Gym, super spreader ng COVID, bawal pa rin

ni Ronalyn Seminiano Reonico | June 1, 2021

Ipinagbabawal pa rin ng pamahalaan ang operasyon ng mga gyms sa mga lugar na nasa ilalim ng general community quarantine (GCQ) ‘with heightened restrictions’ kabilang na ang NCR Plus na binubuo ng Metro Manila at mga karatig na lugar, hanggang sa June 15, ayon sa Palasyo.

Ayon kay Presidential Spokesperson Harry Roque, dahil indoor na kadalasan ay air-conditioned, mas posible ang pagkakahawahan ng COVID-19 sa mga gyms.

Saad ni Roque, “Gyms are not allowed until June 15 because it is a matter of it at risk of being a super spreader event due to its nature of activities done indoors, [people] sweating and activities done in close contact.

“This is based on World Health Organization (WHO) and Department of Health (DOH) guidelines that gyms must remain closed for the time being alongside indoor amusement centers, arcades and internet cafes where it is difficult to observe social distancing.

“Pababain muna natin ang mga kaso ng COVID-19.”

Gyms, fitness centers, spas at internet cafes sa NCR Plus, ipinasara

ni Lolet Abania | March 23, 2021

Sarado ang mga gyms, fitness centers, spas at internet cafes sa National Capital Region (NCR) kasabay ng ipinatutupad ng NCR Plus bubble policy mula Marso 22 hanggang Abril 4 dahil sa pagtaas ng COVID-19 cases, ayon sa Presidential Spokesperson Harry Roque.

Ito ang inanunsiyo ni Roque ngayong Martes, matapos isang araw na payagan ang mga gyms at fitness centers na mag-operate na may 75% capacity, habang ang mga spa na may 50% capacity sa mga lugar na nasa NCR Plus hangga’t ang mga local government units (LGUs) ay walang iniisyung restriksiyon.

“Nagkasundo po ang Metro Manila mayors na sarado po sa susunod na dalawang linggo ang gyms, spas, at internet cafe,” ani Roque.

Nakapagtala ang bansa ng pinakamataas na bagong kaso na 8,109 ng COVID-19 kahapon, Marso 22, na siya ring unang araw ng pagpapatupad ng NCR Plus bubble policy.

Ang NCR Plus bubble policy ay bagong panuntunan ng gobyerno para sa mga residente ng Metro Manila at karatig-probinsiya ng Bulacan, Cavite, Rizal, at Laguna na hindi pinapayagang lumabas sa itinakdang NCR Plus border maliban kung ito ay isang essential trip, kabilang dito ang pagpunta sa lugar na pinapasukan, mula Marso 22 hanggang Abril 4.

Gayundin, ang NCR Plus bubble restriction ay nagbabawal naman sa mga mamamayan na hindi sakop ng bubble na pumasok sa nasabing lugar maliban kung ito ay essential trip.

Gyms, spas, internet cafes, ipinasara; liquor ban ipatutupad sa QC

ni Lolet Abania | March 14, 2021

Magpapatupad ang lokal na pamahalaan ng Quezon City ng city-wide liquor ban at pansamantalang ipasasara ang ilang establisimyento sa lungsod simula bukas, March 15 hanggang March 31 dahil sa biglaang pagtaas ng COVID-19 cases sa National Capital Region (NCR).

“The drastic increase of cases is very alarming. We want to stop the transmission as early as now so that we no longer have to implement another nationwide lockdown,” ani Mayor Joy Belmonte sa isang pahayag ngayong Linggo.

Ayon kay Belmonte, ang lahat ng mga retail stores at nagbebenta ng mga alcoholic beverages ay suspendido nang dalawang linggo. Gayundin, ipinasara ng city government ang lahat ng gyms, spas, at internet cafes matapos aniyang magkaroon ng “serious outbreak in one gym.”

Nagbigay din ng direktiba si Belmonte sa mga barangay na muling mag-isyu ng quarantine passes upang malimitahan ang galaw ng mga residente.

“However, a barangay may not close down any establishment without the approval of the city government,” sabi ni Belmonte.

Sinabi rin ng alkalde na ang mga returning overseas Filipinos na nananatili sa mga hotels at iba pang accommodations sa lungsod na inorganisa ng pamahalaan o private entities ay kinakailangang mag-report sa itinakdang opisina ng Quezon City para sa kaukulang protocols.

“They must report to the Office of the City Administrator for documentation and monitoring, and for guidance on health, security, and logistics protocols,” ayon sa inilabas na statement ng alkalde. “All OFWs are required to complete the mandatory quarantine period of at least 14 days regardless of the RT-PCR test result,” diin pa ni Belmonte.

“All member offices of the city’s law and order cluster, regulatory departments, the barangays, and the QCPD and its police stations shall continue enforcing the protocols contained in these guidelines,” dagdag niya.