Folayang, taglay pa rin ang pusong palaban sa ONE

ni Gerard Peter - @Sports | June 27, 2021

Sa kabila ng mga magkakasunod na pagkabigo sa nagdaang tatlong sunod na laban, buhay pa rin ang pag-asa ni dating two-time ONE Championship lightweight champion Eduard “Landslide” Folayang na kaya pa rin nitong makipagsabayan sa kahit anong pagsubok higit na ang pag-aasam na makatapat ang isang katunggali na hindi pa niya nasusubukan.

Puntiryang makatapat ng 36-anyos na Baguio-native si dating 2002 Asian Games judo champion Yoshihiro “Sexyama” Akiyama upang subukin pa rin ang sarili na makabakbakan ang mga mahuhusay na mixed martial artists sa buong mundo.

Napurnada ang dapat na pagtatapat nina Folayang (22-11, 6KOs, 2 Subs) at Akiyama (15-7, 6KOs, 7Subs) sa ONE on TNT IV, ngunit nagtramo ng injury ang Japanese-Korean fighter sa kasagsagan ng kanyang paghahanda na naging dahilan ng pagpapaliban ng kanilang laban.

“If given the chance to face him, of course, I’d want to test him. I haven’t faced him before and I want to see how I fare against him,” wika ni Folayang. “Maybe in the proper time, maybe we’ll cross paths, and it will be an honor to finally face him,” ani Folayang na nagbiro pang siya ang hihiranging “sexier man” matapos ang kanilang laban.

Inamin ng three-time Southeast Asian Games wushu gold medalist na magsisilbing daan patungo sa kanyang malakas na pagbabalik sa dibisyon kung sakaling magtatagumpay sa 45-anyos mula Osaka, Japan.

Sinabi rin nitong mahaba ang tatahakin nitong landas upang makakuha itong muli ng tsansa na maging challenger sa ONE lightweight title ni Christian “The Warrior” Lee, na patuloy nitong pinapangarap muli na makamit upang maging isa sa mga ‘greatest comeback’ sa kasaysayan ng ONE Championship. “It’s still the champion. I still want to test myself against him in the future. I know that I am not in the position to call him out now, but still my eyes are on him,” saad ni Folayang. “I’ve seen how much Christian Lee has improved and grown through the years. I’m really impressed with how easily he transitioned from featherweight to lightweight, and from the tough opposition that he’s faced, he showed what he can truly do.”

NCAA virtual games muna ang aabangan ng fans

ni Gerard Peter - @Sports | June 16, 2021

Patuloy na susundin ng National Collegiate Athletics Association (NCAA) at season 96 host na Colegio de San Juan de Letran Knights ang kautusan ng Inter Agency Task Force on Emerging Infectious Disease (IATF-EID), na base rin sa Joint Administrative Order (JAO), na patuloy na ipinagbabawal ang contact sports sa kanilang programa.

Hindi pa rin pinapayagan ang pagsasagawa ng mga paboritong laro na basketball at volleyball sa bagong season, bagkus ay gaganapin ang mga online sport games gaya ng taekwondo at chess, alinsunod sa ipinapatupad na health at safety protocols ng IATF at Department of Health.

“Contact sports are not allowed and played this season, and we’re hoping that the public understands the situation, which they are expecting the usual things or games we’ve been doing before,” wika ni NCAA Management Committee chairman Fr. Vic Calvo Jr. “So, I guess people will stop speculating about it. We have to adjust.”

Nitong nagdaang Linggo ay nagbukas ang bagong season ng NCAA na wala ang tradisyunal na mga laro ng basketball dahil sa mga pagbabawal dulot pandemic, habang inaasahan na ring wala ang mga larong volleyball sa second semester.

Ang tanging mga programang nilalaro ay ang virtual taekwondo competitions na nagsimula na nitong Lunes, Hunyo 14, kabilang ang poomsae events mula sa men’s, women at juniors’ division hanggang bukas, Hunyo 17.

Ilulunsad ang speed kicking competitions sa parehong tatlong kategorya na nakatakdang simulan sa Biyernes, Hunyo 18 hanggang Hulyo 5 para sa virtual meet. Mas pinili ng host na Letran, na magdiriwang ng kanilang ika-400th na sentenaryo, na patuloy na umahon kesa sa sumuko kahit na may nararanasang krisis at matinding laban kontra Covid-19 ang buong mundo at Pilipinas.

Kasalukuyang inilagay sa maluwag ng bahagya na General Community Quarantine (GCQ) ang National Capital Region (NCR) at Bulacan, habang nanatili sa mas mahigpit na GCQ ang Cavite, Laguna at Rizal Provinces.

Weightlifter Ando, ika-11 Pinoy na sasabak sa Olympics

ni Gerard Peter - @Sports | June 13, 2021

Magsisimula na ang daan at hakbang para sa mga hahalili at papalit kay 2016 Rio Olympics silver medalist Hidilyn Diaz kasunod ng pagpasok ni 2019 Southeast Asian Games medalist Elreen Ando sa 2021 Tokyo Olympics bilang ika-11th na opisyal na atleta matapos makakuha ng Continental Quota ticket.

Makakasama ng 23-anyos na Cebu City native ang four-time Zamboangena Olympian para hanapin ang kauna-unahang gintong medalya ng Pilipinas sa pretihiyosong multi-sports event sa Tokyo, Japan simula Hulyo 24-Agosto 8.

Nakakulekta ng kabuuang 2634,9334 puntos si Ando para sa ika-12th place sa rankings ng International Weightlifting Federation (IWF) para makuha ang Asian Continental, kasama sina Nuray Levent ng Turkey mula sa Europa, Kianna Rose Elliott (Australia) sa Oceania, Chaima Rahmouni (Tunisia) ng Africa at Sema Nancy Ludrick Rivas (Nicaragua) ng Pan America.

“Our grassroots program has turned to be more fruitful and successful for our athletes as we bid for more athletes in the Paris Olympics in 2024,” pahayag ni Samahang Weightlifting ng Pilipinas president Monico Puentevella sa panayam ng Bulgar Sports sa telepono. “We are very thankful to the Philippines Sports Commission (PSC), Philippine Olympic Committee (POC) and the MVP Foundation for the unending support to our athletes. This is a good start for our weightlifters as successor of Hidilyn in the years to come.”

Inamin ng 74-anyos na dati ring commissioner ng PSC na magiging malaking karanasan para kay Ando ang darating na Summer Olympic Games upang maging paghahanda nito kasama sina Vanessa Sarno, Kristel Macrohon, at Mary Flor Diaz at Margaret Colonia na naging bunga ng pagpupursige at pagtitiyaga ng national sports association (NSA) na hubugin at palakasin ang mga atleta para sa kinabukasan ng weightlifting sa Pilipinas.“This will be a huge experience for Elreen as we prepare for the 2024 Olympics in Paris. I’m not expecting her to win a medal in Tokyo."