Hotel sa Pasay City, nasunog

ni Lolet Abania | July 3, 2022

Sumiklab ang sunog sa isang hotel sa Pasay City ngayong Linggo ng umaga, ayon Bureau of Fire Protection (BFP).

Batay sa isang report mula sa BFP-National Capital Region Public Information Office, nagsimula ang sunog sa kusina ng Sofitel Philippine Plaza Manila. Alas-11:37 ng umaga, itinaas sa unang alarma ang sunog.

Gayunman, idineklara ng BFP na under control ang sunog ng alas-12:01 ng tanghali habang fire out ng alas-12:09 ng tanghali.

Sa ngayon, wala nang iba pang ibinigay na detalye ang mga awtoridad. Patuloy namang inaalam ng BFP ang naging sanhi at pinagmulan ng sunog.Hotel sa Pasay City, nasunog Sumiklab ang sunog sa isang hotel sa Pasay City ngayong Linggo ng umaga, ayon Bureau of Fire Protection (BFP).

Batay sa isang report mula sa BFP-National Capital Region Public Information Office, nagsimula ang sunog sa kusina ng Sofitel Philippine Plaza Manila. Alas-11:37 ng umaga, itinaas sa unang alarma ang sunog.

Gayunman, idineklara ng BFP na under control ang sunog ng alas-12:01 ng tanghali habang fire out ng alas-12:09 ng tanghali. Sa ngayon, wala nang iba pang ibinigay na detalye ang mga awtoridad. Patuloy namang inaalam ng BFP ang naging sanhi at pinagmulan ng sunog.

150 pamilya nawalan ng tirahan, 2 nadale sa sunog

ni Lolet Abania | June 20, 2022

Dalawa ang nasaktan habang 150 pamilya ang nawalan ng tirahan matapos sumiklab ang sunog sa Parañaque City, bago mag-madaling-araw ngayong Lunes. Nasa tinatayang 80 bahay ang natupok sa Valley 6 sa Barangay San Isidro.

Nagsimula ang sunog bandang ala-1:00 ng hatinggabi na umabot sa ikaapat na alarma. Ayon sa Bureau of Fire Protection (BFP), nahirapan silang pasukin ang lugar dahil sa makitid na kalsada, may konstruksyon sa oras na iyon, habang malayo ang lokasyon ng fire hydrant.

Batay pa sa BFP, ang mga kabahayan ay makakadikit at gawa rin sa mga light materials. Nagtulung-tulong naman ang mga residente para apulahin ang sunog, kung saan kumuha sila ng tubig mula sa isang drainage system na kasalukuyang isinasagawa.

Nagsimula ang sunog habang karamihan sa mga residente ay natutulog na. Ilan sa kanila ang hindi na rin nasagip ang kanilang mga kagamitan. Apektado rin ng sunog ang isang bakery na pag-aari ng isa sa mga residente.

Ayon pa sa BFP, tinatayang aabot sa P600,000 ang mga ari-ariang napinsala. Alas-2:22 ng madaling-araw idineklarang ng BFP na under control na ang sunog, habang fire out naman pasado alas-4:00 ng madaling-araw.

Pansamantalang nanuluyan ang mga apektadong residente sa isang covered court ng barangay. Patuloy na iniimbestigahan ng BFP ang naging sanhi at pinagmulan ng sunog.

P200K ari-arian natupok, 1 patay sa sunog — BFP

ni Lolet Abania | January 23, 2022

Patay ang isang residente matapos sumiklab ang sunog sa isang bahay sa Parañaque City, kagabi.

Ayon sa Bureau of Fire Protection (BFP), nagsimula ang sunog sa ground floor ng dalawang palapag na tirahan sa Multinational Village, Barangay Moonwalk, Parañaque, kung saan agad na rumesponde ang mga bumbero ng alas-10:50 ng gabi nitong Sabado.

Naapula naman ang apoy bandang alas-11:29 ng gabi, habang hindi pa matukoy ng mga awtoridad ang pagkakakilanlan ng nasawi sa sunog.

Sinabi naman ng BFP na nasa tinatayang P200,000 ang halaga ng ari-ariang natupok dahil sa sunog.

Inaalam na rin ng BFP ang naging sanhi at pinagmulan ng sunog.