Patay sa gumuhong gusali sa Florida, 9 na

ni Ronalyn Seminiano Reonico | June 28, 2021

Umakyat na sa siyam ang bilang ng mga nasawi sa gumuhong bahagi ng 12-storey apartment sa Florida.

Saad ni Miami-Dade County Mayor Daniella Levine Cava, "We were able to recover four additional bodies in the rubble... So I am confirming today that the death toll is at nine.

"We've identified four of the victims and notified next of kin."

Patuloy pa ring nagsasagawa ng search operation sa mahigit 150 pa na nawawala.

Ayon naman kay Florida Governor Ron DeSantis, pinag-aaralan at iniimbestigahan pa rin ang dahilan ng pagguho ng naturang gusali.

Samantala, pinangangambahan na mas tataas pa ang bilang ng mga nasawi, ayon sa mga rescuers.

5 patay, 156 nawawala sa gumuhong gusali sa Florida

ni Ronalyn Seminiano Reonico | June 27, 2021

Umakyat na sa lima ang bilang ng mga namatay sa pagguho ng isang bahagi ng 12-storey oceanfront building sa Surfside, malapit sa Miami Beach, Florida kamakailan.

"Today our search and rescue teams found another body in the rubble and as well our search has revealed some human remains," ani Miami-Dade County Mayor Daniella Levine Cava noong Sabado nang gabi.

Aniya pa, "It means that the unaccounted is now gone down to 156, confirmed deaths are now at a total of five.” Inaasahan namang tataas pa ang death toll dahil nahihirapang magsagawa ng rescue operations ang awtoridad dahil sa dami ng gumuhong debris.

Gumamit na rin ng sniffer dogs at heavy machineries katulad ng mga cranes upang mahanap ang iba pang nawawala.

Sa ngayon ay hindi pa rin malinaw kung ano ang dahilan ng pagguho ng naturang gusali ngunit, ayon sa awtoridad, noong 2018 pa ay mayroon nang nakitang “major structural damage” ang mga engineers at inspectors.

Patuloy pa rin ang imbestigasyon ng awtoridad at ang search, rescue and retrieval operations. Samantala, dahil sa insidente, ipinag-utos ni Mayor Cava na magsagawa ng isang buwang safety audit sa lahat ng gusali sa bansa na 40 years nang nakatayo.

Mga nasa labas ng billiard hall, pinagbabaril ng 3 suspek, 2 patay, 20 sugatan

ni Ronalyn Seminiano Reonico | May 31, 2021

Dalawa ang patay at mahigit 20 ang sugatan matapos mag-amok ang 3 armadong katao sa Florida noong Linggo nang umaga, ayon sa awtoridad.

Bumaba sa puting SUV ang 3 katao at pinagbabaril ang mga nagtipun-tipon para sa isang event sa labas ng billiards hall malapit sa Miami Gardens. Mabilis din umanong tumakas ang mga suspek.

Pahayag ni Miami-Dade Police Director Alfredo Ramirez, "These are cold blooded murderers that shot indiscriminately into a crowd and we will seek justice."

Ayon sa Miami Herald, isinugod sa ospital ang 20 sugatan kung saan isa ang kritikal. Nanawagan din ang kapulisan sa publiko na makipagtulungan upang makilala ang mga suspek na nagsuot ng ski mask at hoodies.

Nagsagawa na rin ng imbestigasyon ang awtoridad at tinutugis na ang mga suspek sa insidente. Pahayag din ni Florida Governor Ron DeSantis, "Justice needs to be swift & severe!"