PNP at PCG, dapat alerto.. Zero casualty ngayong Semana Santa

ni Mylene Alfonso | April 3, 2023

Pinaalalahanan ang mga pulis at coast guard personnel na gampanang mabuti ang trabaho ngayong Semana Santa.

“Paalala natin na masusing iniinspeksyon ng mga pulis ang mga public transport bago umalis ng terminal to check if safe ito bumiyahe,” ani House Speaker Martin Romualdez.

Dapat umanong tiyakin ng Coast Guard personnel na hindi overloaded ang mga sasakyang pantubig at dapat may mga life vests.

“Accidents can be prevented kung uunahan ng mga maintenance at inspeksyon,” dagdag ni Romualdez.

“Dapat wala na o mabawasan ang mga sakuna ‘pag ganitong panahon dahil we have this long Semana Santa break every year,” pahabol ni Romualdez.

Provincial bus, puwede sa EDSA ngayong Semana Santa

ni Gina Pleñago | April 1, 2023

Inihayag ng Metropolitan Manila Development Authority (MMDA) na sa darating na Semana Santa, puwedeng dumaan ang lahat ng mga provincial bus sa kahabaan ng EDSA.

Mula Abril 3 hanggang 5, ang mga panlalawigang bus ay papayagan sa EDSA mula alas-10 ng gabi hanggang alas-5 ng madaling-araw; at mula Abril 6 hanggang 10, round-a-clock namang pahihintulutan ang pagdaan ng mga provincial bus para ma-accommodate ang inaasahang pagdagsa ng mga pasaherong pupunta sa kani-kanilang probinsya para sa Semana Santa.

Magtatapos ang mga North Luzon sa kanilang mga biyahe sa mga terminal ng bus sa Cubao, Quezon City habang ang manggagaling naman sa South Luzon ay sa mga terminal ng bus sa Pasay City.

Ngayong Semana Santa.. P-BBM, magninilay-nilay

ni Mylene Alfonso | April 1, 2023

Plano ni Pangulong Ferdinand Marcos, Jr., na magkaroon ng quiet time para sa kanyang sarili at sa kanyang pamilya ngayong Semana Santa.

Sinabi ni Marcos na balak niyang mag-retreat ng ilang araw at gugulin ang Linggo ng Pagkabuhay kasama ang kanyang pamilya na siyang ginagawa nila tuwing Semana Santa kada taon.

Samantala, nagtungo ang Pangulo sa Mariveles, Bataan upang pangunahan ang Bataan-Cavite Interlink Bridge (BCIB) Milestone Ceremony.

Nauna rito, nagtungo si Marcos sa Limay, Bataan para sa Kadiwa ng Pangulo, pamimigay ng government assistance at ang inagurasyon ng San Miguel Global Power Battery Energy Storage System (BESS).