Tulad ng ginawa sa kanya… ‘NAY LOLIT, WISH NA PATAWARIN NI BEA SINA OGIE AT CRISTY

ni Vinia Vivar @Frankly Speaking | May 4, 2024

File photo: Lolit Solis, Bea Alonzo, Ogie Diaz, Cristy Fermin

Inamin ni Lolit Solis na ikinagulat niya ang pagsasampa ng kaso ni Bea Alonzo laban sa mga kasamahan niya sa industriya na sina Cristy Fermin and Ogie Diaz.

Matatandaan nga kasing may panahong nagalit si ‘Nay Lolit kay Bea at parati niya itong ‘nabibira’ sa kanyang mga Instagram post, na dumating din sa puntong binantaan siya ng kampo ng aktres na idedemanda.

Sey ni ‘Nay Lolit sa kanyang Instagram post kahapon, “Salve, nagulat ako sa ginawa ni Bea Alonzo na pagsampa ng libel case sa mga kasamahan nating writers, kasi nga guilty din ako sa mga nauna kong sinulat noon, na mga kagagahan tungkol kay Bea.”

That’s why, thankful daw siya na pinatawad naman na siya ni Bea.

“Pero in fairness, thankful ako na hindi napikon si Bea Alonzo. Kung minsan kasi, may mga pagkakataon na iba ang mood mo ‘pag merong mga ganitong pangyayari.

“In fact, napikon pa ako sa binitawang salita nuon ni Shirley Kuan na ‘I will consult my lawyer.’

“Very thankful ako na naging very sweet at forgiving si Bea Alonzo, nang magkita kami sa isang presscon. Kaya nga ang masasabi ko, tiyempo lang kung minsan. May mga mood din kasi ang bawat tao, at kung minsan ‘pag natiyempo ka sa pangit na mood, ‘yun na,” sey ni ‘Nay Lolit.

Walang gustong kampihan si ‘Nay Lolit sa magkabilang kampo dahil aniya ay pare-pareho lang na may ipinaglalaban ang mga ito.

“Parehong may ipinaglalaban ang dalawang kampo. Pareho tiyak na desidido sila na ipakita kung sino ang tama. At parehas din silang tiyak na naka-focus sa resulta ng kanilang aksiyon. 

“Tulad siguro ni Vhong Navarro na talagang 10 taon ang hinintay para sa kaso na isinampa laban kina Deniece Cornejo at Cedrick Lee, handa ring maghintay nang matagal sina Bea Alonzo para sa mga kinasuhan niyang writers.” aniya. 

Gayunpaman, hangad niyang maging maayos ang lahat sa pagitan nina Bea, Ogie and ‘Nay Cristy.

“Ipinaglalaban ng bawat panig ang kanilang karapatan, ang kanilang paniniwala na tama ang kanilang ginawa. Dasal ng lahat na kung maayos, sana maayos pa.

“Idasal natin na sana, maging maayos ang lahat. Marami nang problema sa paligid at sana mas magaan na ang mga magaganap. We wish the best for both parties, maayos sana ang maging takbo ng kanilang mga aksiyon,” pagtatapos ni ‘Nay Lolit.

PEPE, BIDA NA SA HORROR FILM

ni Vinia Vivar @Frankly Speaking | April 30, 2024

File photo: FB / Pepe Herrera / @Pigmeggy

After its last film na Shake, Rattle & Roll Extreme na ipinalabas noong Nobyembre, 2023, muling mananakot ang Regal Entertainment, Inc. sa kanilang first cinema offering ngayong taon na Bantay-Bahay, a horror-comedy movie mula sa direksiyon ni Jose Javier Reyes, na pagbibidahan ng theater actor/comedian na si Pepe Herrera.

Kahapon ay nagkaroon na ng mediacon ang nasabing pelikula na dinaluhan nina Direk Joey (via Zoom) at Pepe. 

Naka-relate si Pepe sa kuwento ng Bantay-Bahay na tungkol sa mga elementong nagbabantay sa bahay dahil halos ganito rin daw ang kanilang ancestral home sa Caloocan.

“'Yung ancestral house kasi namin sa Caloocan, malapit sa Monumento, I think, 1950s pa siya. Medyo related siya sa Bantay-Bahay, marami nang ‘nakitira’ na hindi namin nakikita.

“So, as early as 5 years old, hapon pa ‘to, may nagpakita sa ‘king maliit na... hindi ko masabing bata, pero maliit na creature,” kuwento ni Pepe.

“Meron kaming maliit na grotto ru’n and I thought, may sakit lang ako pero it transformed into a little creature, eh. And then, it went on hanggang pagtanda namin. Kahit ‘yung mga kapatid ko, either makakarinig sila or makakakita. Iba’t ibang members ng family, even visitors of the house,” dagdag pa niya.

Samantala, naniniwala naman si Direk Joey sa kakayahan ni Pepe na magdala ng sariling pelikula dahil alam niyang mahusay itong komedyante at theater actor.

“Dream come true para sa akin na maidirek ko si Pepe.

“Sa teatro pa lamang, fan na fan na ako ni Pepe, tapos napanood ko na ang ilang pelikula niya before, so I’ve been wanting to direct him,” ani Direk Joey.

Nang gawin daw nila itong Bantay-Bahay ay si Pepe lang daw talaga ang artistang puwedeng makagawa ng pelikula.

“Kung makikita n'yo ‘yung pelikula, it’s practically a one-man show, the whole movie is Pepe Herrera. So, kailangan ko talaga ng... hindi putsi-putsi, kailangan ko talaga ng magaling na artista na may disiplina at kayang gawin ang demand ng role,” paliwanag nito.

Masayang-masaya naman si Pepe na makatrabaho si Direk Joey, at puring-puri niya ang sistema nito sa pagdidirek.

“Si Direk Joey, bukod sa naging kaibigan ko siya sa pelikulang ito, I can say without bias na ‘yung sistema niya ang pinakamagandang naranasan ko. Hindi lang sa pandemic, outside pandemic. Nag-i-start kami ng 10 AM lagi, tapos natatapos kami kung hindi 10 PM, mas maaga pa.

“Sobrang smooth ng sistema niya. Sobrang ganda ng pre-production niya na I hope, maraming production ang mahawa or gumaya sa ganitong sistema.

“I’m very grateful na makatrabaho ko siya,” dagdag pa ng comedian-theater actor.

Anyway, kasama rin sa Bantay-Bahay sina Casie Banks, Johannes Rissler, Melizza Jimenez, Karl Gabriel at Rolando Inocencio.

EKSENA SA SEMENTERYO NI PIOLO SA MALLARI, GINASTUSAN NG P1 M!

ni Vinia Vivar @Frankly Speaking | December 27, 2023

Sinorpresa ni Piolo Pascual ang entertainment press nang bigla siyang dumating sa private screening ng Metro Manila Film Festival 2023 entry niya na Mallari noong Dec. 25 held at Cinema 5 ng SM City North EDSA.

Bumati at nagpasalamat si Papa P sa press na dumalo sa block screening at sandali ring nagpa-interview.

Aniya ay nag-ikot siya sa mga sinehan sa first day of showing at masayang-masaya sa resulta ng pelikula.

“First stop namin was SM MOA and it was sold-out and there were lots of people outside. And then, sa lahat ng pinuntahan naming sinehan, ang daming pila.

“So, sabi ko, ‘Wow!’ Nakakatuwa! Buhay na buhay ang Pelikulang Pilipino.' So, nakakataba ng puso. It’s not just for us but for the whole film community,” ani Piolo.

Samantala, after watching the film, hindi na kami nagtaka kung bakit proud na proud si Papa P sa Mallari. Napakahirap naman talaga ng role niya bilang 3 Mallaris (Fr. Juan Severino Mallari in 1812, Johnrey Mallari in 1948 at Dr. Jonathan Mallari in present time).

Ang husay ni Piolo na talagang nagawa niyang ibahin ang personalidad ng tatlo niyang karakter na napakahirap naman talaga. Ngayon lang namin napanood ang aktor sa ganito ka-challenging na role.

Sagana sa suspense and jump scare scenes ang movie at opening scene pa lang ay mapapasigaw ka na. Sa buong duration ng pelikula ay mapapatalon ka sa mga nakakatakot na eksena with matching musical score na lalong nakadagdag sa gulat factor.

Aside from Piolo, JC Santos also gave an outstanding performance bilang deacon na si Lucas. Actually, lahat naman sila ay nagampanan nang mahusay ang kani-kanilang roles kabilang na si Gloria Diaz bilang ina ni Fr. Mallari at si Janella Salvador as Jonathan Mallari’s fiancée.

Panalung-panalo rin ang production design at halatang ginastusan nang husto. Heard na ‘yung scene sa sementeryo kung saan hinukay ni Jonathan ang libingan ni Johnrey ay isang parking lot at ginastusan ng tumataginting na P1M para gawing sementeryo na 3 minutes lang ginamit sa film.

Hindi malayong hakutin ng Mallari ang Best Picture, Best Director (Derick Cabrido), Best Production Design, Best Actor at Best Supporting Actor sa MMFF Awards night na gaganapin ngayong gabi, Dec. 27.

Dahil sa success ng Mallari sa first day ay nagdagdag pa ito ng sinehan. Produced by Mentorque Productions, mapapanood ang nasabing MMFF entry sa mahigit 100 theaters nationwide.