ANDREA, ‘DI PA TANGGAP ANG BREAKUP NILA NI RICCI

ni Vinia Vivar @Frankly Speaking | June 15, 2023

Inamin ni Andrea Brillantes na hindi pa niya fully accepted ang breakup nila ni Ricci Rivero dahil bago pa lang daw ito at kasalukuyan pa niyang ipino-process.

Sa guesting ni Andrea kahapon (Wednesday) sa Magandang Buhay, diretso siyang tinanong ng host na si Melai Cantiveros kung kumusta na ang puso ng aktres at kung malaya na rin ba.

Hindi naman iniwasan ni Andrea ang tanong at sinagot niya as honest as she could,

“'Yung puso ko po, tingin ko, okay naman siya. I mean kasi, it could be worse sa mga nagaganap ngayon.

“Puwedeng wala rin ako rito today kasi hindi ko kayang humarap sa mga tao. Pero tingin ko naman po, sa lahat ng nagaganap, okay siya ngayon,” sabi ng dalaga.

“Tapos, kung malaya na ba ‘ko, parang ‘di pa po ako malaya fully,” pag-amin ng aktres.

Paliwanag niya, “Tingin ko po kasi kapag sinabing freedom, may part doon ng acceptance.

Kasi na-accept mo na na kailangan mo nang i-let go ang mga bagay-bagay.”

Aniya, hindi raw madaling i-let go ang mga bagay-bagay, lalo pa nga’t totoo ang kanyang pagmamahal.

“Ako po kasi, aminado ako na since ang bagu-bago pa lang po talaga ng lahat, at alam mo 'yun, naging totoo kasi sa akin lahat, ako, nagmahal ako nang totoo, hindi ko 'yun male-let go agad-agad,” she said.

“So, hindi ko masasabing malaya ako ng 100% kasi may mga bagay pa na ayaw ko pang pakawalan and may mga bagay pa na ipino-process ko pa. Kasi ganu’n naman talaga,” paliwanag pa niya.

Aniya pa ay kailangang namnamin niya ang kanyang nararamdaman sa ngayon para makapag-heal siya nang maayos.

“Normal lang naman na dapat ay namnamin ko ang mga feeling na ito para makapag-heal ako nang maayos.

“Ayaw ko namang maging pretentious na maki-trend lang na ‘I'm unbothered,’ para lang masabi na unbothered. Aminado ako na nakakaramdam ako kasi tao pa rin po ako,” saad ng dalaga.

Sa ngayon ay mas pinipili na lang ni Andrea na maging masaya that’s why ayaw na rin niyang patuloy na magsalita pa about the breakup.

“Pinipili kong maging masaya at pinipili kong… kahit gusto kong magsalita ay pinipili kong huwag na lang, para walang gulo.

“Kahit ang dami kong gustong gawin ay pinipili kong piliin na lang ang sarili ko at mag-focus sa kung ano ang meron ako at sa mga taong nagmamahal sa akin,” sey niya.

Humanga naman ang tatlong hosts na sina Melai, Regine Velasquez at Jolina Magdangal sa pagiging mature ni Andrea sa pagharap sa ganitong bagay.

Nag-guest si Andrea sa Magandang Buhay to promote her new project sa ABS-CBN at puring-puri nga ng tatlo ang aktres na kahit may pinagdaraanan ay very professional pa ring humaharap sa trabaho.

Walang TV coverage… Kasal nila ni Arjo, 'di feel i-share ni Maine sa mga fans

ni Vinia Vivar @Frankly Speaking | June 11, 2023

Ikinagulat ni Maine Mendoza ang lumabas na balitang ite-televise ang kasal nila ni Arjo Atayde.

Sa kanyang Twitter account ay ipinost ng TV host-actress ang link ng artikulong lumabas kung saan ay nakasaad na ayon umano kay Joey de Leon ay mapapanood sa TV5 ang kasal nila ni Arjo.

Sa caption ay nilinaw ni Maine na wala itong katotohanan.

“Huh? This is not true and the article is misleading. Not sure if clickbait done on purpose or comprehension is just (sad emoji),” saad ni Maine.

Aniya pa, “I am the last person to publicize a personal affair.”

Nag-react din si Maine sa mga netizens na naniwala agad sa balita.

“'Kakaloka din how some netizens would simply believe what they see on the internet. Kailan ba mauuso ang fact-checking?!” hirit niya.

Ang nasabing artikulo ay mula sa panayam ni Joey de Leon kamakailan kung saan ay sinasabi niyang maraming dapat abangan sa bago nilang show sa TV5.

“We will start in a few days. Yes (immediately). Hindi na namin papatagalin kasi hinahanap na rin ng mga katawan namin. Ang maganda nito, we’re already airing during our 44th anniversary and the wedding of Maine. So, ‘yun 'yung mga big events na aabangan n'yo,” sabi ni Joey.

Matatandaang kinumpirma ni Arjo kamakailan sa isang panayam na magaganap ang kasal nila ni Maine ngayong taon, bagama't walang ibinigay na exact date.

KRIS, GUSTONG MAGING NORMAL SI BIMBY, PINAUWI NG 'PINAS

ni Vinia Vivar @Frankly Speaking | June 10, 2023

Balik-Pilipinas na ang bunsong anak ni Kris Aquino na si Bimby matapos ang mahigit isang taong pananatili sa Amerika para samahan at alagaan ang kanyang inang may sakit.

Ipinost ni Kris sa kanyang Instagram page ang mga larawan ng madamdaming pamamaalam nila ni Bimby nang ihatid niya ito sa LAX-Tom Bradley International Airport last Wednesday.

Makikita sa video at mga larawan na halos hindi matapus-tapos ang kanilang yakapan at pamamaalam sa isa’t isa.

Sa last video ay makikita namang nasa ‘Pinas na si Bimby at pinuntahan na agad ang kanyang Kuya Joshua. Mapapanood din ang mahigpit na pagyayakapan ng magkapatid.

Sa mahabang caption ni Kris ay sinabi niyang nakikita raw niya ang hirap na dinaanan din ni Bimby dahil sa kanyang sakit at nami-miss na rin naman daw nito ang mga kapamilya at kaibigan sa ‘Pinas.

Aniya, bilang ina ay gusto naman niyang ma-enjoy ng anak ang teenage years nito, “Tuesdays are my immunosuppressant/chemotherapy day. He left to fly home on Wednesday — I only have until the end of June until I need to lessen my activities in high-density places because by then, my immunity will be too weak to fight any infection.

“Bimb & I discussed it, nakikita ko ‘yung stress & anxiety my bunso was feeling. He’s had to grow up so fast because he needed to learn to be responsible in helping taking care of me; kawawa kasi nakikita niya the many new physical manifestations because from 3 when we came to the US a year ago, naging 5 na ‘yung diagnosed autoimmune conditions ko. As his mama, I felt for a few months he deserves to enjoy being 16.

“I knew after a year Bimb was longing to be with his various titas (my sisters, cousins, and friends); titos (my brothers-in-law, cousins-in-law and the husbands of my friends); his many cousins & the kids of my friends. I love you, honey; it was heartwarming to see you & kuya together. Thank you, @michaelleyva_ for being part of our family,” pahayag ni Kris.

Sa huli ay nangako siya sa dalawang anak na kakayanin niya ang lahat ng treatments at magkakasama-sama pa silang tatlong mag-iina nang matagal.

“I love you with my whole heart, kuya & Bimb. Mama promised she’ll go through all treatments so I’ll be around, God willing, while you both still need me,” mensahe ni Kris sa kanyang dalawang boys.