Tanzania President John Magufuli, pumanaw sa ospital sa edad na 61

ni Ronalyn Seminiano Reonico | March 18, 2021

Pumanaw na ang presidente ng Tanzania na si John Magufuli sa edad na 61 dahil sa heart complications noong Miyerkules.

Ayon kay Tanzania Vice-President Samia Suluhu Hassan sa public address, sa ospital sa Dar es Salaam binawian ng buhay si Magufuli.

Aniya, "It is with deep regret that I inform you that today... we lost our brave leader, the president of the Republic of Tanzania, John Pombe Magufuli."

Dalawang linggong hindi nakita ng publiko si Magufuli at nagkaroon ng usap-usapang positibo siya sa COVID-19 ngunit hindi ito kinumpirma ng kanyang kampo.

Ayon kay Hassan, magkakaroon ng 14-day national mourning dahil sa pagkamatay ni Magufuli.

Samantala, sa ilalim ng konstitusyon ng Tanzania tungkol sa pagkamatay ng lider ng bansa, napapaloob sa Artikulo 37(5) na:

“The Office of the President becomes vacant by reason of death, resignation, loss of electoral qualifications or inability to perform his functions due to physical infirmity or failure to discharge the duties and functions of the Office of the President, then the Vice-President shall be sworn in and become the President for the unexpired period of the term of five years and in accordance with conditions set in Article 40.”

9 na unggoy tinurukan ng COVID-19 vaccines

ni Lolet Abania | March 8, 2021

Siyam na unggoy mula sa San Diego Zoo, kabilang ang apat na orangutan at limang bonobos ang naitala sa history ng veterinary na kauna-unahan sa buong mundong non-human primates na nabakunahan kontra COVID-19, ayon sa mga opisyal ng zoo sa Los Angeles.

Isa sa mga naturukan ng COVID-19 vaccine ay ang 28-anyos na babaeng Sumatran orangutan na si Karen na nabalita rin sa nasabing zoo na unang unggoy na sumailalim sa open-heart surgery noong 1994.

Ayon sa email ng zoo spokeswoman na si Darla Davis sa Reuters, bawat isa sa siyam na apes ay nakatanggap ng dalawang doses ng experimental vaccine na orihinal na ituturok dapat sa mga aso at mga pusa, gayunman, hindi naman nakitaan ang mga unggoy ng adverse reactions matapos maturukan habang nasa maayos silang kondisyon.

Nabahala ang maraming zoo officials sa mga hayop kung saan agad nilang tinurukan ang mga ito ng vaccine, matapos na walong gorilla na mula sa affiliated na San Diego Zoo Safari Park ay tinamaan ng COVID-19 noong Enero, na naitalang unang naiulat na transmission ng coronavirus sa mga unggoy.

Sinabi pa ni Davis na ang walong gorillas, kabilang ang isang 48-anyos na lalaking "silverback" na pinangalanang Winston ay nakaranas ng pneumonia at sakit sa puso, subalit unti-unti nang gumaganda ang kondisyon nito at nakakarekober na sa sakit.

Iba’t ibang medications ang ibinibigay kay Winston, kabilang na ang isang coronavirus antibody therapy para sa mga non-human. Gayunman, ang mga gorillas ay hindi binakunahan dahil ayon sa mga veterinarians, ang kanilang immune systems ay naka-develop na ng antibodies laban sa virus. Anila pa, maaaring nakuha ng mga ito ang sakit mula sa isang asymptomatic staff member.

Samantala, ang mga orangutan at bonobos na napili para sa immunization ay ilan lamang sa mga great apes sa nasabing zoo na may mataas na tiyansa na makuha ang virus at pinakamadaling maturukan ng vaccine. Nilitu-lito sa mga karayom ng mga staff na nagbakuna ang mga hayop para hindi sila matakot.

Ayon pa kay Devis, sinimulan ng mga zoo staff ang pag-administer ng shots sa mga unggoy noong Enero at ipinagpatuloy ito ng Pebrero, habang ang ilan ay isasagawa naman ngayong Marso.

Ang vaccine na na-develop ng veterinary pharmaceutical company na Zoetis ay hindi na naisubok sa mga apes, subalit ang cross-species na paggamit ng vaccines ay hindi naman pangkaraniwan.

Ang mga apes sa zoo ay nabibigyan ng human flu at measles vaccines, ayon kay Nadine Lamberski, ang chief conservation at wildlife officer ng San Diego Wildlife Alliance. Aniya, ang siyam na unggoy ang unang non-human primates na naiulat na nakatanggap ng COVID-19 vaccine.