NU Pep Squad may bagong stunts at dance moves sa cheerdance

ni GA @Sports | October 31, 2023

Muling idedepensa ng National University Pep Squad ang kanilang korona sa unang pagkakataon sa ilalim ng bagong coach sa paglatag muli ng mga pinakamahuhusay na stunts at dance moves kaantabay ang naglalakasag sigawan ng walong miyembro ng University Athletic Association of the Philippines (UAAP) Cheerdance Competition sa Disyembre 2 sa SM Mall of Asia Arena sa Pasay City.

Makikita ang panibagong diskarteng handog ni coach Gab Bajacan na maggagabay sa NU Pep Squad laban s apitong katunggali kasunod ng pagreretiro ni Chicka Bernabe matapos ang ika-pitong cheerdance title.

“I believe we're in for another exciting and eagerly anticipated competition. I know our coaches are highly creative and innovative when it comes to their performances. Let's see how our coaches will work their magic and captivate their respective communities,” pahayag ni UAAP Special Events Committee head Gigi Kamus.

Masusing inalam at sinuri ang pagkakasunod ng mga magtatanghal sa isinagawang drawing of lots sa UST Quadricentennial Pavilion sa itinakdang coaches’ meeting nitong Huwebes.

Nakatakdang simulan ng University of the East Pep Squad ang programa bilang pambungad na magtatanghal na susundan ng defending champions NU. Iktalong maghahandog ng kanilang eksibisyon at pagpapakitang gilas ang Ateneo de Manila University Blue Eagles kasunod ang Adamson University Pep Squad para sa unang apat na magtatanghal.

Nakalinya namang ikalima ang many-time champions na University of the Philippines Pep Squad ay ang De La Salle University Animo Squad para sa ika-anim na sasabak sa kumpetisyon.

Kukumpletuhin ng runners-up nung isang taon na Far Eastern University Cheering Squad at third-placed na University of Santo Tomas Salinggawi Dance Troupe ang listahan ng lahat ng magpe-perform.

Matayog na lipad ng Angels, ipararamdam

ni GA @Sports | October 17, 2023

Mga laro ngayong Martes

(Smart Araneta Coliseum)

3 p.m.- Chery Tiggo vs Farm Fresh Foxies

5 p.m.- F2 Logistics vs Akari

7 pm – Petro Gazz vs Galeries

Tatangkain ng Petro Gazz Angels na maibalik ang kanilang matayog na paglipad sa Premier Volleyball League (PVL) na tiyak na pagbibidahan ni three-time collegiate Most Valuable Player Grethcel Soltones kahit na ramdam ang kawalan ng ibang manlalaro upang makabalik sa Finals ng huling komperensiya ng ikalawang All-Filipino Conference ngayong Martes sa Smart Araneta Coliseum sa Quezon City.

Matutunghayan sa kanilang unang laban ang Petro Gazz sa pinakahuling laro ng triple-header laban sa baguhang Galeries Tower High Risers sa alas-7:00 ng gabi, kung saan sasabak rin sa apat pang nalalabing koponan sa pagtatapat ng Cherry Tiggo laban sa Farm Fresh Foxies sa unang laro sa alas-3:00 ng hapon at tapatan ng F2 Logistics Cargo Movers kontra Akari Chargers sa alas-5:00 ng hapon.

Patuloy na pangungunahan ng 2022 Open Conference second Best Outside hitter mula Catmon, Cebu ang two-time league champions na paniguradong pangungunahan sa opensa ang Angels katulong sina power-lefty Aiza Maizo-Pontillas, Mary Remy Palma, Jonah Sabete, Kecelyn Galdones at ace-setter Djanel Cheng.

Subalit malaking kawalan sa koponan ang mga prime-defenders ng koponan sina Mar Jana Philipps na lalaro sa Gwangju Al Peppers ng Korean V-League at starting libero Cienne Mary Cruz na napabalitang lalagay na sa tahimik.

Gayunpaman, may mga bagong manlalaro ang koponan na maaaring pumalit sa mga nawalang manlalaro ng Angels na sina Babylove Barbon, Ranya Musa, Matet Espina at ang nagbabalik sa Petro Gazz na si Ivy Perez, habang ipaparada naman ang bagong coach na si Timmy Sto. Tomas.“We’ll do our best to reach the finals,” wika ni Petro Gazz assistant mentor Vince Mangulabnan.

Phl 2nd gold sa Asiad kay Ochoa ng jiu-jitsu

ni GA @Sports | October 06, 2023

Hindi ininda ni 2-time World c.hampion Margarita “Meggie” Ochoa ang trangkaso at nararamdaman na injury sa katawan upang kunin ang kauna-unahang gintong medalya at ikalawang titulo ng Pilipinas sa women’s under-48kgs kontra kay double World titlist Balqees Abdulkareem Adboh Abdulla ng United Arab Emirates Finals kahapon sa 19th edition ng quadrennial meet sa Xiaoshan Linpu Gymnasium JJII Mat 2 sa Hangzhou, China.

Naipaghiganti ni Ochoa ang masaklap na sinapit sa nagdaang 2023 SEAG sa Phnom Penh, Cambodia ng mabigo kay dating 2018 Jakarta-Palembang Games titlist at American-Cambodian jiujitsu artist Jessa Khan sa mas mabigat na women’s under-52kgs.

Walang pagsukong nararamdaman ang 33-anyos na black belt laban sa 19-anyos na grappler sa bisa ng Advantage point. Bukod dito ay nalampasan din ng 5-foot 2019 SEAG gold medalist ang bronze medal sa Indonesia meet noong nakaraang 5-taon. “Sobrang overwhelming kase sobrang daming nangyari pagpunta rito, kase hanggang kahapon may trangkaso ako, so akala ko hindi ko na kaya. As in ang dami kong ininom na gamot para lang makalaban,” pahayag ni Ochoa matapos ang laban.

Naging impresibo ang simula ng karera sa Hangzhou Games ng 2017 Asian Indoor Martial Arts Games champion matapos patapikin si Odgerel Batbayar ng Mongolia sa round-of-16.

Nakamit naman ng Hanoi meet titlist sa parehong kategorya ang daan patungong semis nang mahigitan sa puntusan si Pechrada Kacie Tan ng Thailand. “Tapos na-pull pa yung hop ko dun sa semis, masakit siya pero sabimko ibibigay ko lahat basta kahit di na ako makalakad basta ibibigay ko ang lahat,” kwento ni Ochoa sa kanyang semifinal match.

Hindi naman pinalad si 2023 Cambodia Games gold medalist Marc Alexander Lim na makuha ang tansong medalya nang mabigo laban kay Mansur Khabibulla ng Kazakhstan sa men’s under-62kgs.