40 patay sa rally sa Myanmar

ni Mary Gutierrez Almirañez | March 4, 2021

Patay ang mahigit 40 katao sa isinagawang magkakahiwalay na kilos protesta sa Myanmar kahapon, Marso 3. Batay sa ulat, walo ang namatay noong umaga at 7 ang nadagdag kinahapunan sa Yangon City.

Habang sa bayan ng Monywa ay 6 ang pinatay at ang iba ay natagpuan ang bangkay sa mga bayan ng Mandalay City, Hpakant, at Myingyan.

Kabilang sa mga namatay ang 3 bata at isang 14-anyos na lalaking napadaan lamang umano sa convoy ng military truck.

Ayon kay United Nations Special Envoy Christine Schraner Burgener, “Today it was the bloodiest day since the coup happened on the 1st of February. We had today — only today — 38 people died. We have now more than over 50 people died since the coup started, and many are wounded.”

Naganap ang pinakamadugong protesta matapos manawagan ang Association of South East Asian Nation (ASEAN) upang palayain ang lider ng Myanmar na si Suu Kyi at ibalik ang demokrasya sa bansa.

Nagpahayag na rin ng pakikidalamhati si Pope Francis sa kanyang Twitter post, “Sad news of bloody clashes and loss of life… I appeal to the authorities involved that dialogue may prevail over repression.”

Iginiit naman ng European Union ang naging paglabag ng mga militar sa international law. Anila, “There must be accountability and a return to democracy in Myanmar.”

Bomba, pinasabog sa Exeter; libu-libong katao, inilikas

ni Ronalyn Seminiano Reonico | March 2, 2021

Pinasabog ang nadiskubreng World War II bomb sa Exeter, England matapos ilikas ang mahigit 2,600 katao noong Sabado nang hapon.

Ayon sa awtoridad, ang mga manggagawa sa isang building site ng private land malapit sa University of Exeter campus ang nakakita ng bomba noong Biyernes at kaagad na ipinaalam sa Devon and Cornwall Police.

Pahayag ni Inspector Sean Roper ng Devon and Cornwall Police, "It’s approximately 2.5 metres in length by about 70cm in width. "It’s not uncommon for this area, to find World War Two explosives, but one of this kind is uncommon so we’re taking all the precautions we need to make sure everyone is safe in the area.

"We’re fully aware that this is probably decades old but the moving of this item does pose a risk and we need to make sure we do everything we can to support the locals."

Nag-iwan din umano ng crater ang pagsabog ng bomba at nabagsakan ng mga metal debris ang ilang gusali. Pahayag ng Devon and Cornwall Police, “Debris, including large metal objects, were thrown in the blast, some of which landed on nearby roofs, which require the use of a crane to remove."

3 patay sa Ebola virus sa Africa

ni Lolet Abania | February 15, 2021

Tatlo ang naitalang patay matapos na tamaan ng Ebola virus sa Guinea, bahagi ng West Africa. Mula nu'ng 2016, ngayon lang uli dinapuan ang nasabing bansa ng ganitong klase ng sakit.

Bukod sa mga namatay, may limang inoobserbahan pa sa ospital dahil sa nagpositibo rin ang mga ito sa Ebola virus.

Nakaranas ang mga pasyente ng pagsusuka, matinding pagdumi o diarrhea at pagdurugo matapos na sila ay makipaglibing. Hindi naman nagbigay ang mga awtoridad ng iba pang detalye sa pagkakakilanlan ng tatlong namatay at limang pasyente na infected ng Ebola virus.

Matatandaang sa pagitan ng 2013 at 2016, mahigit sa 11,000 katao ang naitalang namatay sa West Africa dahil sa Ebola epidemic na nagsimula sa Guinea.

Ayon sa mga eksperto, nakukuha ang Ebola virus kapag ang isang tao ay nagkaroon ng close contact sa mga infected o maysakit na hayop gaya ng chimpanzees, fruit bats at forest antelope.

Habang nahahawahan naman ang mga tao sa pamamagitan ng direct contact sa nagpositibo sa nasabing virus. Gayunman, bilang pagtugon sa epidemya, maraming vaccines ang isinagawa para labanan ang pagkalat ng nasabing sakit sa Democratic Republic of Congo.

Ang mga nais namang maging volunteer sa trial ay kailangan lamang sumagot sa maikling questionnaire. Samantala, mahigit sa 200 milyong doses kada buwan ang gagawin ng AstraZeneca pagsapit ng Abril dahil sa kanilang target na magkaroon ng 3 bilyong doses ngayong taon.