Taal Volcano, Alert Level 3 pa rin — PHIVOLCS

ni Ronalyn Seminiano Reonico | July 2, 2021

Nananatiling nakataas sa Alert Level 3 ang Taal Volcano ngayong Biyernes nang umaga, ayon sa PHIVOLCS.

Noong Huwebes, bandang alas-3:16 nang hapon, naganap ang phreatomagmatic eruption nito at umabot ng isang libong metro ang taas ng plumes nito.

Nasundan ito ng apat pang phreatomagmatic bursts kahapon nang 6:26 PM, 7:12 PM, 7:41 PM at alas-8:20 nang gabi.

Naitala rin ng PHIVOLCS ang 29 volcanic earthquakes, 22 low frequency volcanic earthquakes, at dalawang volcanic tremor sa Taal Volcano sa nakalipas na 24 oras.

Samantala, ayon sa National Disaster Risk Reduction and Management Council (NDRRMC), umabot na sa 1,282 indibidwal o 317 pamilya ang nananatili sa mga evacuation centers ngayong Biyernes dahil sa pagsabog ng Bulkang Taal.

Inaasahan namang tataas pa ang bilang ng mga evacuees dahil sa patuloy na pag-aalburoto ng bulkan.

Saad ni NDRRMC Spokesperson Mark Timbal, “The volcano island is of course off-limits and the high risk barangays naman po are being evacuated by the local government units based on the recommendation of PHIVOLCS.”

5 evacuees sa Marikina, 3 sa QC, nagpositibo sa COVID-19

ni Thea Janica Teh | November 23, 2020

Umabot na sa lima ang bilang ng evacuees na nagpositibo sa COVID-19 sa Marikina City matapos sumailalim sa swab test. Agad na isinailalim sa quarantine ang mga nagpositibo habang hinihintay pa ang resulta ng 100 pang evacuees.

Samantala, nakapagtala rin ng 3 evacuees na nagpositibo sa COVID-19 sa Quezon City at 600 residente pa ang sumailalim sa rapid test.

Dinala agad ang mga nagpositibo sa community care facilities upang sumailalim sa quarantine.

Naka-monitor na rin ang lokal na pamahalaan ng Quezon City sa iba pang evacuation centers upang maiwasan ang pagkalat ng virus.

34 evacuees na infected ng COVID-19 sa Marikina, mino-monitor

ni Ronalyn Seminiano Reonico | November 20, 2020

Nagsagawa ng rapid COVID-19 testing sa evacuation centers para sa mga evacuees sa Marikina City. Ayon kay Mayor Marcelino Teodoro, "Nag-rapid test kami sa iba't ibang evacuation centers.

Sa ngayon, mayroon kaming hinihintay na mga resulta ng PCR then [naging] reactive sila. Una nating sinukat 'yung antibody. Ibig sabihin, tiningnan natin kung reactive sila, kung may infection.

"Mayroon tayong nakitang 34 sa iba't ibang evacuation centers na may infection sila at sumailalim sila kahapon din sa PCR testing, hinihintay natin 'yung resulta.” Noong Huwebes, nagpositibo sa COVID-19 testing ang 68-anyos na evacuee at naka-isolate na.

Samantala, sumasailalim din sa monitoring ang mga residente ng Marikina upang maiwasan ang pagkakaroon ng iba pang sakit. Ipinag-utos na rin ni Teodoro ang pagbili ng mga gamot katulad ng doxycycline capsules bilang paghahanda sa leptospirosis.

Aniya, "Hindi lang COVID, may mga kaso tayo ng cholera, tetanus... marami eh. Ako'y nagpabili ng gamot para sa mga kababayan natin. "May mga doxycyclin tayo na ipinapamigay sa mga health centers, sa mga barangay, sa mga samahan ng komunidad.

Kailangang makainom tayo nito.” Sa kasalukuyan ay patuloy pa ring isinasagawa ang mga clearing operations dahil sa baha na idinulot ng Bagyong Ulysses. Aniya,

"Napakahirap ng kalagayan namin, 'yung hinahakot naming basura 980,000 cubic meters [na] debris. 'Yung street na hinahakutan namin ay 2,452 na kalsada, sabay-sabay na 'yun... 450 kilometers ang haba nito, both major and minor streets.”