Bulacan, Apayao, Capiz under GCQ simula Okt. 18-31

ni Jasmin Joy Evangelista | October 17, 2021

Kinumpirma ni Presidential Spokerson Sec. Harry Roque na inaprubahan ng Inter-Agency Task Force for the Management of Emerging Infectious Diseases (IATF) ang rekomendasyon na isailalim ang Bulacan, Apayao at Capiz sa General Community Quarantine (GCQ) simula bukas October 18 hanggang October 31,2021.

Una nang isinailalim sa Modified Enhanced Community Quarantine (MECQ) ang Bulacan at Apayao habang ang Capiz ay isinailalim sa GCQ with heightened restrictions.

Kamakailan ay inaprubahan din ng IATF na i-downgrade ang alert level system sa National Capital Region (NCR) mula sa Alert Level 4 system patungong Alert Level 3, epektibo kahapon October 16,2021.

Sa mga lugar na GCQ at MGCQ Edad 17 pababa at 66-anyos pataas, puwede nang bumiyahe

ni Lolet Abania | October 8, 2021

Inianunsiyo ni Presidential Spokesperson Harry Roque ngayong Biyernes na ang mga menor-de-edad at mga fully vaccinated na indibidwal na 66-anyos pataas ay papayagan na para sa point-to-point interzonal travel na mula sa National Capital Region (NCR) sa mga lugar na nasa ilalim ng general community quarantine (GCQ) at modified GCQ.

Ayon kay Roque, nagdagdag ang Inter-Agency Task Force (IATF) ng isang probisyon sa guidelines para sa pilot implementation ng Alert Level System sa COVID-19 response sa Metro Manila na aniya, papayagan na ang point-to-point interzonal travel o pumunta sa mga lugar na nasa ilalim ng GCQ o MGCQ ang mga sumusunod:

• Mga 17-anyos pababa;

• Fully vaccinated individuals na 66-anyos pataas;

• Fully vaccinated individuals na may immunodeficiencies, comorbidities o iba pang health risks;

• Fully vaccinated na mga buntis

Gayunman, sinabi ni Roque na ang pagta-travel ay kailangan pa ring pasok sa guidelines at dapat sumunod sa mahigpit na health protocols na itinatakda ng Department of Tourism (DOT) at sa regulasyon ng local government unit (LGU) na pupuntahan o destinasyon.

Napagpasyahan naman ng IATF na i-extend ang pilot implementation ng Alert Level System sa NCR hanggang Oktubre 15.

Ang pagluluwag para sa interzonal travel ay ginawa kasabay ng pilot rollout ng pagbabakuna kontra-COVID-19 sa mga kabataang edad 12 hanggang 17-anyos sa NCR na magsisimula sa Oktubre 15.

Alamin: Mga panuntunan sa bagong quarantine scheme sa Metro Manila

ni Jasmin Joy Evangelista | September 11, 2021

Provisionally approved" na ang mga panuntunan sa quarantine alert level system na ipatutupad sa Metro Manila simula Setyembre 15.

Ito ay matapos muling isailalim sa modified enhanced community quarantine ang Kamaynilaan.

Dalawang quarantine classification lang ang gagawin sa mga lugar na sakop ng Metro Manila; ang ECQ at GCQ, ayon kay Presidential Spokesperson Harry Roque.

Magkakaroon daw ng apat na alert level ang pagpapatupad ng GCQ:

Sa Alert Level 4, o pinakamataas na alert level, bawal ang mga sumusunod:

* Mass gathering

* Indoor dining

* Personal care services

* Paglabas ng mga nasa edad 18 pababa at mga 65 pataas, mga may comorbidity at buntis.

20% lang din ang magiging kapasidad ng mga opisina ng gobyerno sa level na ito.

Sa Alert Level 3, papayagan ang "three C activities" o ang mga aktibidad na gagawin sa crowded na lugar, may close contact, at nasa closed o indoor areas nang may 30% capacity.

Nasa 30% naman ang papayagang capacity sa mga government office sa level na ito.

Kung Alert Level 2 naman ay papayagan ang 50% capacity, at full capacity naman kung Alert Level 1.

Nasa 50% naman ang papayagang capacity sa government offices sa alert level na ito.

Minimum onsite capacity naman ang paiiralin sa mga pribadong negosyo. Pero papayagang pumasok ang mas maraming empleyado sa Alert Level 1.

Mayroon daw option ang IATF na magdeklara ng mas mahigpit na lockdown sakaling tuluyang lumala ang sitwasyon.