Earth Dog, dapat magpokus sa iisang gawain para umani ng mas malaking tagumpay

ni Maestro Honorio Ong - @Forecast 2020 | October 17, 2020

Sa pagpapatuloy ng pagtalakay sa magiging kapalaran ng bawat animal sign, pag-usapan natin ang ugali at magiging kapalaran ng Dog o Aso ngayong Year of the Metal Rat hanggang sa 2021 o Year of the Metal Ox.

Alalahaning ang Dog o Aso ay nahahati sa limang uri o klase, batay sa taglay nilang elemento at ito ay ang mga sumusunod:

• Metal Dog o Bakal na Aso - silang mga isinilang noong 1970 at 2030

• Water Dog o Tubig na Aso - silang mga isinilang noong 1982

• Wood Dog o Kahoy na Aso - silang mga isinilang noong 1934 at 1994

• Fire Dog o Apoy na Aso - silang mga isinilang noong 1946 at 2006

• Earth Dog o Lupa na Aso - silang mga isinilang noong 1958 at 2018

Sa nakaraang mga isyu, tinalakay natin ang kapalaran ng Metal Dog, Water Dog, Wood Dog, ganundin ang Fire Dog, kaya sa pagkakataong ito, pag-usapan naman natin ang huling uri ng Dog ayon sa taglay niyang elemento, ito ay ang Earth Dog o Lupa na Aso.

Kung ikaw ay isinilang noong 1958 at 2018, ikaw ay mapabibilang sa impluwensiya at kapangyarihan ng Earth Dog at ito ang iyong magiging sadlakang kapalaran ngayong 2020 hanggang 2021.

Sa sandaling nag-concentrate sa iisang depenido at solidong layunin ang Earth Dog, anuman ang layunin niya at kahit gaano katayog ang inaabot niya, ito ay siguradong kanyang makakamit. Kumbaga, basta itinuon ng Asong Lupa ang kanyang dedikasyon sa tiyak na layunin, walang duda, isandaang porsiyentong makakamit niya ito.

Kaya mahalaga para sa Earth Dog na hindi magpabagu-bago ang lagay ng kanyang isipan upang matiyak ang tagumpay at ligaya sa anumang binabalak niyang gawain, hindi lamang ngayong 2020 hanggang 2021, bagkus ay maging sa buong buhay niya.

At dahil may pagkaseryoso sa kanyang ginagawa, kumbaga, nakatutok lang sa kanyang pinagkakaabalahang gawain, minsan ay napagbibintangan siyang masungit at walang pakialam sa kapwa. Pero hindi naman talaga ganu’n ang isang Earth Dog, sa halip, nangyayari lamang ito dahil gustung-gusto niyang matapos agad ang isang bagay upang maikamada na niya ang isa pang accomplishment sa napakataas ng hirera o bunton ng kanyang mga natamong tagumpay.

Samantala, higit na nagiging matagumpay at maligaya ang Earth Dog sa mga accomplishment na kanyang ginagawa at nagawa sa mga bagay na may kaugnayan sa salapi at materyal na bagay. Kaya naman karamihan sa mga Earth Dog ay yumayaman at nagiging matagumpay sa aspetong pinansiyal at materyal na bagay.

Sa pangkalahatan, bagama’t may mga itatalang pag-unlad ang Earth Dog, hindi rin maaalis ang manaka-nakang pagbaba ng graph ng pag-unlad sa aspetong negosyo at pananalapi. Ibig sabihin, bagama’t kikita ng malaking halaga, hindi naman gaanong itatala ito dahil may mga pagkalugi o pagkawala rin ng salapi na mararamdaman. Ibig sabihin, ang taong ito para sa isang Lupang Aso ay “breakeven” lang na nangangahulugang hindi masyadong nalugi pero hindi rin naman masyadong kumita.

Sa kabila nito, asahan naman na mas magiging maganda at mabiyaya ang buhay at karanasan ng Earth Dog sa 2021, hindi lamang sa materyal na bagay, bagkus, may naghihintay ding kakaibang ligaya sa larangan ng pag-ibig at aspetong emosyon, partikular sa susunod na taon ng Metal Ox.

Itutuloy

Wood Dog na isinilang noong 2006, dapat paghandaan ang 2021 sa pagtitipid at pag-iipon

ni Maestro Honorio Ong - @Forecast 2020 | October 15, 2020

Sa pagpapatuloy ng pagtalakay sa magiging kapalaran ng bawat animal sign, pag-usapan natin ang ugali at magiging kapalaran ng Dog o Aso ngayong Year of the Metal Rat hanggang sa 2021 o Year of the Metal Ox.

Alalahaning ang Dog o Aso ay nahahati sa limang uri o klase, batay sa taglay nilang elemento at ito ay ang mga sumusunod:

• Metal Dog o Bakal na Aso - silang mga isinilang noong 1970 at 2030

• Water Dog o Tubig na Aso - silang mga isinilang noong 1982

• Wood Dog o Kahoy na Aso - silang mga isinilang noong 1934 at 1994

• Fire Dog o Apoy na Aso - silang mga isinilang noong 1946 at 2006

• Earth Dog o Lupa na Aso - silang mga isinilang noong 1958 at 2018

Sa mga nakaraang isyu, tinalakay natin ang kapalaran ng Metal Dog, Water Dog at Wood Dog, kaya sa pagkakataong ito, pag-usapan naman natin ang Fire Dog o Apoy na Aso.

Kung ikaw ay isinilang noong 1946 at 2006, ikaw ay mapabibilang sa impluwensiya at kapangyarihan ng Fire Dog at ganito ang mga pangunahin mong ugali at magiging kapalaran ngayong 2020 hanggang 2021.

Dahil sa taglay mong katalinuhan, mairaraos at maipagpapala mo ang 2020 kahit sabihin pang matinding pandemya ang binuno ng buong mundo. Bagama’t hindi maaalis na naapektuhan din ng pandemya ang inyong kabuhayan, madali naman itong makaka-recover at lalo pang uunlad sa mga susunod na buwan at taon.

Kung ikaw ay isinilang moong 1946, may pangako ang 2021 ng dagdag pang suwerte at magagandang kapalaran na unti-unti mo nang mararamdaman ang resulta sa kalagitnaan ng Oktubre hanggang sa pagpasok ng Nobyembre.

Bagama’t maraming hindi inaasahang suwerte ang darating, may tagubili ang nasa itaas kung saan palagi mong ingatan ang iyong kalusugan upang ang mga suwerteng darating at magagandang kapalaran ay may galak mong magamit para sa iyong ikaliligaya at lalo pang ikauunlad, hindi lamang ng iyong kabuhayan kundi pati na rin ng iyong personalidad.

Kung ikaw naman ay isinilang noong 2006, may masasarap na karanasang ipinapangako ang 2021, kaya naman dapat ngayon pa lang ay paghandaan mo na ito sa pamamagitan ng pag-iipon ng pera o pagtitipid. Dahil ang lahat ng maiipon mong pera ngayong taon ay tiyak na magagamit mong pang-gimmick sa 2021, na mas magiging masaya at makulay para sa iyong karanasan.

Bagama’t may mga pagbabagong nagaganap sa kapaligiran, ganundin sa iyong kapalaran, ang lahat ng pagbabagong ito ay tiyak na patungo sa ikaliligaya at ikauunlad mo, lalo na sa career, pag-aaral, pakikisalamuha sa iyong mga kaibigan at pamilya, ganundin sa paparating na isang surpresa pero hindi mo dapat na seryosohing love life.

Itutuloy

Wood Dog, 'di puwedeng mag-isa para laging paboran ng kapalaran

ni Maestro Honorio Ong - @Forecast 2020 | October 13, 2020

Sa pagpapatuloy ng pagtalakay sa magiging kapalaran ng bawat animal sign, pag-usapan natin ang ugali at magiging kapalaran ng Dog o Aso ngayong Year of the Metal Rat hanggang sa 2021 o Year of the Metal Ox.

Alalahaning ang Dog o Aso ay nahahati sa limang uri o klase, batay sa taglay nilang elemento at ito ay ang mga sumusunod:

• Metal Dog o Bakal na Aso - silang mga isinilang noong 1970 at 2030

• Water Dog o Tubig na Aso - silang mga isinilang noong 1982

• Wood Dog o Kahoy na Aso - silang mga isinilang noong 1934 at 1994

• Fire Dog o Apoy na Aso - silang mga isinilang noong 1946 at 2006

• Earth Dog o Lupa na Aso - silang mga isinilang noong 1958 at 2018

Sa nakaraang isyu, tinalakay natin ang kapalaran ng Metal Dog, gayundin ang Water Dog at sa pagkakataong ito, tatalakayin naman natin ang Wood Dog o Kahoy na Aso.

Kung ikaw ay isinilang noong 1934 at 1994, ikaw ay mapabibilang sa impluwensiya at kapangyarihan ng Wood Dog, humigit-kumulang ganito ang mga pangunahin mong ugali at magiging kapalaran ngayong 2020 hanggang 2021.

Bukod sa sobrang sipag, sinasabing makakatulong din sa magandang career o hanapbuhay ng Kahoy na Aso ngayong 2020 hanggang 2021 ang pagkakaroon ng grupo ng mga kasamahan dahil hindi inirerekomenda ang pagiging mapag-isa. Ibig sabihin, higit na susuwertehin ang Kahoy na Aso kung lalakad siya nang may kasama, magnenegosyo o makikipagtrasaksiyon. Kung mag-a-apply naman ng trabaho ay ganundin, kailangang may alalay o kasama siya nang sa gayun ay tulad ng naipaliwanag na, palagi siyang paboran ng suwerte at magandang kapalaran.

Sinasabi ring sa panahong ito na papatapos na ang 2020 at papasok ang 2021, sobrang gaganda ang kita at ang aspetong pampinansiyal ng isang Kahoy na Aso. Ang problema lang, kahit gumanda at dumami pa ang kita ng Kahoy na Aso ngayong 2020 hanggang 2021, kung hindi naman siya matututong magtipid at mag-ipon, madali ring mauubos at masisimot ang kanyang natiba o naibulsang salapi dahil sa komisyon at biglaang suwerte. Kaya ang dapat sa Wood Dog, kung kumita ng malaking halaga, unahin na ang pag-iipon o savings bago ang expenses o paggasta. Sa ganyang paraan, kung marunong magsinop ng nahahawakang pera ang isang Kahoy na Aso, lalo siyang papaboran ng suwerte at magagandang kapalaran. Gayundin, lalong darami ang kanyang kinikita at lalong lalago ang kanyang kabuhayan.

Sa pag-ibig, maaaring hindi pa ito ang tamang panahon para sa seryosong pakikipagrelasyon, kaya naman mas mainam na ngayong 2020, lalo mong pagpursigihan ang pagpapaunlad ng iyong career at aspetong pampinansiyal, kaysa pag-aksayahan ng panahon ang pag-ibig at pakikipagrelasyon nang wala ka namang katiyakang liligaya.

Ngunit sa career, isinulat na sa aklat ng iyong kapalaran na aangat nang aangat ang iyong income, accomplishment at higit sa lahat, ang iyong kasiglahan at satisfaction sa larangan ng materyal na bagay at career sa huling hati ng 2020 hanggang sa buong 2021. Kaya naman tulad ng nasabi na, isasantabi muna ang usaping may kaugnayan sa pag-ibig ngayon at sa 2021. Sa halip, sa 2022 ka na lang bumawi dahil sa nasabing panahon, isang surpresa at nakakikilig na romansa at pakikipagrelasyon ang kusang ipagkakaloob sa iyo ng tadhana na maghahatid sa iyo ng isang maligaya at panghabamuhay na pagpapamilya.

Itutuloy