Tokyo Olympics, matutuloy

ni Gerard Peter - @Sports | January 22, 2021

Patuloy na maitutulak ni Japanese Prime Minister Yoshihide Suga ang pagdaraos ng 2021 Tokyo Summer Olympic Games kahit pa man tumututol ang karamihan sa mamamayan nila sa pagdaros nito dahil sa paglobo ng mga kaso ng coronavirus disease (Covid-19) sa Japan.

Naniniwala si Karate Pilipinas Sports Federation Inc. (KPSFI) President Richard Lim na itutuloy ni Suga at ng organizers ang pagsasagawa ng Olimpiyada dahil naiintindihan nila ang mga atleta na nagnanais na muling makasabak sa kani-kanilang mga larangan.

“I would say na medyo sport minded siya (Suga). He’s an athlete, a karate practitioner. So, I think he will really push for the Olympics,” pahayag ni Lim noong martes ng umaga sa PSA Forum webcast. “But then again, there are so many factors to consider, so we leave it up to them but I think for Japan, I think they will push it.”

Isang 3rd dan black belt ang 72-anyos na sports-politician, na kasalukuyang pinuno rin ng Liberal Democratic Party ng Japan, at mahigit 50-taon ng nagsasanay ng Karate, na isang susi para mas paboran nitong maganap ang Olympics ngayong taon, kung saan unang beses din sasalang ang Karate para samahan ang judo, taekwondo at wrestling na mga martial arts categories.

Wala naman umanong magbabago sa suportang ibinibigay ng Philippine Sports Commission (PSC) sa lahat ng mga atleta at national sports associations (NSAs) matuloy man ang Olympics o hindi, dahil tanging ang Japanese organizers at International Olympic Committee (IOC) ang makakapagdesisyon sa magiging takbo ng pangyayari. “We can do what we control. Kapag ituloy o hindi, ‘di na control ng PSC yan. Hopefully matuloy. Japan have so many resources, doing their best na matuloy." wika ni National Training director Marc Velasco.

Ipinangako ng Japanese Prime Minister na masusupil nila ang paglaganap ng coronavirus outbreak, matapos minsan nang ipinagpaliban ang quadrennial meet noong 2020 at muling itulak ito sa Hulyo 23-Agosto 8. Ganito rin ang sabi ni IOC President Thomas Bach na nakakakita ng pag-asa sa dulo ng pandemya.

Gayunpaman, sa inilabas na media polls ng isang Japanese newspaper, may 80% ng mga Hapones ang nais na ikansela ang Olympic Games.

Health at safety protocols sa Calambubble, sobrang higpit

ni Gerard Peter - @Sports | January 20, 2021

Sinisiguro ng bawat namamahala sa Bubble training camp sa loob ng Inspire Sports Academy sa Calamba, Laguna na sumusunod at napapanatili ang health at safety protocols sa lahat ng mga atleta, coaches, staff mula Gilas basketball, boxing, karate at taekwondo upang makaiwas na makapasok ang mapaminsalang novel coronavirus disease (COVID-19) sa loob ng training facility.

Inihayag ni National Training Director Marc Velasco na masinsinang dumaraan sa matinding proseso ang mga kalahok sa ‘Calambubble’ tulad ng RT-PCR testing at isolations na nilaanan ng kani-kanyang kuwarto para sa apat na magkaka-grupo.

Nakahanda umano ang Philippine Sports Commission (PSC), katulong ang Local Government Unit (LGU) sa pamumuno ng alkalde ng Calamba, Inspire Sports Academy, at mga medical staff na binubuo ng 2 secretariat, tig-2 nurses at physical therapists at 4 masseurs, habang on-call ang lahat ng Physicians at ang Calamba Hospital sakaling may emergency response para sa 60 kapasidad sa loob ng bubble.

“Nakapasok na yung 99% sa athletes. They are still in isolation, meaning they are still confined in their rooms, while waiting for the final results. This is the process of the protocol, we don’t want to risk on having an untoward incident sa lahat ng nasa loob,” pahayag ni Velasco, kahapon sa lingguhang PSA Forum webcast. “We have coordinated well with the LGUs for any assistance they may provide for hosting us and to Inspire Academy working with us every day. So far, our protocols are in place since the beginning. Waiting for the period of isolation ng mga athletes,” dagdag nito.

Ipinaliwanag ni Velasco na pinaghiwalay-hiwalay sa bawat kategorya ang lahat ng pagsasanay ng tatlong contact sports at ang Gilas basketball team na naghahanda para sa 2021 FIBA Asia Cup Qualifying window laban sa mahigpit na karibal na South Korea sa Pebrero 18 at 22 at pakikipagtuos sa Southeast Asian Games counterpart na Indonesia sa Pebrero 20.

Hindi umano magkakaroon ng pagsasama satraining venues ang bawat sports, ngunit tanging ang Strength and conditioning area lang ang paghahatian ng oras ng bawat sports na daraan sa sanitation at scheduling para maiwasan ang pagdidikitan. Mahigpit ding ipinagbabawal ang pakikihalubilo sa ibang sports sa loob ng Calambubble at kailangang manatili lang sa mga ibinigay na lugar, na kung sakaling lumabag ay makokonsiderang lalabag ito sa ‘bubble breach’ kahit pa nag-negatibo sa testing at may karampatang parusa.

Garcia, paghahandaan ng husto kung makakatapat niya si Pacman

ni Gerard Peter - @Sports | January 19, 2021

Buo ang pagnanais ni lightweight rising star Ryan “KingRy” Garcia na matutumbasan o mararating niya ang nakamit na antas ng kahusayan ng nag-iisang eight-division World champion na si Manny “Pacman” Pacquiao upang sumunod sa kanyang yapak bilang elite world champion.

Aminado ang 22-anyos na bagong hirang na World Boxing Council (WBC) interim lightweight titlist na para makuha ang katagang ‘superstar’ ay kinakailangan na muna niyang talunin ang tulad ni Pacquiao (62-7-2, 39KOs), gaya ng ginawa nito noong pagtapos sa karera ni Oscar Dela Hoya noong Disyembre 8, 2008 sa pamamagitan ng pagsuko ng 1992 Barcelona Olympics gold medalist sa 8th round sa MGM Grand Garden Arena sa Las Vegas, Nevada. “Manny is the inspiration that makes you a legend. Eight-time world champion. He's an eight-weight world champion. (He) came from dirt all the way to a senator in the Philippines? That's what you call a legend,” wika ni Garcia (21-0, 18KOs) sa panayam ng "The Rich Eisen Show.” “You've seen Oscar (De La Hoya) pass that torch to Manny . . . Muhammad Ali, Oscar De La Hoya, Manny Pacquiao and now guess what? It's my turn,” dagdag ng undefeated American boxer.

Nito lamang nakalipas na Enero 2 ay pinayuko at pinasuko ni Garcia si 2012 London Olympic gold medalist at dating lightweight contender Luke Campbell ng Great Britain sa pamamagitan ng 7th round TKO mula sa suntok sa tagiliran sa American Airlines Center sa Dallas, Texas.

Sunod na nanaisin nitong masubukan si World Boxing Association (WBA) regular lightweight titlist Gervonta “Tank” Davis, ngunit sakaling maging matagumpay umano ito ay matindi talaga ang pag-aasam nitong isunod ang Filipino legendary icon kung saka-sakali. “That's why maybe after Gervontae, hopefully, this is out of respect, this is not calling (Pacquiao) out. I don't want people to think I'm calling him out, that's stupid,” saad ni Garcia. “I'm just saying we share the ring together and please pass that torch to me.”

Agad namang pinatulan ni Dela Hoya ang kahilingan ng batang fighter na hinahawakan bilang promoter, kung saan sinabi nitong gagawin niya ang lahat ng makakaya upang matupad ang Garcia-Pacquiao bout ngayong 2021. “I would make that in a heartbeat. I would literally make that fight. And I would make that fight at the end of this year or the first quarter of next year. I love that fight for Ryan. That takes Ryan to a whole another level,” pahayag ni De La Hoya sa panayam ni YouTube personality Snowqueen LA sa DAZN.

Pinaliwanag ng 47-anyos na six-division World champion na malaki ang naging daan para matamo ni Pacquiao at ni undefeated-retired Floyd “Money” Mayweather ang kasikatan sapol ng talunin siya ng mga ito sa ibabaw ng boxing ring.