating ng magagandang kapalaran sa iyo habambuhay.

Itutuloy

Horoscope | Hunyo 3, 2020 (Miyerkules)

Maestro Honorio Ong

Sa may kaarawan ngayong Hunyo 3, 2020 (Miyerkules): Isinilang ka para mamuno, kaya hindi puwede na mababa ang ranggo mo sa iyong trabaho. Ito ang tagong dahilan kung bakit hindi ka nagtatagal sa pamamasukan.

ARIES (Mar. 21-Apr. 19) - Ngayon mo simulan ang sinasabi mo sa sarili mo na itotodo mo ang lahat ng makakaya mo para bumilis ang iyong pagyaman. Aayon sa kagustuhan mo ang mga pangyayari. Masuwerteng kulay-peach.

TAURUS (Apr. 20-May 20) - Magtanong ka muna bago ka kumilos. May ilang mga pagbabago na kailangan mong isagawa. Sa pagtatanong, hindi ka maliligaw at sa halip, magiging tama ang bawat ikikilos mo. Masuwerteng kulay-red.

GEMINI (May 21-June 20) - Mabagal ang takbo ng buhay sa nagdaang bawal lumabas ng bahay, pero ngayon, kailangang ibalik mo ang bilis ng isipan at kilos mo. Magsisimulang bumilis ang ikot ng mundo. Masuwerteng kulay-brown.

CANCER (June 21-July 22) - Kinakabahan ka ba? Normal lang sa iyo ang ganyan, lalo na ngayong nahaharap sa bagong pakikipagsapalaran na ang kailangan ay maging maingat sa lahat ng bagay. Masuwerteng kulay-white.

LEO (July 23-Aug. 22) - Lahat ay nakatodo ang kilos, kaya hindi ka dapat maiwanan. Mas magandang makasabay ka sa agos ng buhay kung saan ang lahat ay walang sinasayang na araw. Ito ang mensahe para sa iyo. Masuwerteng kulay-green.

VIRGO (Aug. 23-Sept. 22) - Huwag kang mabahala kung ang iba ay umaabante. Sa huli, maaabutan mo sila at ang nakatutuwa ay malalagpasan mo ang lahat ng nauna sa iyo. Ito ang mensahe para sa iyo. Masuwerteng kulay-yellow.

LIBRA (Sept. 23-Oct. 22) - Nag-aabang sa iyo ang maraming masasayang kapalaran at karamihan sa mga ito ay mga suwerte sa buhay kung saan ang puso mo ay mag-uumapaw sa kagalakan at kasiyahan. Masuwerteng kulay-purple.

SCORPIO (Oct. 23-Nov. 21) - Mawawala na ang inis mo sa mga awtoridad kapag sinubukan mong lumabas ng bahay. Magugulat ka dahil parang wala nang kinatatakutan ang tao kahit sa totoo lang ay mayroon pa. Masuwerteng kulay-pink.

SAGITTARIUS (Nov. 22-Dec. 21) - Habaan mo ang iyong pasensiya. Hindi abot ng mga nasa ibaba ang mataas mong kaisipan. Huwag mong daanin sa init ng ulo ang makikita mong kahinaan nila. Masuwerteng kulay-beige.

CAPRICORN (Dec. 22-Jan. 19) - Sumakay ka sa agos ng buhay dahil mabilis ang kilos ng mga tao. Ito ang makikita mo sa mga lansangan. Kailangang mabilis ka rin nang hindi ka mapag-iwanan at madehado. Masuwerteng kulay-blue.

AQUARIUS (Jan. 20-Feb. 18) - Magtrabaho ka na muli. Tulad ng dati, huwag kang sobrang seryoso at haluan mo ng saya ang iyong mga ginagawa dahil ang totoo, sa saya ka nabubuhay at hindi sa hirap at pagpapagod. Masuwerteng kulay-black.

PISCES (Feb. 19-Mar. 20) - Ngayong damang-dama mo na malaya na muli ang lahat, ikaw ay makikitang nasa malayo ang isip. Sa paglalakbay, may magagandang paaran na naghihintay sa iyo. Masuwerteng kulay-violet.

![endif]--![endif]--