top of page
Search

Pekeng abogado, arestado

  • BULGAR
  • Jan 23, 2024

ni Angela Fernando - Trainee @News | January 23, 2024




Naaresto ang isang lalaking nagpanggap na abogado sa Pasay City.


Ito ay matapos na nakabiktima ng mahigit P500 K ang lalaking kinilalang si Robert P. Garcia.


Pakilala nito sa biktima, siya raw si Atty. Robert SP Garcia.


Pagbabahagi ng biktima, may nag-refer lang sa kanya sa suspek ngunit ang dami nitong hinihinging babayaran.


Apat na beses na humarap ang suspek sa mga preliminary investigation sa mga kasong isinampa.


Humingi pa ito ng Christmas gift na nagkakahalaga ng P60 K at doon na nagduda ang biktima.


Nagpa-second opinion na ang biktima at doon nalamang peke pala ang mga dokumentong ipinakita ng suspek.


Wala ring lumabas sa Lawyer's List para sa Enero 20, 2024 sa Korte Suprema na Robert SP Garcia.


Inamin naman ng biktima na hindi nila alam ang proseso sa pagsasampa ng kaso kaya bayad lang sila nang bayad.


Ang biktima, kasama ang mga pulisya, ang mismong umaresto sa suspek na hindi naitanggi ang ginawang panloloko.


Pag-amin ng suspek, nag-aral siya ng Law ngunit hindi siya nakapasa sa Bar examination at consultant ang pakilala niya sa naging biktima.


Inginuso naman ni Garcia ang nag-refer sa kanya dahil hindi lang siya ang nakinabang sa nangyari.


Ayon kay Police Captain Dennis Desalisa, hepe ng Pasay City Police Investigation Section, magaling daw magsalita ang suspek kaya napaniwala nito ang biktima.


 
 

Pulse Asia ginawang source... Nagpakalat ng false survey ng 2 kandidatong mayor sa Bocaue, mananagot

  • BULGAR
  • May 9, 2022

ni Zel Fernandez | May 9, 2022



Mariing itinanggi ng public opinion polling body na Pulse Asia Research, Inc. ang lumabas na mayoralty survey sa bayan ng Bocaue, Bulacan kahapon ng Linggo, kulang isang araw bago ang eleksiyon ngayon.


Taliwas sa kumalat na Facebook post mula sa Bocaue, mariing itinanggi ng Pulse Asia na sila ang nagsagawa ng naturang survey na nagpakita ng voter preference sa pagitan ng dalawang magkatunggaling mayor sa bayan nito.


Batay sa larawan ng art card na naka-post sa social media, tinukoy na source ng naturang survey ang Pulse Asia, kung saan makikitang nakakuha umano si Bocaue incumbent mayor candidate JJS Santiago ng 77% kontra kay running mayor JJV Villanueva na mayroong 15%, habang nasa 8% naman umano ang mga undecided.


Ayon sa pahayag ng polling firm, "Pulse Asia Research, Inc. did not conduct a survey in Bocaue."


"We will take the requisite legal action to hold the party that posted this fabricated liable," dagdag pa nito.


Ang mga magkatunggaling kandidato sa pagka-mayor ng Bocaue, Bulacan ay nasa katauhan nina Jose Cruz Santiago, Jr. (JJS Santiago) ng PDP-Laban at Eduardo Jose Villanueva, Jr. (Jonjon JJV Villanueva) ng National Unity Party at anak ni Jesus Is Lord Church president-founder Bro. Eddie Villanueva.


Samantala, kasunod ng pahayag ng Pulse Asia tungkol sa lumabas na pekeng survey, kapansin-pansing burado na ang pagkaka-post nito sa Facebook page na Team Bocaue Support GROUP, ngunit nakarating na sa kinauukulan ang mga screenshots nito.


Kasalukuyan pang inaalam ng pamunuan ng Pulse Asia Research, Inc. ang pinagmulan at kung sino ang may pananagutan sa naturang false survey sa nabanggit na bayan.


 
 
RECOMMENDED
bottom of page