Kumpanya ng Facebook, pinalitan ang pangalan bilang ‘Meta’

ni Jasmin Joy Evangelista | October 29, 2021

Inanunsiyo ni Mark Zuckerberg ang pagpapalit ng pangalan ng kumpanyang Facebook.

Sa Connect 2021 virtual event, sinabi ni Zuckerberg na ang kumpanyang Facebook ay tatawagin na ngayong Meta.

Gayunman, mananatili ang pangalan ng mga social media platforms na nasa ilalim nito na kinabibilangan ng Facebook, Instagram at WhatsApp.

“We've learned a lot from struggling with social issues and living under closed platforms, and now it is time to take everything that we've learned and help build the next chapter," ani Zuckerberg sa annual developers conference.

"I am proud to announce that starting today, our company is now Meta. Our mission remains the same, still about bringing people together, our apps and their brands, they're not changing," dagdag niya.

Iginiit naman ng mga kritiko ng Facebook na ginawa nito ang rebranding upang maiiwas ang isyu tungkol sa mga lumabas na eskandalo at kontrobersiya laban sa kumpanya.

Ayon naman kay Zuckerberg, kasabay ng rebranding ng kumpanyang Facebook ay ang pag-abot sa pangarap na maging malapit sa totoong buhay ang maging karanasan ng mga tao kapag gumagamit ng internet.

Facebook at iba pang social media platform, hindi na-access ng halos anim na oras

ni Jasmin Joy Evangelista | October 5, 2021

Nakaranas ng massive outages ang pangunahing social media platform na Facebook.

Naapektuhan din nito ang mga Facebook-owned services tulad ng Instagram at WhatsApp simula nitong gabi ng Oktubre 4.

Matapos ang anim na oras ay unti-unti na rin itong nagbabalik online bagama’t may paunti-unti pa ring pagbagal.

“We're aware that some people are having trouble accessing our apps and products," sabi ng Facebook sa Twitter. "We're working to get things back to normal as quickly as possible, and we apologize for any inconvenience."

Base sa outage tracker na Downdetector, nakatanggap sila ng mga report hinggil sa mga social media platforms na hindi ma-access mula sa iba’t ibang panig ng mundo.

Ang Facebook ay hindi naglo-load ng kahit anong content habang ang Instagram at WhatsApp ay accessible pero hindi rin naglo-load ng content at hindi makapag-send ng messages.

Hindi agad natukoy ang pinagmulan ng outage ngunit ayon sa ilang security experts, ito ay maaaring nagmula sa Domain Name System (DNS) problem.

Itina-translate ng DNS ang website names sa IP addresses na binabasa ng mga computer. Ito rin ay tinatawag na "phonebook of the internet."

Ayon pa sa tweet ng Facebook, “To the huge community of people and businesses around the world who depend on us: we're sorry.” "We've been working hard to restore access to our apps and services and are happy to report they are coming back online now. Thank you for bearing with us."

Dahil dito maraming mga netizens ang nagparating ng kanilang karanasan sa Facebook sa pamamagitan ng microblogging site na Twitter.

Nag-trend sa Twitter ang #Facebook Down ilang minuto mula nang magsimulang hindi na ma-access ang nasabing social media sites.

Ex-US Pres. Trump, 2 yrs. banned sa FB

ni Ronalyn Seminiano Reonico | June 5, 2021

Suspendido pa rin sa Facebook Inc. ang dating pangulo ng United States na si Donald Trump hanggang sa January, 2023.

Unang sinuspinde ng Facebook si Trump noong naganap ang riot sa Capitol Hill nu’ng January 6, 2021 matapos sumugod ang kanyang mga tagasuporta.

Ayon sa Facebook noong Biyernes, 2 taon ang suspensiyon ni Trump at pag-aaralan pa nila ang pag-alis ng pagkaka-block ng dating pangulo sa naturang platform kung masisigurong masusunod ang public safety standards.

Pahayag pa ni Facebook Head of Global Affairs Nick Clegg, “Given the gravity of the circumstances that led to Mr. Trump’s suspension, we believe his actions constituted a severe violation of our rules which merit the highest penalty available under the new enforcement protocols.”

Ayon din kay Clegg, kapag natapos na ang 2-year ban ni Trump, iimbestigahan pa rin nila ang mga aktibidad nito sa Facebook kung lalabag pa rin siya sa public safety rules.

Aniya, "If we determine that there is still a serious risk to public safety, we will extend the restriction for a set period of time and continue to re-evaluate until that risk has receded."

Maaari rin umanong tuluyan nang alisin ang social network ni Trump kapag nagpatuloy pa ang kanyang paglabag sa mga rules.

Saad pa ni Clegg, "We know today’s decision will be criticized by many people on opposing sides of the political divide.

"But, our job is to make a decision in as proportionate, fair and transparent a way as possible, in keeping with the instruction given to us by the Oversight Board."