Inamin sa socmed, Liza… ICE, 17 YRS. NANG DUMARAAN SA DEPRESSION

ni Vinia Vivar - @Frankly Speaking | February 27, 2022

Ini-reveal ni Ice Seguerra sa kanyang Instagram page na 17 years na pala siyang nakikipaglaban sa depression at sa ngayon ay natanggap na raw talaga niya na kasama na ito sa kanyang buhay.

“Living with depression for almost 17 years now, I've come to accept that this will be my life from here on. With acceptance comes embracing the fact there will be days, weeks, or months that I won't be okay, without really understanding why. But I also know that it will pass. That one day, I can be myself again. Just feeling and enjoying life,” pahayag ni Ice.

Pero ang maganda naman sa singer, talagang pinaiiral pa rin niya ang positivity.

“Sometimes, bad days will outnumber my good days but despite that, the joy of one good day is worth all the struggle.

“If you're reading this, please know that whatever it is you're going through... it will pass. Get professional help, take your meds, talk to family and friends. Please soldier on and hold tight, because regardless of what you're going through, life is still worth the fight,” ani Ice.

Nag-post din siya ng isang quotation about depression at pagiging positibo.

“Let this be a reminder. Whatever it is that is causing all of this stress. All of this anxiety. Depression and worry. Will pass. And you will survive. And move on. As you always have. A bad day. Is still. Just a day. And tomorrow is a new one. Stay strong.”

Ganu'n daw kamahal ang ina, 'di lang nakikita ng iba…

IAN, IPINAGSIGAWANG PATAY KUNG PATAY PARA KAY NORA

ni Vinia Vivar - @Frankly Speaking | August 30, 2020

Speaking of Ate Guy, sa live streaming ng magkapatid na Ian and Matet de Leon sa YouTube a few days ago, sinagot nila ang ilang espekulasyon at akusasyon sa kanilang magkakapatid, partikular na nga ang isyung pinababayaan daw nila ang ina.

Si Ian ang unang nagbukas ng issue dahil aniya, once and for all ay gusto na raw niyang isara ang isyung ito.

“Unang-una, mahal na mahal namin ang mommy namin, walang makakadurog nu’n. Kung kami magkakasama, iba ‘yung samahan namin 'pag magkasama kami ni Mommy, iba,” unang paglilinaw ni Ian.

Pangalawang nilinaw ng aktor ang tanong na noon pa itinatanong sa kanila at ito ay kung bakit daw wala silang larawan na kasama si Ate Guy. At ito nga rin marahil ang dahilan kung bakit nag-post si Lotlot ng picture nila ng ina kahapon.

“Isyu ‘yung parang pinabayaan natin si Mommy. Kasi hindi nila nakikitang kasama ‘yun sa mga pictures, mga ganu’n,” sey ni Ian.

Singit naman ni Matet, “Sila ang kumukuha ng litrato.”

Sagot naman ni Ian, “Oo nga, ‘yun nga. As in sobrang. . . alam mo, sasalo ako ng bala para sa mommy namin.”

Dagdag pa ni Ian, ang dami raw issue sa kanilang mag-iina na mas nakakagulo pa kaysa nakakatulong.

“Ang gusto ko lang ipaalam sa ating mga manonood, kami, as mom’s children, ang respeto namin kay Mommy, higit pa sa buong mundo, higit pa sa galaxy, higit pa sa lahat ng nakikita n’yo rito sa universe,” he said.

Pahayag naman ni Matet, kung ang iba raw ay hindi naniniwala, wala na raw silang magagawa. Pero nagpasalamat naman siya sa mga Noranians na naniniwala sa kanila at nakakakilala sa kanila.

“Pero ‘yung mga nakakarinig lang ng tsismax, ganu’n, wala kaming magagawa kung ‘di kayo naniniwala. So, kung puwede, kung nanonood kayo, tigilan n’yo na ang kako-comment sa IG ng ate (Lotlot) ko,” ani Matet.

Hindi lang daw sumasagot ang ate niya pero siya raw, talagang papatol siya kapag may nababasa siyang hindi maganda.

Nabanggit din ni Matet na ayaw naman talaga ng picture ng kanilang ina na sinegundahan ni Ian.

Paglilinaw pa ng aktor, sa maniwala raw tayo at sa hindi ay may communication sila ng ina.

“Believe it or not, we are always together, alam mo ‘yun, kahit magkakalayo kami, we are always in touch, we are always communicating.”

Masakit daw para sa kanila ang mga ibinabato ng mga tao sa kanilang magkakapatid lalo na kay Lotlot.

Habang naka-live ang magkapatid ay marami naman ang nagpahayag ng kanilang suporta lalo na nga ang genuine diehard Noranians. Binabasa nila ang mga comments at nagpapasalamat sila sa mga ito.

Ayon pa kay Ian, talagang ramdam na ramdam niya ang pagmamahal ng mga Noranians sa kanyang ina at sobrang thankful siya na napakarami pa ring fans na nagmamahal sa kanilang ina.

“'Yun lang, guys, ‘yun ‘yung mga gusto ko lang i-share na nasa saloobin ko, nasa saloobin namin ng mga kapatid ko. Si Mommy, may-edad na, pagod na rin sa mga issues. Ang gusto lang niya, maging peaceful kaming family. Gusto lang niya, happy, simple.

“Actually, mahiyain talaga si Mommy, mahiyain talaga siyang tao. And kung ano ‘yung hindi ninyo nakikita na samahan namin, eh, sa amin na lang po ‘yun,” sey pa ni Ian.

Pamimigay ng 1,000 tablets, kaya in-announce in public…

HIRIT NI WILLIE: ITO ANG PANAHON NA DAPAT IPAALAM ANG PAGTULONG

ni Vinia Vivar - @Frankly Speaking | August 29, 2020

Matapos mag-donate ng tumataginting na P5 milyon bilang tulong sa mga jeepney drivers na apektado sa pandemya, gayundin sa naulila ng apat na OFWs na nasawi sa pagsabog sa Beirut, Lebanon, ang mga estudyante naman ngayon ang nais tulungan ni Willie Revillame.

Mamimigay ang super-generous na TV host ng 1,000 tablets na magagamit ng mga estudyante sa online classes.

Sa kanyang Tutok To Win show ay ipinakita ni Willie ang sampol ng mga android tablets na ipamimigay niya.

“Umorder ako ng marami ho para sa pasukan ng mga bata. Kasi maraming nakikiusap sa akin, 'Puwede ba 'yung para sa pag-aaral ng mga anak namin?' 'Di ba? Siguro naman, tama naman 'yung ginawa natin. 'Yung mga namamalimos na tsuper, nagbigay tayo ng tulong kahit papa'no. Ito naman ngayon ang kailangan, wala silang pambili, eh. Ang problema lang, ang tanong ko, paano 'yung nasa probinsiya kung wala silang Wi-Fi?” ani Willie.

Inunahan na rin ng TV host ang mga bashers na maaaring pumuna na naman na ipinamamalita niya ang kanyang tulong.

“Ito ang panahon para (ipaalam) n'yong tumutulong ka. Alam n'yo bakit? Para alam mo na natatanggap nila ang itinulong mo. 'Yan ang importante ho. Dahil kung ibibigay ko ito nang palihim, hindi ko naman alam… (kung nakakarating sa pinagbigyan),” sey ng TV host.