Pinagtulungan daw sa iskul… ANAK NI YASMIEN, BINULLY NG 9 NA KAKLASE

ni Vinia Vivar @Frankly Speaking | Dec. 12, 2024

Photo: Yasmien Kurdi - Instagram

Bilang ina, wasak na wasak ang puso ngayon ni Yasmien Kurdi dahil sa sinapit ng kanyang panganay na anak na si Ayesha.

Ibinunyag ng aktres sa kanyang Facebook (FB) post last Tuesday ang pambu-bully na naranasan ng kanyang anak mula sa mga kaklase kung saan ay pinagtulungan daw ito ng 7-9 na estudyante.

“Today, my daughter was targeted by a group of students in her class because she was unable to keep up with group messages about their upcoming Christmas party while we were out of the country.

“Surrounded by 7-9 students, Ayesha was blocked from leaving the classroom and was denied her food and recess!” pagsisiwalat ni Yasmien.

“In other words, she was ganged up on,” aniya.

She also revealed na may mga estudyante ring nang-harass sa kanyang anak by taking video without her consent at ito raw ang dahilan kung bakit nagbakasyon muna sila sa ibang bansa.

“Ayesha took a vacation to relieve the stress caused by another students who harassed her by taking video without her consent. This caused her paranoia and anxiety,” lahad ng aktres.

Sinabi rin niya na since Grade 2 ay nakakaranas na si Ayesha ng pambu-bully.

“Ayesha is just a kid; she recently turned 12. And she has been enduring this type of bullying since Grade 2, alarmingly this has led to the creation of an online ‘AYESHA HATE CLUB’ targeting her,” ani Yasmien.

“For some reason, some of these students are now in her class. I am not surprised that the parents of bullies come to their rescue. 

“However, twisting events and claiming it was a regular student meeting and questioning back my daughters behavior is absurd.

“Mind you, these are mostly girls, if not all,” patuloy niya.

“Gusto mo ba gawin ito sa anak mong babae?” pagtatapos ng aktres.

Sa sumunod na post ni Yasmien ay ibinahagi niya ang larawan ng kanyang anak na malungkot at nasa tabi ng bintana. Sa caption ay humingi ng tawad ang aktres sa kanyang eldest daughter kasabay ng pagpapahayag ng suporta.

“I’m so sorry, Ayesha. You have to go through all of this because I am your mom. But I will always be here for you. I will protect you with all my life. You are beautiful inside and out,” mensahe ni Yasmien sa anak.

Maraming netizens ang naalarma sa sinapit ni Ayesha at nagpahayag din sila ng suporta sa dalagita.

---

LABIS-LABIS ang pasasalamat at saya ni Alfred Vargas sa bagong milestone sa kanyang career. For the third time ay muli siyang nanalong Best Actor para sa pelikula niyang Pieta sa katatapos lamang na international film festival sa Japan.

Sa kanyang Instagram (IG) post ay proud na ibinahagi ni Alfred ang magandang balita kasabay ng pagpapasalamat.

“With extreme gratitude and humility, I am honored to share another milestone in my 22-year acting career! We recently won my [third] BEST ACTOR Award this year for the film, PIETA, and this time, in Ima Wa Ima Asian International Film Festival in Osaka, Japan,” ani Alfred.

Personal na pumunta ang aktor sa Japan kasama ang anak na si Cristiano para tanggapin ang parangal. 

Sa ipinost niyang acceptance speech ay inialay ni Alfred ang kanyang tropeo sa anak na si Cristiano.

Pinasalamatan din niya si Superstar Nora Aunor sa pagtanggap sa proyekto, gayundin si Gina Alajar na isa rin sa cast, direktor na si Adolf Alix at manager na si Lolit Solis.

“I want to thank our Superstar Ms. Nora Aunor for accepting this project. Kay Direk Gina Alajar for guiding me and always supporting me pagdating sa improvement ng aking craft. And kay Direk Adolf Alix for bringing everyone together for this film. Special thanks to Nanay Lolit Solis for managing my career for 20 years and to Direk Nijel de Mesa, who also won here tonight, for getting me into theater performance way back in college in Tanghalang Ateneo. Kung wala sila, wala ako rito ngayon,” pahayag ng aktor.

Siyempre, hindi nakalimutang pasalamatan ni Alfred ang misis na si Yasmine, gayundin ang apat nilang anak.

“Thank you Amore ko @yasmine_vargas2307, my 4 children, my bro Cong. PM, Ate Bunny and Ditse Caron, and all my fans who’ve been there for me since day one, SOLID FRIENDS, for always giving me inspiration. Tagumpay natin ito!” pagtatapos ni Alfred Vargas.

Komedyana, may warrant of arrest sa 'Pinas… MISTER NI RUFA MAE, INARESTO RAW SA HAWAII

ni Vinia Vivar @Frankly Speaking | Dec. 11, 2024

Photo: Rufa Mae Quinto - Instagram

Wala pang kasagutan hanggang sa ngayon kung totoo ba ang kumakalat na tsikang hiwalay na si Rufa Mae Quinto at ang asawang si Trevor Magallanes na nagsimula nang nag-leak nga sa (socmed) social media ang screenshot ng palitan nila ng mensahe few days ago.

Kung pagbabasehan nga kasi ang kanilang usapan sa screenshot na kumalat, tila may nangyayari ngang hindi maganda sa kanilang relasyon, although hindi pa nga masabi kung legit ba talaga ito.

Maging ang dating manager ni Rufa Mae na si Boy Abunda ay nagsalita na rin at inaantay pa rin niya ang kumpirmasyon tungkol sa balitang ito.

Sa Fast Talk with Boy Abunda (FTWBA) nitong Lunes ay naging topic ng dating manager ni Rufa Mae na si Boy Abunda ang isyung kinasasangkutan ng aktres at ng asawa nito.  

Wika ng King of Talk, “We are also aware na may mga umiikot na screenshots ng conversation with Trevor, the husband of Rufa Mae Quinto, at sa kanya. Meron du’n pag-uusap between the couple.” 

Pakli pa ng TV host, “Meron din isang screenshot ng isang report galing sa pulisya sa Hawaii na may kinalaman naman kay Trevor.  

“Now, we have this, and we are trying to validate this and we are in touch with the lawyer of Rufa Mae, Atty. Mary Louise Reyes, who has been very helpful to us.  

“Kung ano ang developments sa balitang ito ay ibabahagi ho namin sa inyong lahat.”  

Bukod nga kasi kay Rufa Mae na may warrant of arrest dito sa ‘Pinas, may tsismis din kasing inaresto raw si Trevor sa Hawaii na hindi pa rin malinaw kung totoo ba o hindi dahil wala pa ngang nagsasalita isa man sa mag-asawa.

Bukas ang aming pahayagan para sa pahayag nina Rufa Mae Quinto at Trevor Magallanes hinggil sa isyung ito.

---

Tumatak sa mga viewers ng serye ni Coco…

MERCEDES, PROUD NA SUMIKAT BILANG KABIT

Namaalam na sa FPJ’s Batang Quiapo (BQ) ang karakter ni Mercedes Cabral na si Lena, ang isa sa mga pinakapinanggigigilang kontrabida sa primetime TV. 

Buong-pusong nagpasalamat si Mercedes kina Coco Martin at sa mga tagasubaybay ng Kapamilya teleserye para sa labis na tiwala at pagmamahal na ipinaramdam sa kanya sa pagganap kay Lena.

“Gusto kong magpasalamat kay Coco kasi kung hindi niya ibinigay sa akin si Lena, hindi rin mag-iingay ‘yung pangalan ko bilang aktor sa mainstream TV. Para naman sa viewers, thank you kasi kahit alam kong naiinis kayo kay Lena, marami pa rin akong naririnig and nakukuhang comments na nakaka-touch pa rin sa akin bilang aktor,” sabi ni Mercedes sa isang video na ibinahagi sa social media ng CCM Film Productions.

Makapigil-hininga ang episode noong Biyernes (Disyembre 6) matapos mabaril at mapatay ni Rigor (John Estrada) si Lena upang mailigtas si Marites (Cherry Pie Picache) sa pananaksak ng dating jowa. Bago pa nito, tuluyan nang nakain si Lena ng matinding galit at poot nang masiraan siya ng bait dahil sa paghihiwalay nila ni Rigor at sa pagkamatay ng anak nila.

Inamin naman ni Mercedes na mami-miss niyang kaeksena ang kanyang co-stars lalung-lalo na sina Cherry Pie at Direk Joel Lamangan dahil hindi niya inakalang ganu’n kaganda ang magiging chemistry nila. 

Halos gabi-gabing pinag-uusapan at ginawan ng iba’t ibang trending memes ang karakter ni Lena dahil sa inis ng mga manonood sa kanya bilang kabit ni Rigor. Naging instant hit si Lena at pinuri naman si Mercedes sa husay niya sa pag-arte.

Bukod sa pagbansag sa kanya bilang “Pambansang Jumper (kabit),” nagkalat din online ang kaliwa’t kanang videos kung saan ginagaya ng mga netizens ang ilang mga sikat na linya ni Lena tulad ng, “Gusto ko ng liempo” at ang pabebeng pagsabi ng, “Righoouur!”

Patuloy na mapapanood ang FPJ’s Batang Quiapo gabi-gabi ng 8 PM sa Kapamilya Channel, A2Z, TV5, iWantTFC, at Kapamilya Online Live sa YouTube (YT) channel at Facebook (FB) page ng ABS-CBN Entertainment. 

---

Walang sabit ang gusto para sa alaga… LOLIT, 'DI PA RIN BOTO KAY SEN. LITO PARA KAY LT

‘KAALIW ang latest post ng veteran columnist at talent manager na si Lolit Solis tungkol kay Sen. Lito Lapid na as we all know ay nali-link sa alaga niyang si Lorna Tolentino.

Sa latest Instagram (IG) post ni ‘Nay Lolit, aniya ay takang-taka siya kung bakit siya pa ang kinontak ni Sen. Lito na mamahala ng meet and greet with the showbiz press.

“Excited na naman ako dahil meron tayong Christmas party with Lito Lapid. Talagang nagtataka ako kung bakit ako ang tinawagan para sa meet and greet n’ya sa showbiz press, knowing na hindi ako pabor sa balitang nagiging close sila ni Lorna Tolentino,” sey ni ‘Nay Lolit.

Feeling nga niya ay sinusuyo rin siya ng senador at gusto raw sigurong ipakita na karapat-dapat ito kay Lorna Tolentino (LT).

“Baka gusto rin ni Lito Lapid, ipakita sa ‘kin ang charms na ginamit n’ya kay LT. Baka gusto n’yang makita ko na isa s’yang karapat-dapat na maging manliligaw ni Lorna,” aniya.

Pero hindi pa rin nagbabago ang stand ni ‘Nay Lolit na ang gusto niyang maging next partner siyempre ni Lorna ay walang sabit.

“Pero kahit ano pa sabihin, basta para sa ‘kin, dapat maging partner ni LT ‘yung talagang s’ya lang ang mamahalin. Walang ibang babae sa sidelines.

“Pero whatever, siguro naman alam ni Lito Lapid kung ano talaga ang role n’ya sa buhay ni LT at sana hindi totoo ang sinasabi ng iba,” sey ni ‘Nay Lolit.

Sa mga previous interviews nina LT at Sen. Lito ay pareho naman nilang sinasabi na walang ibang namamagitan sa kanila kundi pagkakaibigan lang.

Ayon kay Sen. Lito sa isang panayam ay onscreen partner lang talaga sila ni LT at ganu’n din naman ang sinasabi ng aktres.

Nagsimulang ma-link ang dalawa nang mag-click ang tambalan nila sa FPJ’s Batang Quiapo (BQ) at binansagan nga silang PrimAnda love team na pinaghalong Primo at Amanda, ang pangalan ng kanilang karakter sa serye.

2 KAPATID NI AICELLE, NAKALIGTAS SA KAMATAYAN DAHIL SA HIMALA

ni Vinia Vivar @Frankly Speaking | Dec. 10, 2024

Photo: Aicelle Santos sa Isang Himala - IG

Naniniwala si Aicelle Santos sa himala dahil nasaksihan daw niya ito mismo sa kanyang pamilya. 

Kaya naman malapit na malapit daw sa kanyang puso si Elsa, ang karakter niya sa 50th Metro Manila Film Festival (MMFF) entry na Isang Himala (IH).

Sa grand media launch ng movie na ginanap recently ay ikinuwento ng singer ang dalawang himala na ipinamalas ng Panginoon sa kanyang pamilya.

“Meron akong kapatid na 21 years old, isa na siyang cancer survivor. So s’ya po ay pinagaling ni Lord sa stage 2 lymphoma (cancer of the blood),” kuwento ni Aicelle.

“Pero towards the 6th month of our chemotherapy, inatake naman sa puso ‘yung 19-year-old brother ko. And ito po ‘yung case ng myocarditis (inflammation of the heart muscle),” patuloy niya.

Humina raw ang pintig ng puso ng kapatid niya at nameligro na ang buhay. Tinapat na rin daw sila ng doktor that time.

“Kung ang beats per minute (ng heart) natin ay 80-100, sa kanya, naging 20 beats per minute. So, sabi sa ‘kin ng doktor, nanganganib na raw siya,” kuwento ni Aicelle.

Pinapipirma na raw sila ng waiver sa hospital at umiiyak na raw ang kanyang ina.

Pero matibay na matibay daw ang paniniwala niya sa Panginoon na mabubuhay ang kapatid niya. ‘Yun lang daw talaga ang kinapitan niya noong panahong ‘yun.

“I prayed over him (her brother), dito sa puso niya, and then, ‘In the mighty name of Jesus, you are healed.’ Wala pa siyang malay noon,” aniya.

Matapos daw niyang ipagdasal ang kapatid ay na-witness niya kung paano dumilat ang mata nito.

“Right there and then, I witnessed a miracle, bumuka po ang kanyang mata. Ang mommy ko, tumigil sa pag-iyak,” lahad pa ng singer.

Bagama’t sinasabi ng mga churchmate niya na siya ang nagpagaling sa kanyang kapatid, ang lagi naman daw niyang isinasagot ay si Lord ang nagpagaling at hindi siya.

“Kaya po, totoong may miracle. Kaya si Elsa, naniniwala sa miracle ‘yan, naniniwala rin ako sa miracle,” sambit niya.

Isang miracle rin daw for her ang pagdating sa kanya ng proyektong Isang Himala na hango sa classic 1982 film ni Superstar Nora Aunor na Himala.

Nagsimula bilang isang musical play ang IH noong 2018, kung saan nga unang ginampanan ni Aicelle ang iconic role na Elsa. Ngayon ay isa na itong pelikula at kasali pa sa 50th MMFF mula sa direksiyon ni Pepe Diokno.

Written by National Artist Ricky Lee, the writer of the original masterpiece, bibigyan ng IH ng bagong buhay ang kuwento ni Elsa. Kasama rin sina Bituin Escalante, Kakki Teodoro and David Ezra among others, magsisimula itong mapanood simula sa December 25.

---

Proud na proud at masayang-masaya si Janella Salvador sa kanyang latest achievement in her career.

Kinilala lang naman siyang Southeast Asian Best Actress Top 10 ng Asia magazine sa Malaysia.

Nagpunta mismo si Janella sa Malaysia para personal na tanggapin ang kanyang award sa ginanap na Top Asia Corporate Ball 2024.

Sa kanyang Instagram (IG) account ay ibinahagi ng aktres ang mga larawan ng pagtanggap niya ng award kasabay ng pagpapasalamat.

“An absolute honor it is for me to be recognized as Top 10 of Asia’s Southeast Asian Best Actress - THANK YOU,” pahayag ni Janella. 

“I have always just hoped to touch people through my art and would like to share this award with all of the hardworking people I’ve worked with on and off cam. Here’s to Philippine cinema reaching wider audiences!!!!” sey pa ng aktres.

Ngayon ay may title na ring maipagmamalaki si Janella Salvador na deserve naman niya dahil matagal-tagal na rin siya sa industry at pinaghirapan niya kung nasaan man siya ngayon.