Nanalo sa pusta, babala na malulugi sa negosyo

ni Estrellia de Luna @Panaginip gabay ng buhay | Ika-23 Araw ng Abril, 2024

Analisahin natin ang panaginip na ipinadala ni Nory ng Taguig.

Dear Maestra,

Napanaginipan ko na nasa casino ako, pumusta ako sa mga naglalaro ng baraha. Nanalo ako, pero biglang tumunog ‘yung bell.

Ano ang ibig sabihin ng panaginip ko?

Naghihintay,

Nory

Sa iyo, Nory,

Ang ibig sabihin ng panaginip mo na nasa casino ka, pumusta ka sa mga naglalaro ng baraha ay may papasukin kang transaksyon na hindi mo naman gaanong kabisado.

Dobleng pag-iingat ang dapat mong gawin, dahil manganganib ang kabuhayan mo kapag nagkamali ka ng desisyon.

Ang nanalo ka sa pusta mo ay babala ng pagkalugi sa negosyo.

Samantala, ang tunog ng bell ay depende sa kahulugan nito. Kung masaya, malakas at tumataginting ang tunog nito, ito ay nangangahulugan na susuwertehin ka sa binabalak mo. Maski ang love life mo ay susuwertehin din. Kung ang tunog naman ng bell ay parang nagbibigay ng babala, ito ay senyales na dapat ka munang mag-isip bago ka magdesisyon, huwag kang magpadalus-dalos.

Matapat na sumasaiyo,

Maestra Estrellia de Luna

Babala na mauubos ang kayamanan

ni Estrellia de Luna @Panaginip gabay ng buhay | Ika-22 Araw ng Abril, 2024

Analisahin natin ang panaginip na ipinadala ni Bert ng Ilocos Sur.

Dear Maestra,

Napanaginipan ko na nasa loob ako ng warehouse. Tumingin ako sa relo ko para i-check kung ano’ng oras na, pero hindi ito gumagalaw. Hindi ko tuloy malaman kung maaga pa o tanghali na.

Ano ang ibig sabihin ng panaginip ko?

Naghihintay,

Bert

Sa iyo, Bert,

Ang ibig sabihin ng panaginip mo na nasa loob ka ng warehouse ay depende sa status mo. Kung ikaw ay negosyante, ngayon ka susuwertehin sa negosyong pinagkakaabalahan mo. Kung ikaw naman ay binata pa sa kasalukuyan, ngayon mo na matatagpuan ang babaeng pakakasalan mo, nabibilang siya sa mayamang angkan, at kung ikaw ay isang magsasaka, madami kang aanihin na tanim ngayon.

Samantala, ang tiningnan mo ang relo mo para malaman kung ano’ng oras na pero huminto pala ito, ‘di mo tuloy malaman kung maaga pa o tanghali na ay paalala na huwag kang masyadong maging confident. Sa sobrang tiwala mo sa iyong sarili, may posibilidad na maghirap ka, mawawala lahat ng pera mo at maubos ang kayamanan mo.

Matapat na sumasaiyo,

Maestra Estrellia de Luna

Sign na matutupad na ang mga pangarap

ni Estrellia de Luna @Panaginip gabay ng buhay | Ika-21Araw ng Abril, 2024

Analisahin natin ang panaginip na ipinadala ni Jerome ng Camarines Sur.

Dear Maestra,

Napanaginipan ko na naisipan kong bumili ng buto ng baka. Ang napili ko ay may kasama pang skull ng baka. Pagdating sa bahay, agad ko itong nilaga. Makalipas ang 20 minuto, tiningnan ko ito kung malambot na, tinikman ko muna ‘yung sabaw kung masarap ba, nang bigla akong mabanlian.

Ano ang ibig sabihin ng panaginip ko?

Naghihintay,

Jerome

Sa iyo, Jerome,

Ang ibig sabihin ng bumili ka ng buto ng baka ay makakatanggap ka ng pera. 

Ang skull ng baka na pinili mo ay nangangahulugan na ang perang matatanggap mo ay manggagaling sa kamag-anak mo na kamamatay pa lang, at ito ang pamana niya sa iyo. 

Samantala, ang nabanlian ka ng mainit na sabaw ay nagpapahiwatig na

magtatagumpay ka sa mga pangarap mo. Pero kung mas masakit, ito ay senyales na mas marami kang karangalan na makakamit.

Ang 20 minuto naman ay babala na hindi tapat ang mga kaibigan mo sa iyo, bagkus sinasamantala lang nila ang kabaitan mo. 

Matapat na sumasaiyo,

Maestra Estrellia de Luna