12th 'Unmodified Opinion' ng COA, natanggap ng Pag-IBIG Fund

ni Fely Ng @Bulgarific | August 4, 2024

Hello, Bulgarians! Nakatanggap ang Pag-IBIG Fund ng isa pang ‘Unmodified Opinion’ mula sa Commission on Audit (COA) para sa ika-12 magkakasunod na taon. Sa isang liham na may petsang 21 Hunyo 2024, ipinaalam ng mga state auditor sa ahensya na nagbigay ito ng unmodified opinion sa pagiging patas ng presentasyon ng mga financial statement ng Pag-IBIG Fund para sa 2023.

“This recognition from the COA, which Pag-IBIG Fund has earned for the 12th consecutive year, is a result of Pag-IBIG Fund’s commitment towards excellence and integrity in managing our members’ funds. We stay true to our mandate of providing secured savings and shelter financing in line with the directive of President Ferdinand Marcos, Jr. of providing means for Filipinos to achieve a better quality of life,” saad ni Secretary Jose Rizalino L. Acuzar, namumuno sa Department of Human Settlements and Urban Development and Chairman at sa 11-member Pag-IBIG Fund Board of Trustees.

Ang Pag-IBIG Fund ay tumanggap ng ‘unqualified opinion’ sa COA mula 2012 hanggang 2017 at ‘unmodified opinions’ mula 2018 hanggang 2023. Ang parehong unqualified and unmodified opinions ay nagpapahiwatig na ang financial statement ng isang ahensya o korporasyon ng gobyerno ay ipinakita sa lahat ng materyal na aspeto, alinsunod sa naaangkop na mga balangkas ng pag-uulat sa pananalapi.

“Pag-IBIG Fund achieved several milestones in 2023. Our financial standing remains strong, as we concluded 2023 with a record-high net income before MP2 returns of P49.79 billion. Pag-IBIG Fund also surpassed its housing records by releasing a total of P126.04 billion in housing loan takeouts, the highest home loans released during a single year in its 43-year history. This helped 96,848 members acquire new or better homes. Membership savings collection also reached a record high, with membership savings collections amounting to P89.26 billion. All these enabled Pag-IBIG Fund to declare P48.76 billion in dividends, which was distributed to its members as earnings on their savings for said year — highest in the history of Pag-IBIG Fund,” pahayag ni Pag-IBIG Fund CEO Marilene C. Acosta.

“Earning the ‘unmodified opinion’ for the 12th consecutive year further signifies how we were able to achieve our best performance while maintaining the highest standards of financial integrity. Our members and stakeholders can rest assured that we will remain their reliable partner and that we will continue to serve them with Tapat na Serbisyo, Mula sa Puso,” dagdag pa ni Acosta. 

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mga kooperatiba sa Antique, tinutukan ng SSS

ni Fely Ng @Bulgarific | August 1, 2024

Hello, Bulgarians! Ipinahayag ng Social Security System (SSS) na mahigit 8,000 miyembro ng SSS ang maaari nang magbayad ng kanilang buwanang kontribusyon sa pamamagitan ng kani-kanilang mga kooperatiba matapos lumagda ang SSS ng partnership deal sa dalawang kooperatiba sa lalawigan ng Antique.

Sinabi ni SSS President at Chief Executive Officer Rolando Ledesma Macasaet na pumirma ang SSS ng isang kasunduan sa Belison at Hamtic Multi-Purpose Cooperatives (MPC) noong Hulyo 9 na magbibigay-daan sa kanila na tumanggap ng mga bayad ng kontribusyon at mapadali ang mga online transaction ng kanilang mga miyembro. 

Sa ilalim ng SSS Accreditation Program for Cooperatives, sinabi ni Macasaet na ang mga awtorisadong kooperatiba ay maaaring mangolekta at magpadala ng mga kontribusyon sa SSS at Employees’ Compensation (EC), at idinagdag na “ang kanilang mga miyembro ay maaari ring magbayad ng kanilang buwanang loan amortization sa pamamagitan ng pagsasaayos na ito”.

“Establishing durable partnerships with cooperatives is crucial in securing the active SSS membership of our members as well as in fulfilling member-borrowers’ responsibility to pay their monthly amortizations regularly,” pahayag ni Macasaet.

Bukod sa pagiging SSS collection partners, sila ay awtorisado rin na mag-facilitate ng mga piling transaksyon sa SSS tulad ng membership at My.SSS registrations, disbursement account enrollment, at online submission ng benefit at loan applications.

“In providing such assistance to its members, the cooperatives may claim a service fee of P6.00 from SSS for every processed and approved transaction,” dagdag pa ni Macasaet.

Ibinahagi rin niya na mahigit 2,000 miyembro ng coop na walang SSS membership, ang irerehistro na SSS member bilang bahagi ng kasunduan.

“It will give their members a more convenient way of conducting SSS transactions through Hamtic and Belison MPC. It will also help them save money because they no longer have to visit SSS Antique, which is approximately 8 to 16 kilometers away from their towns, for their SSS transactions,” pahayag ni Macasaet.

Idinagdag ni Macasaet na bukod sa Hamtic at Belison MPC, mayroong limang partner na kooperatiba sa Antique: DAO MPC, Barbaza MPC, Patnongon MPC, Pandan MPC, at Libertad MPC.

Bukod dito, si Macasaet at iba pang opisyal ng SSS ay nakipagpulong din sa mahigit 100 employer, barangay officials, self-employed member, at local media practitioners sa isang stakeholder’s forum na ginanap sa Eagles Place Hotel at tinalakay ang halaga ng membership ng SSS at update sa mga programa nito at mga serbisyo.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

PhilHealth, sagot ang pasyenteng may pertussis

ni Fely Ng @Bulgarific | Abril 14, 2024

Hello, Bulgarians! Sa gitna ng patuloy na pagtaas ng kaso ng pertussis o ubong dalahit sa buong bansa, pinaalalahanan ng PhilHealth ang publiko na sagot nito ang confinement para sa nasabing sakit.

Ayon sa World Health Organization, ang pertussis o kilala sa tawag na “whooping cough”, ay isang respiratory infection na sanhi ng Bordetella pertussis bacterium. Lagnat, ubo at sipon ang karaniwang sintomas nito na tumatagal ng ilang linggo o higit pa. Lubha itong nakahahawa at naipapasa sa pamamagitan ng pag-ubo o pagbahing. Mga sanggol at mga batang hindi pa nababakunahan ng DTaP vaccine (Diptheria, Tetanus and acellular Pertussis) ang madalas tinatamaan ng sakit na ito, ngunit maiiwasan sa pamamagitan ng bakuna at magagamot sa pag-inom ng antibiotic.

Hinikayat ni PhilHealth President and CEO Emmanuel R. Ledesma, Jr. ang mga mamamayan na magpakonsulta sa pamamagitan ng PhilHealth Konsultasyon Sulit at Tama (Konsulta) Package kung sila ay nakararanas ng mga sintomas ng pertussis gaya ng lagnat, ubo o sipon. 

“Kung kinakailangan ng ating mga Kababayan na magpakonsulta, hinihikayat ko silang mag-avail ng libreng konsultasyon at mga gamot na irerekomenda ng healthcare provider sa ilalim ng PhilHealth Konsulta. Ang dapat lamang nilang gawin ay magparehistro,” aniya. 

Ang PhilHealth Konsulta o Konsultasyong Sulit at Tama ay ang outpatient primary care benefit package na nagbibigay ng libreng konsultasyon, health screening at assessment, mga piling laboratoryo at diagnostic tests, at mga gamot na irerekomenda ng doktor.

Nagpahayag din ng suporta ang hepe ng PhilHealth para sa panawagan ng DOH na magpabakuna at binigyang diin ang kahalagahan ng preventive care, “Bakuna at early detection ang pinakamabisang panlaban sa pertussis. Hangga’t maaari ay siguruhin nating kumpleto sa bakuna ang mga bata at magkaroon ng regular na konsultasyon para maiwasan ang pagkakasakit.”

Para sa mga pasyenteng kinakailangang ma-confine, sinabi ni Ledesma na may benepisyo ang PhilHealth na nagkakahalaga ng mula P13,000 hanggang P19,000. “Batid namin ang mga alalahanin sa gamutan ng pertussis at nais naming tiyakin sa publiko na sagot ng PhilHealth ang pagpapagamot ng mga pasyenteng kailangang ma-confine sa ospital,” dagdag pa niya na kung sakaling magkaroon ng komplikasyon dahil sa sakit na ito gaya ng severe pneumonia, mayroon ding benepisyo ang PhilHealth para rito hanggang P90,100.

Hinimok ng PhilHealth ang publiko na ugaliin ang ibayong pag-iingat. “Patuloy nating gawin ang safety measures na ating nakasanayan noong panahon ng pandemya gaya ng madalas na paghuhugas ng kamay upang maprotektahan ang ibang tao lalo na ang mga bata. Tinitiyak ng PhilHealth na makatatanggap ng serbisyo ang mga pasyente habang nagpapagamot sa ospital.”

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.