SSS, pinaalalahanan ang mga miyembro tungkol sa number coding...

Drop box at appointment systems na ipinatutupad

ni Fely Ng - @Bulgarific | February 22, 2021

Hello, Bulgarians! Kamakailan ay pinaaalalahanan ng Social Security System (SSS) ang mga miyembro, claimant, at covered employer nito na mayroong number coding, drop box, at appointment systems na ipinatutupad sa piling branches nito sa buong bansa.

Kinabibilangan ito ng lahat ng branches sa National Capital Region (NCR); Antipolo, Masinag, Cainta, San Mateo, Tanay, Baguio, Dagupan, Bacoor, at Biñan branches sa Luzon; Cebu, Lapu-Lapu, Bacolod, at Iloilo-Central branches sa Visayas; at Cagayan De Oro at Davao branches sa Mindanao.

Sa ilalim ng number coding system, ang mga transaksiyon na maaaring isagawa sa branches ay ang pagbabayad ng kontribusyon at loan, compliance sa SS Number Application na isinagawa online (tulad ng personal appearance), pag-pick-up ng Unified Multi-Purpose Identification (UMID) Card, pagpapakita o pagsusumite ng mga orihinal na dokumento para suportahan ang claim applications, paggamit ng E-Center Facility para sa mga walang kompyuter o internet sa bahay, at iba pang justifiable reasons.

Ang nakatakdang araw ng pakikipagtransaksiyon ng mga miyembro, claimant o employer ay nakabatay sa huling numero ng kanilang SS o ER ID. Ito ay ang sumusunod: Lunes para sa nagtatapos sa 1 at 2, Martes para sa nagtatapos sa 3 at 4, Miyerkules para sa nagtatapos sa 5 at 6, Huwebes para sa nagtatapos sa 7 at 8, at Biyernes para sa nagtatapos sa 9 at 0.

Para sa may Funeral o Death Benefit Claim, ang pagbabatayan na SS number ay ang sa yumaong miyembro.

Sakaling ang nakatakdang araw ng pakikipagtransaksiyon ng miyembro o employer ay natapat sa holiday, maaari silang pumunta sa kasunod na working day. Kung nagkaroon naman ng system downtime, magtatalaga ng appointment ang SSS branch sa mga miyembro, claimant o employer na nakapila o maaari rin silang maghintay hanggang sa maging operational itong muli.

Para naman sa mga transaksiyon na hindi nabanggit, mayroong drop boxes sa labas ng mga nasabing branch kung saan maaaring mag-iwan ang mga miyembro, claimant o employer ng mga envelope na naglalaman ng mga kinakailangang dokumento para sa transaksyon. Kailangan nilang isulat ang kanilang pangalan, uri ng transaksiyon, at contact number sa envelope. Kung kinakailangan, sila ay bibigyan ng appointment ng kinauukulang SSS branch upang maproseso ang kanilang transaksiyon.

Nanawagan si SSS President at CEO Aurora C. Ignacio sa mga miyembro, claimant at employer na huwag magtungo sa mga nasabing SSS branch nang hindi alinsunod sa number coding system.

“Hinihingi po namin ang pakikiisa ng lahat sa mga hakbang na aming isinasagawa sa aming branches para maiwasan ang pagkalat ng COVID-19. Istrikto po namin itong ipinatutupad kaya kung pupunta po kayo ng hindi sa inyong prescribed transaction day ay hindi po kayo makakapasok,” pahayag ni Ignacio.

Dagdag pa niya, ang mga transaction tulad ng Annual Confirmation of Pensioners’ Program (ACOP), at UMID Data Capture ay suspended mula pa noong Marso 2020.

“Para sa aming pensioners, sinuspindi po namin ang ACOP. Covered po nito ang mga hindi nakapag-comply sa programa simula Enero 2020. Hindi po mapuputol ang pagtanggap ninyo ng SSS pension hangga’t mayroong community quarantine sa bansa. Kapag ang buong bansa po ay nasa ilalim na ng new normal o ‘pag na-lift na lahat ng forms ng community quarantine, bibigyan po namin kayo ng 60 days para makapag-comply sa ACOP,” ani Ignacio.

Sa kasalukuyan, ang mga kailangan lamang magpasa ng ACOP compliance ay ang mga mayroong suspended pensions dahil hindi pagko-comply sa ACOP bago ang community quarantine period.

Ayon sa SSS marami ring miyembro ang nagtutungo sa branches nito para mag-follow-up ng kanilang registration sa Disbursement Account Enrollment Module (DAEM) sa SSS website (www.sss.gov.ph).

Paalala naman ng SSS, hindi na ito kailangan pang gawin sa branches dahil gumagawa na ito ng paraan upang mapabilis ang verification process ng mga pending na disbursement account enrollment.

“Batid po namin na marami ang nangangailangan ng mga serbisyong hatid ng SSS, kung kaya’t patuloy po naming pinagbubuti ang aming online services. Hinihikayat po namin ang aming mga miyembro at covered employers na gamitin ang mga ito sa halip na pumunta pa sa aming branches,” ani Ignacio.

Sa kasalukuyan, ang online services na maaaring gawin ng mga miyembro na rehistrado sa My.SSS member portal sa SSS website ay ang mga sumusunod: filing ng aplikasyon para sa Unemployment Benefit, Salary Loan at Calamity Loan; filing ng Retirement Benefit para sa mga kuwalipikadong miyembro; generation ng Payment Reference Number (PRN) para sa kontribusyon; pagpapasa ng maternity notification para sa self-employed, voluntary, at overseas Filipino worker (OFW) members; enrollment ng disbursement account; contribution at loans inquiry; Real-Time Processing of Loans PRN Inquiry; at iba pa.

Gamit ang kanilang My.SSS web account, ang mga employer naman ay maaaring mag-certify ng loan at claim applications ng kanilang mga empleyado, magpasa ng employment reports, mag-file ng sickness benefit reimbursement applications, mag-edit ng Loan Statement at magpasa ng electronic-Loan Collection List, at iba pa.

Patuloy ang pagbibigay ng SSS ng webinars tungkol sa online services nito. Makikita ang registration links para sa mga ito sa “Philippine Social Security System,” ang official Facebook Page ng SSS.

Para sa mga katanungan at dagdag-impormasyon, maaaring tumawag sa SSS Hotline sa 1455. Ang directory naman ng mga SSS branch ay makikita sa SSS website.

SSS 5.2B Pension Fund ang ni-release noong Pebrero 16

ni Fely Ng - @Bulgarific | February 20, 2021

Hello, Bulgarians! Isang napakasayang araw ang balitang ini-release ng Social Security System (SSS) ang ikalawang batch ng pensiyon para sa Pebrero 2021 na nagkakahalaga ng P5.2 bilyon, sa pamamagitan ng Philippine Electronic Fund Transfer System and Operations Network (PESONet) at iba pang mga checkless disbursement channel.

Makikinabang sa pension fund ang 1.1 milyong pensyonado na ang date of contingency ay mula ika-16 hanggang sa huling araw ng buwan, ang mga sakop sa batch na ito ay maaaring mag-withdraw mula Pebrero 16 sa pamamagitan ng PESONet participating bank, e-wallet, at mga sangay ng M Lhuillier.

Ang unang batch para sa pensiyon ng Pebrero 2021 na may kabuuang halaga na P6.5 bilyon ay inirelease noong Pebrero 1, 2021, sa pamamagitan ng parehong pamamaraan ng pag-disbursement. Saklaw sa unang batch ang 1.5 milyong pensiyonado na ang date of contingency ay mula sa ika-1 hanggang ika-15 araw ng bawat buwan.

Samantala, ang mga pensiyonado na tumatanggap pa rin ng kanilang pensiyon sa pamamagitan ng mga tseke o non-PESONet participating bank ay matatanggap ang kanilang pensiyon ngayong Pebrero 2021 kasunod sa dating disbursement iskedyul na batay din sa kanilang date of contingency.

Para naman sa mga karagdagang impormasyon tungkol sa bagong paraan ng disbursement at iskedyul ng SSS na ipinatupad simula Oktubre 2020, basahin ang SSS Circular No. 2020-024 at 024-b sa https://bit.ly/2GiGRs6 at https://bit.ly/2I2GW3I ; at sundan ang SSS sa Facebook sa "Philippine Social Security System," Instagram sa "mysssph," o Twitter sa "PHLSSS;" o sumali sa SSS Viber Community sa "MYSSSPH Updates."

Novavax vaccine briefing umabot sa 1,500 ang lumahok – Concepcion

ni Fely Ng - @Bulgarific | February 19, 2021

Hello, Bulgarians! Alam n’yo bang kasunod ng matagumpay na pagkalap ng 17 milyong doses ng AstraZeneca vaccine sa ilalim ng programang ‘A Dose of Hope,’ patuloy ang pakikipag-usap ni Joey Concepcion, Presidential Adviser for Entrepreneurship at Go Negosyo founder, sa iba pang mga vaccine manufacturer. Kamakailan, naglunsad ng private sector briefing tungkol sa Novavax Vaccine si PA Concepcion at ang Go Negosyo na nilahukan naman ng higit 1,500 katao sa ilalim ng higit 800 na kumpanya—pinakamataas sa lahat ng vaccine briefing na naidaos na ng Go Negosyo.

“I’m glad that with our discussion with Kishore of Faberco, he has appointed Unilab to handle the private sector orders, while they handle the LGU and National Government orders. Unilab has set the minimum order at 200 doses with an option for smaller companies to consolidate among themselves which makes it more accessible especially for MSMEs. Now, our role here is to support Unilab in its efforts to get orders. We will endorse all orders to Unilab, our staff will take down the orders and help follow through on any issues with them. That is the role that the Go Negosyo’s ‘A Dose of Hope’ will be playing in this program with Faberco and Unilab—use our experience in the initial program with AstraZeneca to really make the Novavax vaccine accessible to as many private sectors who need it, especially our MSMEs,” saad ni Concepcion.

“We are brought together today for a specific purpose and that is to help the workforce, the most valuable asset of our companies, and to find solutions to protect against COVID-19. As the key drivers of the economy, safeguarding the health of our people through vaccination is highly encouraged—this is how we could show gratitude to our everyday heroes…Together with Unilab, your trusted quality healthcare partner, we will bring Covovax to the private sector to help our economy get back up,” ani ni Kishore Hemlani, founder ng Faberco Life Sciences, Inc. sa naging briefing, naging kinatawan ng Unilab si Atty. Jose Maria Ochave, Unilab Senior Vice-President for Social Partnerships, kasama si Dr. Nancy Bermal, Unilab Medical Director, at Manolet Montinola, Unilab Vice-President.

“Bayanihan has always been a cornerstone of our policies… it has always been with us. So, we taught that this is a good vaccine and in the spirit of Bayanihan, we said, why don’t we offer it to the rest, and fortunately, Faberco said yes. They can take care of the government sector and we can take care of the private sector. We’re a 100% Filipino-owned company, we sink, and we swim with the country,” pahayag ni Atty. Ochave.

Sa kasalukuyan ang presyo ng bakuna ay nasa P1,000 kada dose, exclusive of VAT, inclusive ng logistics at delivery sa buong bansa sa kahit saang hospital o site na aprubado ng DOH. Hindi pa kasama ang presyo ng pagbabakuna, nakadepende ito base sa hospital o site na napili ng bibiling kumpanya. Maaari ring isama sa mga orders ang pamilya ng mga empleyado, kasabay ng pagsunod pa rin sa itinakdang prioritization ng gobyerno. Para sa ibang katanungan, paglilinaw o ekspresyon ng interes, maaaring makipag-ugnayan sa mga sumusunod: GO NEGOSYO – opae.gov@gmail.com; EVA PASAGUI – 09189656333; COLEEN PABUA – 09154996570