Sinabihang malusog, rumesbak… JM, IBINUYANGYANG ANG HUBAD NA KATAWAN SA SOCMED

ni Vinia Vivar @Frankly Speaking | May 19, 2024

Photo: IG / JM de Guzman

Tila sagot ni JM de Guzman sa kanyang mga bashers ang ipinost niyang larawan na naka-topless siya at kitang-kita ang kanyang abs, muscles at fit na pangangatawan.

Na-bash kasi nang bonggang-bongga ang aktor nang dumalo kamakailan sa Star Magic Hot Summer 2024 na ginanap sa isang resort sa San Juan, Batangas.

Komento ng mga netizens, parang napadaan lang daw si JM sa event at sinabihang malusog ang aktor ngayon.

“

Busog yata si JM,” sey ng isang netizen.

“Parang naligaw at napadaan lang si JM de Guzman, LOL (laugh out loud),” sabi naman ng isa pa.

Sa kanyang latest Instagram post ay super-slim ang aktor, kaya naman this time ay pinuri-puri na siya ng mga netizens.

Narito ang ilan sa mga comments nila:

“Nice (fire emoji) ‘yan wala nang may mag-comment na mataba si JM. ‘Yun, ganda na ulit ng katawan (fire emoji).”

“Soooo proud of your progress, JM!”

“Killed it, bro!”

“Keep it up, lodi (idol) who you kayong mga bashers (fire emoji).”

“Wow ang hot na ni JM (in love emoji).”

Ipinost din ni JM ang komento ng isa niyang fan na ipinagtatanggol siya. 

Sabi ng fan, “‘Di madali ‘yung ginawa mo pero sinikap mo, ang galing mo. So proud of you! Ipagpatuloy mo ‘yan hanggang sa makamit mo ‘yung gusto mong weight, Astig.”

Saka na lang daw babawi… COLEEN, SAD NA 'DI KASAMA SI BILLY SA B-DAY

ni Vinia Vivar @Frankly Speaking | May 18, 2024

File photo: Coleen Garcia Crawford

Malungkot si Coleen Garcia na hindi niya kapiling ang asawang si Billy Crawford sa kaarawan nito noong May 16.

Kasalukuyan kasing nasa US si Billy para sa show with Kris Lawrence and Jay-R.

Ayon sa aktres sa kanyang birthday message for Billy sa Instagram Story, ini-reschedule raw nila ang selebrasyon sa kaarawan ng mister sa pagbalik nito sa Pilipinas.

“Since it's now past midnight in LA... Happy birthday, daddy @billycrawford. Even though we've rescheduled your b-day to when you get back huhu, we can't wait to see you and celebrate with you!” mensahe ni Coleen kay Billy sa Instagram Story.

Nagpahayag din ng pasasalamat ang aktres sa mister sa pagsisikap nitong maging best husband and daddy.

“Thank you for trying so hard every day to be the best hubby & daddy you can be for us! We love you so so much and we're so blessed to have you,” ani Coleen.

Ini-repost naman ni Billy ang birthday greetings ng misis and wrote, “Thanks my love.”

Pinaka-close lang daw ang mga invited… PAMILYA NI RAYVER, JOIN SA B-DAY NI JULIE ANNE

ni Vinia Vivar @Frankly Speaking | May 17, 2024

File photo: Rayver Cruz at Julie Anne San Jose

Simple lang daw ang magiging celebration ni Julie Anne San Jose ng kanyang ika-30 na kaarawan ngayong May 17, Friday.

“Just a simple celebration with my family, my friends and loved ones,” tsika ng Asia’s Limitless Star sa panayam sa 24-Oras.

Siyempre, hindi puwedeng mawala sa selebrasyon ang boyfriend niyang si Rayver Cruz.

“Siyempre, 'andu’n si Ray, 'andu’n din si Kuya Rodjun (Cruz), Ate Dianne (Medina), the rest of my team, at malapit sa puso ko, some of my colleagues as well. ‘Yun! Simpleng celebration lang po talaga,” sey ni Julie. 

Kung saan ito gaganapin, sabi niya, “Somewhere else, siguro ano, an intimate gathering lang po talaga.”

As for her birthday wish, wala na raw siyang materyal na bagay na hihilingin pa.

“Really to be happy, happiness lang talaga. Better health not only for me but for my family as well and my loved ones. More blessings,” aniya.

Sa kanyang career, gusto raw niyang makapagsulat pa ng maraming kanta at mag-explore pa ng ibang kaya niyang gawin.