Naisip daw magparetoke, natakot… LOVI, NILAIT NA MAITIM, CHUBBY, FLAT-CHESTED, DEDMA LANG!

ni Vinia Vivar @Frankly Speaking | May 22, 2024

Photo: IG / Lovi Poe

Marami ang humahanga sa morena skin ni Lovi Poe at maituturing ngang isa ito sa mga assets niya. Especially nga ang mga foreigners, talagang inggit na inggit sila sa skin color ng aktres.

Pero did you know na nu’ng nagsisimula pa lang siya sa showbiz when she was 15 years old ay marami raw ang nanlalait sa kanyang skin color at sinasabihan siyang hindi sisikat?

“I remember before when I was starting,” sey ng aktres sa contract signing niya as SCD Skin Care ambassador, “I was told — I’m gonna share it na lang — that I was never gonna make it because I was dark-skinned. I was never gonna make it because I don’t have… I’m flat-chested.”

Sinasabihan din daw siya noon na chubby kaya hindi raw siya sisikat. 

Naapektuhan din daw siya sa mga masasakit na opinyon ng mga tao, pero ginawa niya na lang daw itong challenge at ginalingan na lang ang kanyang trabaho.

Kahit sinasabihan daw siya ng lahat noon na mag-take ng mga pampaputi like glutathione ay hindi raw niya ito sinunod.

“I was like, ‘You know what? Who cares? You know what, I’ll just do me’ and I was just like, ‘If they don’t want that I’m flat-chested, I don’t care. Gagalingan ko na lang sa pag-arte.

Gagalingan ko na lang sa ibang aspect,'” ani Lovi.

As she grew older ay lalo niya raw natutunan na i-value at mahalin ang sarili na siyang pinakaimportante.

“Kasi sino pa ba ang magmamahal sa sarili mo even more than anyone else kung hindi ikaw din lang naman, ‘di ba? And you know, everything suddenly came through. And hindi na siya naging problem for me,” paliwanag niya.

Marami rin daw ang nagsasabi sa kanya na magpa-enhance ng boobs at aminado siyang sumagi rin naman sa isip niya.

“But I’m so paranoid, sa totoo lang. I’m too paranoid to do anything like that. So, I’m happy that I didn’t. Because now, I can wear anything I want,” sey niya.

Pero hirit niya, naiinggit din daw siya sa mga taong may side boobs.

“Sa totoo lang, nakakainggit ‘yung mga taong may side boob,” sabay-tawa. “‘Pag nakikita ko sila, sana all.”

She also realized na what makes you different is what gonna make you shine at niyakap niya nang buung-buo ang kanyang uniqueness.

Anyway, pangalawang taon na ito ni Lovi bilang SCD ambassador at masayang-masaya siya sa tiwalang ibinibigay sa kanya ng CEO na si Miss Gracee Angeles.

“I’m just so happy to be part of this family and thank you so much for having me,” sey ni Lovi.

Ikinuwento rin ng aktres na during her wedding preparations ay talagang puro SCD products ang ginagamit niya at gustung-gusto niya ang mga skin care products ng kumpanya.

Ayon naman kay Ms. Gracee, before getting Lovi ay talagang naghahanap sila ng celebrity endorser na babagay sa kanilang skin care product at perfect na perfect daw ang morena skin ng aktres sa kanilang mga produkto plus napakaelegante raw ng image nito na bagay na bagay din sa kanilang kumpanya.

At dahil kay Lovi ay lalo raw nakilala sa market ang SCD Skin Care.     

Habang nagmimisa 'yung pari… LOLIT, UMIHI SA PADER NG SIMBAHAN SA FRANCE

ni Vinia Vivar @Frankly Speaking | May 21, 2024

Photo: Fast Talk with Boy Abunda at Lolit Solis

Panalo ang ginawang Fast Talk ni King of Talk Boy Abunda sa veteran showbiz writer and talent manager na si Lolit Solis sa birthday celebration nito last Sunday.

Maraming bagay ang kanilang napag-usapan, kabilang na ang love life ni ‘Nay Lolit.

“Love at this age?” gulat na sabi ni ‘Nay Lolit.

Tanong ni Kuya Boy, “May panahon ba na talagang ika’y nawala sa sarili dahil sa pag-ibig?

Naghabol ka ba sa isang lalaki?”

May humirit pa ng tanong kung nagbayad ba siya ng isang lalaki.

Sabi naman ni ‘Nay Lolit, “Parang hindi, eh. Parang hindi ako gagasta sa lalaki, parang ‘yan ang wa’ ko feel. Gusto ko, ako babayaran.”

Napag-usapan din ang kontrobersiyal na Manila Film Festival Scam noong 1994, na bukas na aklat naman sa publiko kung ano ang ginawa ni ‘Nay Lolit. 

“The biggest mistake na ginawa ko, pero hindi ko pinagsisihan. Siguro, if I will live my life again, gagawin ko uli ‘yung scam,” sey ni ‘Nay Lolit.

Dito raw kasi niya nakita ang pagmamahal sa kanya ng mga taga-showbiz, kabilang na ang kanyang mga alaga na hindi raw siya talaga iniwan.

“Du’n nga lalong na-feel ko kaya nga yata ako lalong naging salbahe – kasi nakita ko lahat, lahat ng alaga ko, ipinagtanggol ako. Lahat nu'ng pinakitaan ko ng mabuti, sa mga showbiz writers, reporters, ipinagtanggol ako. Kaya I did not feel alone that time, na galit sa 'kin ‘yung buong Manila dahil sa kagagahan ko, ‘yung buong Pilipinas, kasi na-feel mo ‘yung love sa showbiz,” pahayag ni ‘Nay Lolit.

Ang itinuturing niya namang pinakamalaking blessing sa kanyang buhay ay nang mapasok siya sa showbiz dahil dito siya nakapagpundar ng sariling sasakyan at bahay.

Nang matanong kung sino ang gusto niyang kumain sa kanya kung sakaling ulam siya, naloka si ‘Nay Lolit.

“Kainin ako?” tanong niya ulit.

“Oo, Manay, adobo ka,” sagot naman ni Kuya Boy.

Nag-isip nang matagal si ‘Nay Lolit at binanggit ang favorite niyang Korean actor na si Jo In Sung.

Natanong din kung sino ang artistang gusto niyang tikman noon. Sagot ng kontrobersiyal na talent manager ay wala.

Sa tanong kung saan ang pinakamagandang lugar na naihian niya, tawa nang tawa si ‘Nay Lolit.

Aniya, “Ang pinakanahiya ako, nasa Lourdes (France) pa kami, ha, tapos ihing-ihi ako sa simbahan. Eh, hindi namin makita kung nasaan ang restroom, talagang nu’ng nakita ko ‘yung pader, du’n ako umihi. Paglingon ko, nagmimisa ‘yung pari. Hiyang-hiya ako,” kuwento ni ‘Nay Lolit.

Samantala, labis ang pasasalamat ng dating host ng Startalk sa lahat ng dumalo sa kanyang kaarawan lalo na nga ang kanyang mga alaga na sina Benjie Paras, Paolo Contis, Pauleen Luna, Tonton Gutierrez and wife Glydel Mercado, Congresswoman Lani Mercado, Christopher de Leon and wife Sandy Andolong, Tirso Cruz III and wife Lyn Ynchausti, Nanette Medved, Amy Austria among others. 

Naroroon din sina Sen. Jinggoy Estrada, Rei Anicoche-Tan of Beautederm at marami pang iba. 

Super-thankful din siya sa mag-asawang Sen. Bong Revilla and Congw. Lani na siyang sumagot ng kanyang lunch birthday party.

Kinakarir daw talaga… MARIAN, TUWANG-TUWA NA MARAMI ANG GUMAGAYA SA KANYA

ni Vinia Vivar @Frankly Speaking | May 20, 2024

File photo: Marian Rivera

Ikinatuwa ni Marian Rivera na marami ang gumagaya sa kanyang latest viral video sa TikTok na Marimar transformation. Ito ‘yung version ng aktres ng usung-usong makeup transformation na talaga namang milyun-milyon ang views.

Pati nga ang mga celebrities ay kumasa na rin sa Marimar dance video tulad ni Zeinab Harake at ang co-star ni Marian sa My Guardian Alien na si Christian Antolin.

Caption pa ni Zeinab sa kanyang video, “Marimar trend, palagi kang magiging inspirasyon, my idol @marianrivera.”

Sa comment section ay makikitang nag-react si Marian ng tatlong smiling face with heart-eyes emoji.

“Nakakatuwa na ginagaya nila ‘yung Marimar. ‘Yun naman talaga ang ano nu’n, eh, para kayo naman ang susunod,” masayang sey ni Marian sa 24-Oras.

Sey pa niya, “Nakakatuwa kasi talagang career sila na nasa isla, may Fulgoso, naka-shell at may dress na floral.”

Sa ngayon ay abangers na ang mga fans ng Kapuso Primetime Queen sa susunod niyang dance video na ipo-post.