Gaza, pinaulanan ng air strikes ng Israel

ni Ronalyn Seminiano Reonico | July 26, 2021

Pinaulanan ng airstrikes ng Israel ang Gaza noong Linggo nang gabi matapos ang “incendiary balloons” mula sa Strip na naging sanhi ng sunog sa ilang bahagi ng southern Israel.

Ayon sa ulat, tinarget ng Israel ang open area sa northern Gaza at ang militant training site ng Hamas Islamists rulers sa Strip.

Saad ng Israel Defense Forces, "The decision was made following the continued launching of incendiary balloons from the Gaza Strip towards Israel, which constitutes a violation of Israeli sovereignty.”

Ang Hamas din umano ang responsable sa lahat ng aktibidad “Within the Gaza Strip and all actions originating in the Gaza Strip directed towards the state of Israel.”

Saad pa ng Defense Forces, "It will therefore bear the consequences for the violence committed against the citizens of the state of Israel."

Ang mga naturang balloons ay basic devices na ginagamit upang maging sanhi ng sunog sa mga farmland.

Samantala, wala pang naiuulat na casualties sa naturang insidente.

Gaza, pinaulanan na naman ng air strikes ng Israel

ni Ronalyn Seminiano Reonico | June 18, 2021

Muling nagpaulan ng air strikes ang Israel sa Gaza noong Huwebes hanggang Biyernes bilang tugon sa inilunsad na “incendiary balloons” ng Palestinian militants.

Pahayag ng Israel military, "Over the past day, arson balloons were launched from the Gaza Strip into Israeli territory.

"In response... fighter jets struck military compounds and a rocket launch site belonging to the Hamas terror organization."

Ito ang bagong palitan ng airstrikes ng dalawang panig matapos magkaroon ng ceasefire noong Mayo 21 sa pagitan ng Israel at Hamas.

Ayon sa Israeli firefighters, 3 araw nang sunud-sunod na nagpapaulan ang Palestinian militants sa Gaza ng balloons na may device na maaaring maging sanhi ng sunog.

Kaagad namang ipinag-utos ni Israel Army Chief Aviv Kohavi ang pagpaparami ng IDF's (Israeli Defense Forces), gayundin ang “Readiness and preparedness for a variety of scenarios including a resumption of hostilities.”

Gaza, pinaulanan ulit ng air strikes ng Israel, higit 200 patay

ni Ronalyn Seminiano Reonico | May 17, 2021

Muling pinaulanan ng air strikes ng Israel ang Gaza ngayong Lunes at tinatayang lagpas 200 na ang nasasawi sa giyera sa pagitan ng Jewish state at Islamist militants.

Magdamag na pinaulanan ng strikes ng Israel ang Palestinian enclave ng Islamist group na Hamas.

Sa kabuuan ay 197 Palestinians na ang naiulat na nasawi sa Gaza kabilang ang tinatayang aabot sa 58 kabataan at mahigit 1,200 ang sugatan simula noong Lunes, May 10.

Sa Israel naman, 10 na ang naiulat na nasawi kabilang ang isang bata at 282 ang sugatan.

Samantala, ayon sa Israel, mahigit 3,000 rockets na ang pinaulan sa kanila ng Gaza simula noong Lunes ngunit naharang ang 1,000 nito ng kanilang Iron Dome anti-missile system.