Fully vaxxed na biyahero, ‘di na kailangan ng COVID testing sa Ilocos Norte

ni Lolet Abania | February 13, 2022

Binawi na ni Ilocos Norte Governor Matthew Manotoc ang pagpapatupad ng COVID-19 testing requirements para sa mga indibidwal na papasok sa lalawigan simula sa Lunes, Pebrero 14.

Ayon kay Manotoc, sa kanyang executive order na inisyu nitong Sabado, ang mga fully vaccinated, asymptomatic residents, turista, at APOR (authorized persons outside of residence) na papasok sa probinsiya ay hindi na kinakailangan ng COVID-19 testing.

Samantala, ang mga unvaccinated, o partially unvaccinated residents, turista at APOR ay dapat na sumailalim sa testing maliban kung makapagbibigay sila ng valid medical clearance.

Nakasaad din sa order na ang mga unvaccinated minors (below 12 -anyos) na papasok sa Ilocos Norte ay papayagan na walang testing subalit dapat na ang kanilang kasama ay fully vaccinated o exempted parents.

Paalala naman ng governor sa mga bibisita sa lalawigan na mag-self monitor para sa anumang sintomas ng sakit kapag nakapasok na sa probnsiya.

“They are required to inform the LGU should they manifest symptoms and they must abide by national COVID-19 protocols,” ani Manotoc.

Para sa fully vaxxed travelers, ROFs... Facility-based quarantine, stop na

ni Lolet Abania | January 28, 2022

Inalis na ng gobyerno ang mandatory facility-based quarantine na requirement para sa mga international travelers at returning overseas Filipinos (ROFs) na mga fully vaccinated kontra-COVID-19.

Gayunman, ayon kay acting Presidential Spokesperson Karlo Nograles, ang mga international travelers at ROFs ay dapat na magpakita ng kanilang negative RT-PCR test na ginawa sa loob ng 48 oras bago pa ang departure nito mula sa bansang pinanggalingan at kailangang mag-self-monitor ng pitong araw mula sa petsa ng kanilang pagdating.

“[They] shall also be required to report to the local government unit of destination upon the manifestation of symptoms, if any,” sabi ni Nograles sa isang press briefing ngayong Biyernes.

Epektibo aniya, ang bagong polisiya simula Pebrero 1, 2022.

Ayon kay Nograles, nagdesisyon ang gobyerno, saan mang country of origin, na isuspinde na ang kanilang “green,” “yellow,” at “red” COVID-19 risk classifications para sa mga bansa, territories at jurisdictions.

Bilang patunay naman ng vaccination, ang mga travelers ay dapat na magpakita ng alinman na World Health Organization International Certificates of Vaccination and Prophylaxis, VaxCertPH, o National/State digital certificates mula sa foreign governments, kung saan tinatanggap din ang VaxCertPH sa pamamagitan ng reciprocal arrangement maliban kung pinahihintulutan ng Inter-Agency Task Force on Emerging Infectious Diseases (IATF).

Binanggit naman ni Nograles na ang mga unvaccinated, partially vaccinated, o mga indibidwal na ang kanilang vaccination status ay hindi maaaring mai-validate independently ay kailangang magprisinta ng negative RT-PCR test result na ginawa sa loob ng 48 oras bago sila umalis sa kanilang bansang pinagmulan.

“They will also have to undergo facility-based quarantine until the release of their negative RT-PCR test taken on the fifth day. Afterward, they will have to undergo home quarantine until the 14th day, with the date of their arrival being the first day,” paliwanag ni Nograles.

“LGUs of destination and their respective Barangay Health Emergency Response Teams are tasked to monitor those arriving passengers undergoing home quarantine,” dagdag pa niya.

Ang mga bata na nasa edad 12 at pababa, at hindi pa nababakunahan kontra-COVID-19 ay kailangang sumunod sa quarantine protocols ng magulang o ng adult/guardian na kasama nilang bumiyahe.

Samantala, sinabi ni Nograles na ang mga sumasailalim sa quarantine hanggang Pebrero 1 ay maaari nang maka-avail ng bagong testing at quarantine protocols.

106% ng populasyon ng NCR, fully vaccinated na kontra COVID-19

ni Jasmin Joy Evangelista | January 7, 2022

Nasa 10.4 milyon indibidwal o 106 percent na ang fully vaccinated kontra COVID-19 sa Metro Manila.

“Sa ngayon po, ang nabakunahan po natin ay 106 percent na po, 10.4 million,” pahayag ni Metropolitan Manila Development Authority chairman Benhur Abalos sa Talk to the People ni Pangulong Rodrigo Duterte nitong Huwebes.

Samantala, 11,147,904 indibidwal naman ang nakatanggap na ng kanilang first dose as of January 4.

Sinabi rin ni Abalos na target nilang maturukan ng booster shots ang nasa 763,986 indibidwal ngayong buwan.

“Sa booster shots naman ang tina-target po namin ay [763,986] for January. Ngayon po ay nakaka-[727,897] na po tayo. Maganda na po, right on target,” aniya.

Sa kabilang banda, nag-e-exert din umano ng effort ang LGUs sa Metro Manila pagdating sa pagbabakuna sa pediatric population nito o ‘yung mga nasa edad 12-17.

“Sa pediatric, ito po ‘yung mga bata, ang target po rito is 1.4 million, nakaka-[919,975] na po tayo na first dose at 804,313 [for second dose],” pahayag ni Abalos.

“Double time pa rin po kami dito dahil talaga ang tanging solusyon dito, ang pinaka-solusyon ay ang pagbabakuna,” patuloy niya.