Karateka Tsukii, naka-gold sa Egypt Premier League

ni Gerard Arce / VA - @Sports | September 07, 2021

Nagwagi ng gold medal ang Filipino Japanese karateka na si Junna Tsukii sa women's kumite -50kg event ng 2021 Karate1 Premier League noong Linggo sa Cairo, Egypt. Ginapi ng 29-anyos na si Tsukii ang hometown bet na si Areeg Rashed, 2-1 , sa finals para sa kanyang ikatlong gold na napanalunan ngayong taon kasunod ng kanyang panalo sa Golden Belt Tournament sa Serbia noong Marso sa Premier League leg sa Lisbon noong Mayo. Naunang tinalo ni Tsukii sina Aleksandra Grujic ng Austria, Yorgelis Salazar ng Venezuela at isa pang Egyptian na si Reem Ahmed Salama upang umabot ng finals.Sa ngayon, ang 2019 Southeast Asian Games gold medalist na si Tsukii ay nasa seventh spot sa pinakahuling World Karate Federation rankings sa kanyang weight class.

Ibinuhos ni 2019 SEAG karate champion Junaa Tsukii ang kagustuhang makabawi matapos ang pagkabigo sa 2021 World Olympic Qualification Tournament.

Nakakuha siya ng puntos na ‘Yuko’ para magtapos ang laban sa 2-1 iskor. Sinubukan pa itong iapela ng kampo ng Egyptian foe sa Video Assistant Referee (VAR). “Expected her to win as she is very hungry due to the non-qualification in the recent Olympics. Bad breaks during the qualification and she conquered the setback,” wika ni Karate Pilipinas Sports Federation Inc. (KPSFI) President Richard Lim sa panayam ng Bulgar Sports sa online messaging.

Tiwala si Lim na magiging tuloy-tuloy ang momentum na hawak ng No.7th World ranked sa women’s 50kgs division na uupak pa ito ng husto sa 2022 Hangzhou Asian Games sa Setyembre sa China. “She is back really strong and focused on getting the Gold in the coming Asian Games,” saad ni Lim.

“How many times you fall, get up and keep going. I challenged the best state of the past, but I couldn't get to the Olympics, and I was so humiliating that all my effort was pointless, and I was retiring,” sambit ni Tsukii sa kanyang Facebook post. “But after all, I'm still practicing hard. I'm so happy that everyone needs it and I need everyone too. I can challenge with everyone, so I'm going to stand up again and again! I love this road where everyone is here!”

Erram at Castro ng Tropang Giga, itinirik ang Dyip

ni Gerard Peter - @Sports | July 18, 2021

Kinubra ng TNT Tropang Giga ang unang panalo kontra sa Terrafirma Dyip, 86-79, habang nilimitahan lang sa 6 puntos si 2021 top-overall pick Joshua Munson sa ikalawang araw ng muling pagbubukas ng 46th season ng PBA Philippine Cup sa Ynares Arena sa Pasig City.

Bumanat ng mahahalagang baskets at free throws sa huling canto si center Poy Erram para irehistro ang double-double performance sa 15 puntos habang nanguna Sa opensa ng Tropang Giga si Jayson Castro sa 17pts, gayundin ang 14 pts ni troy Rosario at 10 pts ni Roger Pogoy upang ihandog ang panalo sa nagbabalik na mentor na si champion coach Chot Reyes.

Namuno sa Dyip si bigman Aldrech Ramos sa 17 markers, habang nag-ambag sina Rashawn MacCarthy ng 13 pts, Andreas Cahilig ng 12 pts at Juami Tiongson ng 10pts.

Sunod na makakalaban ng Tropang Giga ang Meralco Bolts sa Hulyo 24, Sabado sa unang laro ng 2 p.m. habang susubukang makabawi ng Terrafirma laban sa Rain or Shine sa Hulyo 23, Biyernes sa first game sa 12:30 ng hapon.

Ipinamigay ng Terrafirma Dyip si Russel Escoto sa Magnolia Hotshots kapalit ng 2022 second round pick sa 48th Season. Naging posible ang hakbang dahil puno na umano ang manlalaro ng Dyip, habang nangangailangan ng dagdag na bigmen ang Hotshots.

Samantala, sisimulan ng Barangay Ginebra San Miguel ang kampanya na maipagtanggol ang titulo na naibulsa noong isang taon sa ‘bubble tournament” laban sa heart-broken na NLEX Road Warriors, na nabigo laban sa E-Painters, 82-83 sa opening game noong Biyernes sa 2nd game. Tatangkain ng ROS na na maging malinis ang kartada laban sa first-day loser na Blackwater Bossing sa main event ng 7 p.m.

Ngunit bago ang mga ito ay susubukan ng Meralco Bolts na makadalawang sunod na panalo. Magbabalik na sa laro si 6-time PBA MVP June Mar Fajardo katulong ang malalim na line up ng Beermen na sina Terrence Romeo, Marcio Lassiter, Arwind Santos, Moa Tautuaa, Alex Cabagnot, Chris Ross, Von Pessumal at bagong miyembrong si CJ Perez.

Bugbog sa experience si Rigo, mag-ingat si Casimero

ni Gerard Peter - @Sports | July 14, 2021

Matinding paghahanda kontra sa istilong Cubanong boksing ang pinaghahandaang pirme ni World Boxing Organization (WBO) bantamweight champion “Quadro Alas” John Riel Casimero para sa makakaharap na si WBA (regular) titlist Guillermo “The Jackal” Rigondeaux sa Agosto 14 sa showtime televised main event sa Dignity Health Sports Park sa Carson, California.

Ito marahil ang malaking dahilan para tapikin ng 31-anyos mula Ormoc City ang dating Mexican discuss thrower na si Memo Heredia upang maging strength and conditioning coach dahil sa kaalaman nito sa mga Cuban boxers gaya nina WBA (Super World) welterweight champion Yordenis “54 Milagros” Ugas at dating IBF lightweight titlist Rances Barthelemy.

Tinutulungan ng 45-anyos na four-time Mexican Athletics Championship gold medalist ang 3-weight division titlist na gabayan kontra sa 40-anyos na 2-time Olympic champion, kasunod ng minsang naunsyaming laban kay Rigondeaux para magbigay daan kay WBC title holder “The Filipino Flash” Nonito Donaire, ngunit sa bandang huli ay sila rin muli ang pagtatapatin matapos hindi magkasunod sa doping programs.

“At first, we were working first against Rigonadeaux before Nonito came into the picture, but then that fight falls through and now Rigondeaux comes back again. We had to make some adjustments, but Casimero will come in there with a good physical platform, because we know Rigo is a great boxer, technical and intelligent,” wika ni Heredia kay writer George Ebro.

Kinakailangan umano na mas mag-ingat ni Casimero kontra sa Cuban boxer na simula bata pa lamang ay lumalaban sa amateur ranks, kung saan kabalikat nito ang gintong medalya sa 2000 Sydney at 2004 Athens Olympics. Aminado si Heredia sa lakas at built ng pangangatawan ni Casimero, subalit dapat na paghandaan ng Filipino fighter ang pagiging mautak ni Rigondeaux, na gaya ng ibang Cuban boxers ay hindi ito nakikipagsabayan ng banatan, bagkus ay madalas itong umiiwas sa dikitan.