Kung dati, solo lang ni Heart… HAYDEN, JOIN NA RIN SA PAGRAMPA SA PARIS FASHION WEEK

ni Nitz Miralles @Bida | Oct. 1, 2024

Nakakatuwa na mas marami nang Pinoy ang rumarampa sa mga fashion week. 

Si Kyline Alcantara, rumampa sa New York Fashion Week (NYFW). Nasundan ito ng mga rumampa sa Paris Fashion Week (PFW) kabilang sina Maymay Entrata, Michelle Dee, Pia Wurtzbach at maging si Hayden Kho. 

Si Michelle ang nag-open ng show ni Michael Cinco at sina Pia at Hayden naman ang finale.

Natutuwa ang mga netizens dito at wish nilang madagdagan pa ang mga Pilipino na rumarampa sa mga fashion shows. Sana raw, wala nang mag-away-away, walang pagkukumpara at magsuportahan na lang kahit pa si Heart Evangelista ang mas naunang nakilala sa pagrampa sa mga fashion week.

Kaya lang, matagal pa itong mangyayari dahil sa mga fans na nag-aaway-away at lahat na lang, ginagawan ng isyu. 

Gaya na lang nang magkasabay manood sa Hermes Fashion Show sina Heart Evangelista at Pia Wurtzbach, inabangan kung magbabatian sila at kung magkakasama ba sa photoshoot. Wala nga lang nangyaring ganu’n, baka sa susunod na lang, guys!                                                                                                                                                     

---

EIGHT luxury cars ang nakalagay sa tarp ng “SV Driven to Heal” charity event ni Sam Verzosa na ipapa-auction niya to fund sa construction ng dialysis and diagnostic clinic sa Sampaloc, Manila. 

Pero, sabi ni Rhian Ramos na nakausap namin sandali sa auction, 10 cars ang ipapa-auction. Nasa labas ang dalawa dahil hindi na magkasya sa loob ng auction room.

Paglabas naman ng headquarters ng Frontrow, may nakita kaming naka-park na Maserati at feeling namin, isa ‘yun sa 10 cars to be auctioned. Aabot sa P200 million kapag na-auction ang 10 cars, hindi lang naitanong kung sa isang dialysis and diagnostics clinic lang ilalagay ang P200 million.

Biniro ng isang reporter si Rhian kung may ipapa-auction din siyang car.

Ang sagot ng actress at girlfriend ni Sam, “Wala... wala ako n’yan,” at saka tumawa.

Sabi uli ng reporter, tiyak marami pang luxury cars si Sam at magkakaroon din nito si Rhian kapag ikinasal na sila.

Ang ganda ni Rhian, bagay sa kanya ang maging First Lady ng Maynila at ang maganda pa, suportado niya ang lahat ng advocacy at charity works ni Sam. 

Present siya sa turnover ng mobile clinics at botika, tumulong sa pamimigay ng medicines sa mga tao. Habang nagbibigay ng gamot, may kasama pang interbyu kay Rhian Ramos.

---

‘Di lang daw buhok, Richard…

BARBIE, GINAGAYA RIN ANG PANANAMIT NI SARAH

WALA yatang chance na magkita-kita sina Sarah Lahbati at Barbie Imperial kasama si Richard Gutierrez dahil nasa Paris si Sarah para sa Paris Fashion Week (PFW), habang tuloy naman ang pamamasyal nina Richard at Barbie sa Italy. 

Nanghinayang ang mga netizens na hindi magkikita-kita ang tatlo na parehong nasa ibang bansa.

Nakakatuwa ang ibang netizens na biniro sina Richard at Barbie na dumiretso sa Paris para may chance na magkita sila ni Sarah. Alam naman siguro nina Barbie at Richard na nasa Paris si Sarah, kaya hindi sila pupunta roon.

Anyway, may mga netizens pa rin na ayaw tigilan si Barbie Imperial at pilit na ikinukumpara kay Sarah. Bukod daw sa hairstyle, ang damit na suot nito ay inspired ni Sarah Lahbati. May nag-request pang ipakita niya si Richard Gutierrez.

Abangan kapag nakabalik na sa bansa ang tatlo, baka may ibang tsika na naman sa kanila.

After ni Pia… MAYMAY, RARAMPA RIN SA PARIS FASHION WEEK

ni Nitz Miralles @Bida | Sep. 27, 2024

After Pia Wurtzbach, si Maymay Entrata naman ang rarampa sa runway ng Paris Fashion Week (PFW). At hindi lang siya basta manonood ng fashion show dahil maglalakad siya sa runway. 

Irarampa ni Maymay ang design ni Leo Almodal at ng Vietnamese designer na si Phan Huy.

Gaya sa pag-aabang ng mga Pinoy sa pagrampa ni Pia, tiyak na aabangan din ang pagrampa ni Maymay sa September 28 and 29. 

Heto pa, magpe-perform din si Maymay sa opening at bago ang runway show ay may gagawin siyang concert kasama ang ilang Filipino artists at artists from different countries.

Sa interbyu ng ABS-CBN News, sabi ni Maymay, “Ako po ay sobrang excited po for the Paris Fashion Week, kasi first time ko pong pumunta du’n. First time kong inimbitahan.”

Ang MM Milano Fashion Brand ang nag-imbita kay Maymay sa PFW at nabanggit nito na nakapunta na siya sa Paris, pero iba ngayon dahil model at performer siya.

“Pinaghandaan ko po talaga ‘tong Paris project kasi first time ko pong inimbitahan ng Paris Fashion Week and of course mag-perform din du’n,” dagdag ni Maymay Entrata.

---

SINA Barbie Forteza at David Licauco ang new ambassadors ng Save The Children Philippines (STCP) at ipinakilala sila sa partnership signing ng GMA Network.

Todo-pasasalamat si Barbie sa pagpili sa kanya bilang ambassador ng nasabing non-profit organization.

Pahayag ng aktres, “Gagamitin ko po ang aking profession as an actress at ang aking platform to influence our children to know their rights kahit at an early age. At siyempre, pagbutihin ang kanilang pag-aaral nang sa ganu’n ay sila ang magiging mabubuting leaders in the future.”

Nagpasalamat din si David sa pagkakapili sa kanya, lalo na’t siya ang first male Filipino ambassador ng organisasyon.

“First of all, I want to say thank you to Save the Children Philippines for choosing me alongside my love team, Barbie Forteza. Thank you rin sa GMA dahil sa pagkuha nila sa ‘kin and now, ambassador na ako ng Save the Children Philippines,” sabi nito.

Dagdag pa ni David, panahon na para gamitin ang platforms nila sa mabuting paraan. 

Sey ni David, “Our goal is to set a good example for the youth, to inspire, and empower the children to keep chasing their dreams.”

Samantala, wala naman palang dapat ikabahala ang BarDa (Barbie at David) fans dahil hindi bubuwagin ng GMA Network ang kanilang love team kahit matapos ang Pulang Araw (PA). Kabaligtaran ito sa balitang tatapusin na ang kanilang tambalan at ipapareha na sila sa iba.

---

Taga-Singapore at Myanmar ang kalaban…

KATHRYN, PAMBATO NG 'PINAS BILANG BEST ACTRESS SA ASIAN ACADEMY CREATIVE AWARDS

IPINAGBUBUNYI ng mga fans ni Kathryn Bernardo ang pagiging National Winner niya as Best Actress sa Asian Academy Creative Awards (AACA). Ito ay para sa pelikulang A Very Good Girl (AVGG).

Sa December ang grand finals na gaganapin sa Singapore at dalawa sa makakalaban niya ay ang Singaporean actress na si Kym Ng at Myanmar actress na si Poe Mamhe

Thar. 

Tama ba kami na kapag nanalo si Kathryn Bernardo, siya ang first Filipina na mananalo sa AACA?

Tamang-tama ang balitang ito dahil nagsisimula na ang promo ng Hello, Love, Again (HLA) movie nila ni Alden Richards. 

Sa November 13, 2024 pa ang showing, pero nagkakagulo na ang mga fans.

Dala sa Paris Fashion Week, mala-displey sa dept. store… HEART, DINAIG NA SI IMELDA SA DAMI NG SAPATOS

ni Nitz Miralles @Bida | Sep. 25, 2024

Ipinost ni Heart Evangelista ang dalang shoes sa Paris Fashion Week (PFW) at sa rami ng dalang sapatos, parang display na sa department store. 

Sey nito, “Think we over packed  #pfw #parisfashionweek.”

Para lang yata sa PFW ang ipinost ni Heart dahil ito ang naka-caption sa kanyang hashtag. Ibig sabihin, iba pa ang shoes na dala at ginamit niya sa Milan Fashion Week (MFW). Sa shoes pa lang, ilang luggages na kaya ang dala ni Heart?

Hindi namin nabilang ang dami ng shoes na arranged according to colors at siguradong lahat branded. Sabagay, kung tama ang aming nabasa, 19 shows ang dadaluhan ni Heart sa PFW, mukhang magagamit niya ang karamihan sa dala niyang shoes.

May nagbirong nagtanong kay Heart kung si Imelda Marcos daw ba siya sa dami nga ng shoes at mukhang mas marami ang kanya kesa sa former First Lady. 

Nakita naman ng kanyang mga followers sa Instagram (IG) ang collection niya ng shoes sa kanyang walk-in closet.

Sa latest post ni Heart, hindi pa siya nagsisimulang rumampa sa naka-schedule na 19 shows. Nag-shoot na muna siya ng ad campaign for Lancaster na isang high-end brand ng bag. 

Excited na ang mga fans ni Heart Evangelista na makita ang OOTD (outfit of the day) niya at marami silang bibilangin dahil 19 shows nga ang naka-schedule na kanyang dadaluhan.

---

Sinorpresa si Sandro Muhlach ng kanyang mom na si Edith Millare na dumating para siya’y bisitahin. 

Based na sa Amerika ang mom ni Sandro at naalala naming may post ito noong kainitan ng isyu sa anak na nagso-sorry na wala siya sa tabi nito.

Ang tagal nag-sink in kay Sandro na mom niya ang kanyang kaharap, lalo na’t tinakpan nito ang kanyang mga mata habang nasa restaurant at may kausap. 

Paulit-ulit na “Sino ‘to?” ang tanong ng young actor at nang makitang ang mom niya ang nasa harap, “Hala” na lang ang nasabi.

Naging emosyonal ang mag-ina at birthday pala ni Edith nang magkita sila ng anak, kaya lalong mas naging espesyal ang araw na ‘yun. 

Ramdam ang tuwa ni Sandro sa kanyang post.

Mensahe ni Sandro sa kanyang ina, “Mama you are the strongest woman I know, and I am so lucky to have you as my mom. Your love and kindness mean more to me than you know.

“Thank you for being there for me during one of the hardest times in my life. Your love, care, and presence meant more to me than I can ever fully express. When I felt overwhelmed by my trauma, you were a constant source of strength and comfort. I’m still finding my way, but I feel stronger knowing that I have you by my side. I hope you know how much I appreciate everything you’ve done not just during this time, but always. Thank you for surprising me even if it’s your birthday. You’re the best mom I could ever ask for.

“I love you more than words can express. Happy Birthday Mama!”

Ang gaganda ng comments sa post na ito ni Sandro, may mga naiyak pa nga dahil iba raw kapag katabi, kayakap at personal na nakakausap ang nanay, lalo na’t may pinagdaraanan siya. May nag-comment pa na ang presence lang daw pala ng mom niya ang makakapagpabalik sa mga ngiti ni Sandro Muhlach.

---

KUMPIRMADO ang pag-attend ni Dingdong Dantes sa gaganaping  “Kickoff and Appreciation Night” ng Multi-Media Press Society of the Philippines, Inc. (MMPRESS) sa September 27, 2024 at 7 PM. Gaganapin ang event sa Dengcar Theater ng Mowelfund Film Institute (MFI).

Si Dingdong ay isa sa mga honourees sa “Trailblazing Leaders” category at sila ay mga personalidad “whose dedication and excellent leadership make them strong pillars of the showbiz industry.”

Ang dami pang honourees na bibigyang-pugay sa gabing ‘yun at nagpapasalamat ang MMPRESS sa kanila. 

Main project ng MMPRESS is to pay tribute to some of the ‘biz (showbiz) well-known and respected personalities and influencers whose contributions to the entertainment industry over the years are simply worth-citing.

Anyway, kagagaling lang nina Dingdong at Marian Rivera sa Milan, Italy dahil sa imbitasyon ng Kiko Milano kay Marian sa Milan Fashion Week (MFW). Nag-shoot din ng TVC si Marian for Kiko Milano na isang Italian cosmetics line at siya ang endorser ng Pilipinas.

Si Dingdong naman, nabalitang magge-guest sa Widows’ War (WW) bilang si Napoy, ang karakter niya sa Royal Blood (RB) na konektado sa WW ang story.   

Kahit busy at may jet lag pa siguro, dumalo pa rin si Dingdong sa flag-raising ceremony sa Rizal Park, Luneta in celebration of National Maritime and Reservist Month. Baka may magtanong na naman kung ano ang karapatan ni Dingdong Dantes to be at the said national event. Ang sagot nito ay dahil reservist siya at masipag na reservist.

Sey nito, “A snappy salute to all our seafarers, reservists, and those who selflessly serve our country. Today, and throughout this month, we honor their unwavering dedication and sacrifice.”