Trabaho lang daw, walang personalan… PAOLO, IDOL ANG TVJ PERO PINALITAN SA EAT BULAGA!

ni Vinia Vivar @Frankly Speaking | June 6, 2023

“TRABAHO lang, walang personalan.”

Ito ang paliwanag ni Lolit Solis sa pagpayag ng alaga niyang si Paolo Contis na maging bahagi ng bagong Eat… Bulaga! ng TAPE, Inc. sa GMA-7.

As we all know ay bumalik na nga sa ere kahapon, Lunes (June 5) ang noontime show with their new hosts at kabilang na nga sa mga ito si Paolo.

Ayon kay ‘Nay Lolit ay idol ng aktor sina Tito Sotto, Vic Sotto and Joey de Leon o TVJ at kailanman ay hindi nito naisip na palitan o tapatan ang mga inirerespetong hosts.

“Idol ni Paolo Contis ang TVJ, Salve. Bata pa siya, fan na siya nina Tito, Vic and Joey. Ironic na nangyari ang 'gulo' ng TVJ at heto ngayon, isa sa mga hosts si Paolo Contis sa programa na ilalagay sa dating oras ng Eat… Bulaga!.

“Trabaho lang, walang personalan. Dahil kahit kailan, hindi papasok sa isip ni Paolo na magiging katapat siya sa programa nina Tito, Vic at Joey,” ang pahayag ni ‘Nay Lolit sa kanyang Instagram page.

Paliwanag pa ng veteran talent manager-columnist, “Under siya ng management ng GMA Artists Center at kung ano’ng trabaho ang ibigay sa kanya, tinatanggap niya. A good soldier following his superior.”

Naniniwala rin si ‘Nay Lolit na hindi naman siguro ito magiging dahilan para magkaroon ng “bad blood” sa pagitan ni Paolo at ng TVJ.

“Talagang hindi mo maiiwasan ang mga ganitong pangyayari. Kahit nga si Paolo, hindi akalaing mangyayari ito, pero ‘yun ang gusto ng management niya. At palagay ko naman, hindi ito magiging dahilan para magkaroon ng bad blood sa mga involved,” aniya.

Sa huli ay hangad niya na maging matagumpay daw ang dalawang Eat… Bulaga! na magbabanggaan sa ere.

“Sana nga ay maging matagumpay ang both parties dahil ang liit lang ng mundo ng showbiz.

Hindi na dapat meron pang maliliit na kaguluhan. Dapat lahat ay maayos. More work, the better. More shows, mas magaling. Basta trabaho, go lang, mas bongga,” pagtatapos ni ‘Nay Lolit.

2 beses nang naudlot… KASALANG ANGELICA-GREGG, MAY 20, 2024

ni Vinia Vivar @Frankly Speaking | June 5, 2023

Matapos ma-engaged last year, inanunsiyo na ni Angelica Panganiban ang upcoming wedding nila ng fiancé na si Gregg Homan.

Ginawa ng engaged couple ang announcement sa kanilang You Tube channel na The Homans.

Ani Gregg, “We were going to get married last year, pero we wanted to make Bean a part of it.”

Si Baby Bean or Amila Sabine ang kanilang anak na ngayon ay malapit na ring mag-one year old sa September.

“So, we are going to do it early next year. We are looking at places locally to do it. But I am excited for it,” dagdag ni Gregg.

Sey naman ni Angelica, dalawang beses na raw na-postpone ang kanilang wedding.

“Parang twice na naming inurong ‘yung wedding. Last year and this year, dapat aalis tayo.

Ilang beses naming sinubukang mag-elope, pero parang ayaw ng mundo na itago namin.

Malakas magdasal ‘yung mga kaibigan and family members namin. So, ngayon, mukhang matutuloy na siya,” tsika ni Angelica.

Meron na raw silang date at ipinaalam na rin nila ito sa kanilang mga kaanak at kaibigan.

“Meron na kaming save-the-date, sinabi na namin siya sa mga kapamilya namin abroad para makapagtipid na sila, makapag-ipon na.

“Sa mga friends namin na sobrang busy ‘yung schedule nila sa life, marami silang commitments, inunahan na namin sila na i-save na ‘yung araw na iyon,” pahayag ng aktres.

Natawa naman si Gregg nang sabihin ni Angelica na “So, finally pakakasalan ko na ito kasi talagang dead na dead sa akin. Pagbibigyan ko lang ng isang malakasan.”

Bagama’t hindi sinabi ng dalawa ang date ng wedding, ayon kay Angelica ay may clue naman silang ibinigay kaya ang mga tao na raw ang bahalang mag-figure out dito.

Sa isang bahagi ng vlog ay nabanggit kasi ng dalawa ang kahalagahan ng oras na 5:20 PM na laging oras ng pag-upload nila ng video sa kanilang channel. Ito raw ang exact time na tinanggap ni Angelica ang proposal ni Gregg.

So, ang hula ng mga netizens ay sa May 20 sa susunod na taon ang kasal nina Angelica at Gregg.

Matagal na raw pangarap, Luis... JESSY, BUMILI NG ALAHAS WORTH P3M!

ni Vinia Vivar @Frankly Speaking | April 2, 2023

Bata pa lang si Jessy Mendiola ay dream na pala niya ang makabili ng mga alahas sa Tiffany and Co.

Ayon sa aktres sa kanyang Instagram post, kapag nagpupunta raw siya before sa nasabing jewelry store, nagsusukat lang siya ng mga alahas, pero hindi siya nakakabili dahil hindi pa niya afford.

"I was starting out in life, I dreamt of owning a @tiffanyandco piece. Whenever I’d pass by a Tiffany & Co. store abroad or at a mall, I would ALWAYS go in, try on a few pieces, take pictures of me wearing them, but end up leaving without buying anything because I knew I couldn’t afford them. A girl could dream, right? At least I have photos," sey ni Jessy.

"I would always look at the photos and manifest that one day, I’d be able to afford them," patuloy pa niya.

At heto na nga, dumating na nga ang panahong pinapangarap ng aktres. Mapapanood sa short video na kalakip ng caption ni Jessy na nagpunta siya sa Tiffany and Co. store sa Greenbelt at talagang bumili na siya ng ilang dream collections niya.

Aniya pa, ipapamana rin daw niya ito sa kanyang anak na si Rosie someday.

"With hard work and A LOT of saving up, I can now collect some of my dream pieces little by little. I know for sure these will all go to my daughter Rosie one day," sey niya.

Ayon sa aktres, hindi siya makapaniwala na habang lumalabas siya ng tindahan ay may bitbit na siyang paper bag ng jewelry store.

"I can’t believe I’m actually walking out of the store with the iconic Tiffany & Co. blue paper bag in hand. A reminder that dreams do come true with hard work and perseverance," she said.

"You can always achieve your dreams or goals as long as you put your heart into it. It’s my first time to visit our local Tiffany & Co. store in Greenbelt and it was such a wonderful experience," sey pa niya.

Ngayon ay mag-iipon daw siya ulit para mabili naman niya ang isa pang pangarap na alahas.

"Manifesting the Graduated Link necklace with Pavé diamonds from the Hard wear collection! One day, Jessy! Time to save up again," pagtatapos ng aktres.

Sa bagong issue ng Preview Magazine ay inilabas nila ang presyo ng lahat ng mga alahas na binili ni Jessy at umabot daw ang total nito sa almost P3 million!

Well, okay lang naman to splurge as long as kaya mo at kung ito talaga ang ikaliligaya mo. Sa kaso ni Jessy na naghintay nang matagal na panahon para mabili niya ang kanyang mga pinapangarap na bilhin, I think it's okay to say na deserve naman niya ang mga 'yun!