Baka umabot na raw sa chemotherapy… KRIS, INIYAKAN NA MAY BAGONG SAKIT NA NAMAN

ni Vinia Vivar @Frankly Speaking | February 15, 2023

Bilang nagdiriwang siya ng kanyang 52nd birthday kahapon (Feb. 14), nagbigay ng update sa kanyang Instagram page si Kris Aquino tungkol sa kanyang buhay sa Amerika, gayundin sa kanyang kalusugan.

Ibinalita niyang nakahanap na siya ng titirahang bahay at super happy siya dahil sa tabi ito ng dagat na matagal na niyang pinapangarap.

“We found a temporary home on Zillow that was also listed on AirBnB, available for a monthly lease… Dream come true for me because name the beach development back in the Phils., nag-viewing na kami…This home is in an excellent location, with fresh sea air and a nicely furnished patio with a beautiful view of the sea…” pagbabalita ni Kris.

Patuloy niya, “Hindi pa po ito 'yung permanent base namin because medyo malayo from the hospitals where my doctors are. Plus no area for me to isolate once my 1st cycle of treatment starts before the end of February.

“But after months of searching, finally may nahanap, just in time for my birthday… We are 14 hours behind Philippine time, in advance, THANK YOU because you continue to give me the best gift anybody in my situation could ask for, your prayers.”

Pero ang intriguing part ng kanyang post ay may binanggit siyang guy na lumipad pa raw sa US para makasama siya na hindi niya sinabi kung sino. Pero sa hula ng mga netizens, ito ay si Batangas Vice-Gov. Mark Leviste.

“I have a wonderful support system from my 2 sons, Alvin, Rochelle, Ate Rome, old friends & new friends here in the USA… But you need to be a very determined man of your word to fly 13 hours each way to spend a few days with me on my birthday. For his effort, I am GRATEFUL…” pagbabahagi ni Kris.

‘Yun nga lang, may nabanggit din siyang bagong result ng kanyang checkup na hindi related sa sakit niyang autoimmune pero mukhang hindi maganda ang findings.

“I promised myself after reading my latest results that had 1 unexpected & admittedly scary red flag (not autoimmune related). After iniyak ko na, TAMA NA. If ever that borderline number signals early detection, I am still blessed… IN FAITH I SURRENDER ALL to GOD…” lahad niya.

“Sa dami n'yong nagdarasal for me, kung umabot na kailangan ng mas aggressive na treatment (at a higher dosage it’s considered chemotherapy), imposibleng hindi tayo pagbibigyan ng ating Mahal na Ama.

"To all, a #lovelovelove day ahead of you, from the very thankful soon to be 52 year old birthday girl,” pagtatapos ni Kris.

Regalo ni Chiz, kakaiba… SIGAW NI HEART: ITO NA ANG PINAKAMASAYANG B-DAY KO!

ni Vinia Vivar @Frankly Speaking | February 14, 2023

Ipinost ni Heart ang larawan ng regalo ni Sen. Chiz na isang molding ng kanyang mukha na ginawa 17 years ago para sa kanyang teleserye.

“17 years ago I filmed my telenovela Hiram na Mukha, they took a molding of my face at that time. I was 21 years old…” ani Heart sa kanyang caption.

Hindi raw niya alam kung saan na napunta ang nasabing molding at nagulat siya na nahanap ito ng kanyang mister.

“Through the years I always wondered where the molding was. I briefly mentioned it to my husband 3 years ago and lo and behold… he was able to locate the original cast and had it commissioned by one of my favorite artists @ferdiecacnio, amazing :),” sey ni Heart.

Kaya naman labis ang pasasalamat niya kay Chiz at ito na raw ang happiest birthday niya.

“The happiest birthday indeed thank you @escuderochiz,” pagtatapos ni Heart na nagdiriwang ng kaarawan ngayong araw na ito.

Sa comment section ay pinuri-puri ng mga netizens si Chiz dahil sa effort nito para mabigyan ng special gift ang misis.

Binanggit din ni Heart sa comment section na ang mga bossing pa ng ABS-CBN na sina Mark Lopez and Carlo Katigbak ang tumulong kay Chiz para ma-locate ang molding.

“That’s what love can do! Stay in love with each other forever! God will protect your sacred union!” komento ng isang netizen.

Pamba-bash, wa’ epek… RUFFA, IBINULGAR NA PA-CHOPPER-CHOPPER AT PA-YATE-YATE LANG SI WILLIE

ni Vinia Vivar @Frankly Speaking | February 13, 2023

Naniniwala si Ruffa Gutierrez na malalampasan din ni Willie Revillame ang dinadaanan nitong intriga at kontrobersiya ngayon kabilang na ang katakut-takot na bashings na natatanggap ng TV host dahil sa ginawang paglipat sa AllTV at pang-iiwan sa GMA-7, pero ngayon ay isa rin sa makakansela ang Wowowin show nito.

“You know, si Kuya Wils, I love Kuya Wils, pero I think, he’s like a cat. He has 9 lives, you know, parang nawala na siya, bumalik, nawala, bumalik, he’ll never go anywhere.

“I was calling him nga, sabi ko, ‘Kuya Wils, okay ka lang?’ (Sabi niya) ‘Mamaya na, mamaya na, nasa chopper ako papuntang yate!' Ay, papuntang yate! 'Di ba, nasa chopper siya.

“So, I think, he’ll be fine, I don’t think he will suffer a lot,” sabi ni Ruffa nang makatsikahan namin sa presscon ng pelikulang Martyr or Murderer.

At sa katakut-takot na bashings na natatanggap ngayon ni Willie, narito ang payo ni Ruffa, “Ang advice ko lang kay Kuya Wils, enjoy life. He’s super successful already, you know, enjoy time with his family, ‘wag nang pansinin ang mga bashers. Nandiyan lang ‘yan, ang importante, happy siya sa pamilya niya, and sa tingin ko, narating na rin niya ‘yung tuktok ng tagumpay.

“And I believe that Kuya Wils has a good heart. So, ‘yung mga natulungan niya, nand'yan lang ‘yan, so patuloy siyang ipinagdarasal.

“So, chin up, Kuya Wils, don’t be so sensitive,” payo ni Ruffa.