Sipag at tiyaga lang, ganern! Alamin: 5 negosyong mabenta ngayong lockdown

Maraming nawalan ng hanapbuhay ngayong may COVID-19 pandemic. At dahil hindi puwedeng umasa lang sa ayuda ng gobyerno, marami na sa atin ang sumubok ng iba’t ibang klase ng negosyo.

Well, magandang paraan ito hindi lang para kumita ngayong pandemya kundi para mapag-aralan kung saang business dapat mag-invest na swak sa iyong resources.

Kaya naman, narito ang ilang negosyo na patok ngayong may pandemic:

1. DELIVERY SERVICES. Sa panahon ngayong marami ang ayaw nang lumabas ng bahay, ito ang takbuhan natin. Kung mayroon kayong sasakyan o motorsiklo na puwedeng gamitin sa pagde-deliber, oks itong subukan. Patok ngayon ang online selling kung saan via delivery ang kadalasang ginagamit ng mga sellers, kaya for sure, ‘di ka lugi rito.

2. FOOD. Isa sa pinakamabentang produkto online ang pagkain. Puwedeng pastry, ulam, meryenda at marami pang iba. Kung gusto mong pagkakitaan ang iyong hobby na pagluluto, try n’yo ito dahil for sure, papatok ito basta alam mo kung ano at sino ang target market mo.

3. GROCERY. Kung medyo malaki ang puhunan mo, puwede kang mag-invest sa mini-grocery. Sa panahon kasi ngayon, kailangang maglaan ng maraming oras para makapag-grocery, kaya para hassle-free, mas gugustuhin nilang pumunta sa mini-grocery. Hindi kailangang maging bongga dahil basta meron kang ibebentang basic necessities tulad ng pagkain, toiletries at iba pang pangunahing pangangailangan, oks ka na.

4. CLEANING MATERIALS. Dahil level up sa paglilinis ang mga Pinoy ngayong may pandemic, oks din itong gawing pagkakitaan. Isa pang tip, bago ibenta, subukang gamitin ang mga produkto para maibahagi sa iyong potential clients ang performance ng mga ibinebenta mo. Sa ganitong paraan, mas madali kang kikita dahil may feedback silang makukuha mula sa mismong seller.

5. MEDICAL SUPPLIES. Mask, gloves at face shields – ilan sa mga ito ang in-demand ngayon dahil ginagamit itong proteksiyon para makaiwas saa COVID-19. Kailangan mo lang makahanap ng mapagkakatiwalaang supplier para makakuha ng magaganda at sulit na presyo ng suplay. Kapag nakabenta, puwede ka nang maghanap ng resellers nang sa gayun ay maging mabilis ang pagpasok sa iyo ng pera. Pero ingat sa mga scammer na supplier at resellers, ha?

Hindi lahat ng negosyo ay kailangan ng malaking kapital para masimulan. Minsan, kailangan lang ng sipag at tiyaga, gayundin, gamitin nang tama kung ano ang meron tayo.

Kaya para sa mga beshies natin na willing sumabak sa pagne-negosyo para magkaroon ng kita habang may pandemya, try n’yo na ang mga ito. Keep safe, ka-BULGAR!

Sa mga walang energy d’yan, para sa inyo ‘to! Lemon, pantanggal ng pananamlay

Halamang Gamot atbp. ni: Govinda Jeremaya

Ang lemon.

Ayon sa kaysayayan, hindi pumapayag si Christopher Columbus na hindi magsakay ng saku-sakong lemon sa kanyang mga barkong panlayag. Ito ay dahil subok na ni Columbus ang lemon na gamot sa scurvy.

Ang scurvy ay sakit kung saan humihina ang tao na parang laging pagod, nagkaka-sore o sugat sa mga kamay, braso at legs. Nagkakaroon din ng sugat sa ngala-ngala, bagang, gums o dila at loob ng bibig. Nagiging manipis din ang buhok, nalalagas at may pagdurugo rin sa balat.

Noong panahon na ‘yun, hindi pa alam ng mundo ang Vitamin C, pero ngayon, ginagamit na ito bilang panlaban sa scurvy.

Malayo ang agwat ng panahon ni Columbus sa modernong panahon natin, pero alam na alam na niya na ang lemon na mayaman sa Vitamin C ay gamot sa scurvy.

Hindi naman maikakaila na si Columbus ay binansagang dakilang manlalakbay na siya ring dahilan kung bakit ang lemon ay kumalat sa buong mundo dahil ang mga buto nito ay hindi sinasadyang naitatapon ni Columbus sa mga bansang kanyang narating.

Tulad ng nasabi na, mayaman sa Vitamin C ang lemon. Nananamlay ka ba at feeling mo, lagi kang pagod kahit wala kang ginagawa? May sugat ka ba? May butlig ba sa loob ng iyong bibig? Kumusta naman ang skin mo sa braso, mga kamay at legs?

Kumain ka ng lemon ay magugulat ka dahil lalakas ka. This is not a joke, take a piece of lemon kahit isa lang. Subukan mo at madarama mo na biglang mawawala ang iyong pananamlay. Kumain ka ng lemon at alam mo na ang susunod na mangyayari sa iyo dahil sisigla at lulusog ka, gayundin, gaganda ng kutis mo.

Narito ang nutritional facts ng lemon, ang isang lemon ay mayroong:

• Energy: 16.8 calories (kcal)

• Carbohydrates: 5.41 g, of which 1.45 g are sugar

• Calcium 15.1 milligrams (mg)

• Iron: 0.35 mg

• Magnesium: 4.6 mg

• Phosphorus: 9.3 mg

• Potassium: 80 mg

• Selenium: 0.2 micrograms (mcg)

• Vitamin C: 30.7 mg

• Folate: 6.4 mcg

• Choline: 3.0 mg

• Vitamin A: 0.6 mcg

• Lutein/Zeaxanthin: 6.4 mcg

Ang lemon ay usung-uso ngayon at lahat ng fruit stands ay may tindang lemon. Kaya muli, try mo kahit isa lang at ikaw mismo ang magsasabing sa lemon, nawala ang iyong pananamlay.

Good luck!

‘Di na kailangang umasa sa gamot... Mga pagkaing panlaban sa migraine, alamin

Malaking pahirap ang migraine sa marami sa atin, partikular sa mga empleyado na sagad ang oras sa pagtatrabaho, tambak ang mga gawain at dapat asikasuhin.

Ang migraine ay tulad ng mga “unwanted guest” na walang pasabi kung kailan darating at hindi mo rin alam kung kailan mawawala.

Marami ang umaasa sa mga pills o gamot para mawala ang sobrang sakit at hirap ng sitwasyon na dulot nito, pero tulad ng halos lahat ng panggamot, ang epekto ng mga ito ay panandalian lamang at kalauna’y babalik na naman.

Kaya naman, upang maiwasan ang mga pansamantalang remedyo, may mahalagang bagay na dapat tayong gawin — baguhin ang diet o pagkain.

Kung may mga pagkaing nakati-trigger ng migraine, ang ilan naman ay nakatutulong na labanan ito, tulad ng mga sumusunod:

1. AVOCADO. Bukod sa epektib na pampaganda ng kutis at pampabawas ng timbang, ang avocado rin ay nakatutulong upang labanan ang migraine. Ang prutas na ito ay mayaman sa antioxidants tulad lutein at zeaxanthin mga sangkap na mabisang pantanggal ng migraines.

2. Yogurt. Ayon sa pag-aaral, ang riboflavin na isang uri ng Vitamin B, ang isa sa mga pinakaepektibong panlaban sa migraine at ang yogurt ay nagtataglay ng bitaminang ito. Ang araw-araw na pagkonsumo ng yogurt ay nakapagpapababa ng tsansa ng pag-atake ng migraine.

3. Sweet potatoes. Ang madalas na pagkonsumo ng sweet potatoes ay hindi lang pantanggal ng simpleng sakit ng ulo at iba pang pananakit ng katawan, nakatutulong din itong labanan ang migraine sapagkat sagana ito sa iba’t ibang bitamina tulad ng Vitamins C at B1, at potassium na mabisang pampakalma.

4. Water-based na mga prutas at gulay. Dahil nakatutulong ang pag-inom ng tubig sa pagkakataong umaatake ang migraine, ang pagkonsumo ng mga water-based food tulad ng pakwan, carrots, pipino at celery ay maaari rin nating gawin. Ang dehydration ay isa sa mga nangungunang sanhi ng sakit ng ulo, kaya siguraduhing madalas ang pagkonsumo sa mga ito.

5. Lemon juice. Maraming health benefits ang lemon at isa sa mga ito ay ang panlaban sa migraine sapagkat mayaman ito sa Vitamin C. Kapag madalas nakararanas ng pananakit ng ulo, simple man o matinding pananakit nito, makabubuti kung aaraw-arawin ang pag-inom ng lemon juice.

Kung sa tingin mo ay hiyang o epektibo sa ‘yo ang nakasanayan mong tablet o capsula, wala namang masama kung susubok pa rin tayo ng mga natural remedy. Bukod sa hindi hamak na mas mura ang mga ito dahil “hindi maintenance”, sigurado tayong safe ito sa anumang side-effect tulad ng mga gamot na nabibili sa botika.

Sa panahon ngayon, bawal magkasakit kaya pangalagaan natin ang ating kalusugan. Huwag hintayin na umatake ang sakit lalo na kung kaya o may ideya naman tayo kung paano ito maiiwasan. Gets mo?