38.1 M Pinoy fully vaccinated na kontra-COVID-19

ni Lolet Abania | December 7, 2021

Umabot na sa kabuuang 38.1 milyong indibidwal mula sa naunang 37 milyon na nai-report ang fully vaccinated na kontra-COVID-19, batay sa datos na ipinakita ng Department of Health (DOH) ngayong Martes.

Sa ikalawang bahagi ng Talk to the People, sinabi ni DOH Secretary Francisco Duque III na mahigit sa 38.1 milyong indibidwal o 49.48% ang fully vaccinated laban sa COVID-19 hanggang nitong Disyembre 5.

Bahagyang mas mataas ito sa 37.3 milyong fully vaccinated na indibidwal hanggang nitong Disyembre 2 na unang ini-report ni acting Presidential Spokesperson Karlo Nograles.

Ang kabuuang bilang ng mga indibidwal na nakatanggap naman ng first dose ay tumaas na naging 56.7 milyon mula sa unang 52.4 milyon indibidwal na nabakunahan.

“’Yun pong ating 56.7 million sa first doses administered, nalampasan po natin ang ating target. Target po natin by the end of November is actually 54 million doses,” sabi ni Duque.

Nais ng gobyerno na maging fully vaccinated ang 54 milyong indibidwal hanggang sa matapos ang taon.

“Naniniwala po kami ni Secretary (Carlito) Galvez, Secretary Vince Dizon, ang atin pong chair ng National Vaccine Operations Center, na kaya po natin maabot ang ating 54 million completed jab rate by the end of the year,” ani Duque.

Hanggang nitong Disyembre 5, nakapag-administer na ang bansa ng mahigit sa 91 milyon doses ng COVID-19 vaccine.

Fully vaxxed health workers, puwede nang magpa-booster shot

ni Jasmin Joy Evangelista | November 16, 2021

Inanunsiyo ng Department of Health na maaari nang magpa-booster doses ang mga fully-vaccinated health workers, simula Nov. 17, 2021.

Sa inilabas na advisory, inirekomenda ng DOH ang paggamit ng Moderna, Pfizer, at Sinovac vaccine regardless kung ano man ang naunang itinurok na bakuna, base sa emergency use authorization na in-issue ng Food and Drug Administration.

Sinabi rin ng health department na io-offer bilang booster ang Sinovac para sa mga nabakunahan ng naturang Covid vaccine.

Nakatakdang ilabas ng National Vaccine Operations Center ang guidelines ngayong araw, ayon sa DOH.

Bakunadong travelers mula sa green country.. Wala nang facility quarantine — Malacañang

ni Lolet Abania | October 13, 2021

Inalis na ng gobyerno ng Pilipinas ang mandatory quarantine sa isang facility para sa mga inbound travelers na fully vaccinated kontra-COVID-19 na nagmula sa bansang naklasipika bilang “green country” o may low risk ng infection, ayon sa Malacañang ngayong Miyerkules.

Sinabi ni Presidential Spokesperson Harry Roque, ang mga traveler o biyahero ay kinakailangang magpakita ng negative result ng kanilang RT-PCR test, 72-oras bago ang departure sa pinanggalingang bansa. Pagdating sa Pilipinas, kailangan pa ring sumailalim sa home quarantine ng 14 na araw.

Ang mga bansa na naklasipika bilang green countries o may low risk ng COVID-19 infection ay ang mga sumusunod:

• American Samoa

• Burkina Faso

• Cameroon

• Cayman Islands

• Chad

• China

• Comoros

• Republic of the Congo

• Djibouti

• Equatorial Guinea Falkland Islands (Malvinas)

• Gabon

• Hong Kong (Special Administrative Region of China)

• Hungary

• Madagascar

• Mali

• Federated States of Micronesia

• Montserrat

• New Caledonia

• New Zealand

• Niger

• Northern Mariana Islands

• Palau

• Poland

• Saba (Special Municipality of the Kingdom of Netherlands)

• Saint Pierre and Miquelon

• Sierra Leone

• Sint Eustatius

• Taiwan

• Algeria

• Bhutan

• Cook Islands

• Eritrea

• Kiribati

• Marshall Islands

• Nauru

• Nicaragua

• Niue

• North Korea

• Saint Helena

• Samoa

• Solomon Islands

• Sudan

• Syria

• Tajikistan

• Tanzania

• Tokelau

• Tonga

• Turkmenistan

• Tuvalu

• Vanuatu and

• Yemen

Gayundin, ang mga unvaccinated o may isang dose pa lamang ng COVID-19 vaccine na menor-de-edad na kasama ng kanilang fully vaccinated na mga magulang o guardians ay kailangan na sumunod sa quarantine protocols na naaayon sa kanilang vaccination status.

Gayunman, ang mga inbound travelers na wala ng isinasaad na requirements ay sasailalim sa mandated facility-based quarantine hanggang sa mailabas ang negatibong resulta ng RT-PCR test na ginawa sa kanila sa panglimang araw ng quarantine.

Para sa mga dayuhan, kailangan nilang mag-secure ng hotel reservations para sa tinatayang anim na araw.

Dagdag pa rito, ang magulang o guardian ay obligadong samahan ang kanilang mga anak sa quarantine facility para sa kabuuang facility-based quarantine period ng mga ito.