Australian helicopter, bumagsak sa silangang Luzon, 3 crew sugatan — AFP

ni Lolet Abania | October 14, 2021

Tatlong crew member ang nasugatan matapos na ang Royal Australian Navy MH-60R Seahawk helicopter ay bumagsak habang transiting o papadaan sa silangang bahagi ng Luzon nitong Miyerkules ng gabi, batay sa report ngayong Huwebes ng Armed Forces of the Philippines (AFP).

Ayon kay AFP spokesperson Col. Ramon Zagala, ang tatlong sakay na crew members ay ligtas na narekober ng Royal Australian Navy ship na HMAS Brisbane, kung saan naroon malapit sa lugar.

Sinabi ni Zagala na ang MH60R Seahawk ay nag-o-operate mula sa HMAS Brisbane, na naiulat na may regional presence deployment sa Royal Australian Navy HMAS Warramunga.

“The AFP is still coordinating with its Australian counterparts on the matter and has expressed readiness to provide assistance,” ani Zagala. Base sa reports mula sa Royal Australian Navy, maraming ships ang nagsasagawa ng tinatawag na “a number of navy-to-navy engagements with partner nations” sa Southeast at Northeast Asia.

Sa inilabas na press statement mula sa Australian Department of Defense, ayon sa kanila ang mga crew members ay ligtas na at agad namang nakatanggap ng first aid sa natamo nilang minor injuries.

Ang HMAS Brisbane at HMAS Warramunga ay nagsasagawa na ng pagsisiyasat sa lugar sa anumang debris para alamin at madetermina ang naging dahilan ng insidente.

Ayon kay Rear Admiral Mark Hammond ng Australian Fleet command, bilang pag-iingat aniya, “We have temporarily paused flying operations of the MH-60R Seahawk fleet.”

US Navy helicopter, bumagsak, 1 lang ang nakaligtas

ni Lolet Abania | September 1, 2021

Nagsagawa na ng search-and-rescue operations matapos na isang US Navy helicopter ang bumagsak sa karagatan na sakop ng baybayin ng California, USA, ayon sa US Pacific Fleet nitong Martes.

Isa sa crew member ang nakaligtas at batay sa statement ng naturang fleet, “Search and rescue operations are ongoing with multiple Coast Guard and Navy air and surface assets.”

Sa post sa Twitter ng US Pacific Fleet, “The MH-60S helicopter took off from the USS Abraham Lincoln during ‘routine flight operations’ about 60 nautical miles off the coast of San Diego at 4:30 p.m. (2330 GMT).”

Hindi naman binanggit ng navy kung ilan ang naging sakay ng naturang helicopter, habang wala nang ibinigay na iba pang detalye hinggil sa insidente.

7 nasawi sa helicopter crash, binigyang-parangal

ni Lolet Abania | January 18, 2021

Binigyan ng Philippine Air Force (PAF) ng military honors ang apat na sundalong piloto na namatay sa helicopter crash noong Sabado sa Bukidnon.

Sa isang statement na inilabas ng PAF, ang military honors ay ipinagkaloob nu'ng Linggo nang hapon sa mga sumusunod na opisyal:

• Lieutenant Colonel Arnie Arroyo (Pilot-in-command)

• Second Lieutenant Mark Anthony Caabay (Co-pilot)

• Staff Sergeant Mervin Bersabi (Gunner/Crew chief)

• Airman First Class Stephen Agarrado (Gunner)

Gayundin, ang tatlong pasahero na nasawi sa pagbagsak ng helicopter na sina Sergeant Julius Salvador at Citizen Armed Force Geographical Unit Active Auxiliaries Jerry Ayukdo at Jhamel Sugalang ay binigyan din ng pagkilala kasama ng mga namatay na airmen sa isang misa.

Ang mga labi ng apat na namatay na airmen ay dinala sa Cebu City habang ang tatlong iba pa ay dinala naman sa kanilang bayan sa Malaybalay, Bukidnon.

Ayon sa mga awtoridad, ang helicopter na nasa isang resupply mission ay bumagsak dahil sa “engine trouble”.