12.87 M Pinoy fully vaccinated na — NTF

ni Lolet Abania | August 19, 2021

Nasa tinatayang 41 porsiyento na ng eligible population sa Metro Manila ang fully vaccinated laban sa COVID-19 hanggang nitong Agosto 18.

Ayon kay National Task Force Against COVID-19 deputy chief implementer Vince Dizon sa Palace news conference ngayong Huwebes, may kabuuang 3.2 milyong vaccine doses na ang kanilang na-administer sa National Capital Region ngayong Agosto o nasa 178,000 jabs ang average kada araw.

Tiwala rin si Dizon na ang target na inoculation rate na 50% ay makakamit ng bansa hanggang sa Agosto 31.

Ayon sa Department of Health (DOH), mula noong Marso 1, 2021 ay nakapag-administer na ang pamahalaan ng 29,127,240 shots, kung saan nasa 16,250,043 ang nakatanggap ng unang doses habang ang bilang ng mga fully vaccinated na Pilipino ay nasa 12.87 milyon hanggang Agosto 18.

Samantala, sinabi ni Dizon na nakapagsasagawa naman ang bansa ng average na 60,000 COVID-19 tests kada araw mula ito noong Agosto 11 hanggang 17 at umaabot din ang mga tests ng 67,000 sa loob ng isang araw.

Subalit, ayon sa testing czar, hindi pa ito sapat habang plano niyang kausapin ang Philippine Health Insurance Corp. (PhilHealth) hinggil sa reimbursement ng mga gastusin ng mga accredited testing laboratories.

“We will communicate with PhilHealth in the coming days to facilitate the reimbursement so that these laboratories will be able to purchase supplies and conduct tests more quickly,” ani Dizon.

Mayor Isko, 'di malala dahil fully vaxx na — Roque

ni Lolet Abania | August 16, 2021

Hangad ng Malacañang ang agarang paggaling ni Manila Mayor Isko Moreno matapos na ito ay magpositibo sa test sa COVID-19.

“We wish Mayor Isko Moreno good health and we hope he gets well soon,” ayon kay Presidential Spokesperson Harry Roque sa briefing ngayong Lunes.

Si Moreno na fully vaccinated na kontra-COVID-19 ay kasalukuyang naka-confine sa Sta. Ana Hospital sa Manila matapos na makaramdam ng sintomas ng COVID-19 gaya ng ubo at pananakit ng katawan.

Gayunman, giit ni Roque na ang lahat ng coronavirus vaccines ay epektibo na maiwasan na maging severe at masawi dahil sa naturang virus.

“The mayor’s case will only be moderate because he is already vaccinated,” ani Roque.

Kahit umuulan, tuloy… Higit 5.5 M Pinoy, fully vaccinated na vs. COVID-19

ni Ronalyn Seminiano Reonico | July 24, 2021

May 5,560,029 Pinoy na ang fully vaccinated laban sa COVID-19, ayon sa National Task Force (NTF) Against COVID-19, habang umabot naman sa 10,866,238 ang nakatanggap na ng unang dose ng COVID-19 vaccine.

Pahayag ni NTF Against Covid-19 Chief Implementer and Vaccine Czar Secretary Carlito G. Galvez, Jr., “We are now past the crawl and walk stages, as we gradually run towards our goal of inoculating half a million Filipinos per day this quarter. This is a preview of better things to come in the remaining six months of 2021.

“Despite the inclement weather, our implementing units have remained resilient and are committed to inoculating more Filipinos. We are grateful to all frontliners in the government and the private sector who continue to serve the public despite the many challenges we continue to face.”

Samantala, patuloy na nananawagan si Galvez sa publiko na sumunod sa mga ipinatutupad na health protocols dahil sa banta ng COVID-19 Delta variant.

Saad ni Galvez, “The best way to stop and limit the spread of the Delta variant, along with getting the vaccine, is diligently complying with minimum public health standards – mask, hugas, iwas. If possible, put on double masks. We need to be more conscious because the virus continues to mutate. Kailangang mas paigtingin pa natin ang ating pagprotekta sa ating mga sarili.”