Tanda na magtatagumpay sa negosyo

ni Estrellia de Luna @Panaginip gabay ng buhay | Marso 4, 2024

Analisahin natin ang panaginip na ipinadala ni Von ng Taguig.

Dear Maestra,

Napanaginipan ko na naglalaro ako ng dice. Maya-maya ay naglaro naman ako ng shooting games kasama ang aking mga kaibigan hanggang sa may nakita akong ibon at agad ko itong binaril.

Ano ang ibig sabihin ng panaginip ko?

Naghihintay,

Von

Sa iyo, Von,

Ang ibig sabihin ng panaginip mo na naglalaro ka ng dice ay makakaranas ka ng biglaang pagbabago sa buhay mo. Uunlad na ang iyong kabuhayan at magtatagumpay ka na sa lahat ng iyong pinaplano.

Ang naglaro ka rin ng shooting games kasama ng mga kaibigan mo ay senyales na tuluy-tuloy na ang paglago ng iyong negosyo, kikita ka ng malaki at yayaman ka na rin.

Samantala, ang may nakita kang ibon at binaril mo ang mga ito ay tanda na magagapi mo ang mga kaaway mo, at hindi sila magtatagumpay na pabagsakin ka.

Matapat na sumasaiyo,

Maestra Estrellia de Luna

Tanda na aaangat ang antas ang pamumuhay

ni Estrellia de Luna @Panaginip gabay ng buhay | Marso 3, 2024

Analisahin natin ang panaginip na ipinadala ni Rosalina ng Marinduque.

Dear Maestra,

Napanaginipan ko na parang basahan ang suot kong damit at para bang napakahirap ng katayuan ko sa buhay. Masyado akong nalungkot hanggang sa dumating ang mga kaibigan ko, maski sila ay awang-awa rin sa akin.

Ano ang ibig sabihin ng panaginip ko?

Naghihintay,

Rosalina

Sa iyo, Rosalina,

Kabaligtaran ang ibig sabihin ng panaginip mo na parang basahan ang suot mong damit na para bang napakababa ng katayuan mo sa buhay, ito ay nangangahulugan na magbabago na ang buhay mo. Mula sa pagiging mahirap, magiging mayaman ka na. Aangat na ang antas ng iyong pamumuhay.

Ang nalungkot ka dahil sa kalagayan mo ay nagpapahiwatig na magiging masaya ka na. May paparating na pangyayari sa buhay mo na magpapasaya sa iyo nang husto.

Samantala, ang awang-awa sa iyo ang iyong mga kaibigan ay senyales na magiging masaya ka dahil sa mga magagandang oportunidad na darating sa mga kaibigan mo at magse-celebrate sila kasama ka.

Matapat na sumasaiyo,

Maestra Estrellia de Luna

Pahiwatig na sa abroad mami-meet si Mr. Right

ni Estrellia de Luna @Panaginip gabay ng buhay | Marso 2, 2024

Analisahin natin ang panaginip na ipinadala ni Benilda ng Batangas.

Dear Maestra,

Napanaginipan ko na pumunta kami ng bestfriend ko sa gubat. May nakita kaming deer at leopard, kalaunan ay may narinig naman kaming huni ng cuckoo na para bang tinatawag kami. 

Ano ang ibig sabihin ng panaginip ko?

Naghihintay,

Benilda

Sa iyo, Benilda,

Ang ibig sabihin ng panaginip mo na nagpunta kayo sa gubat ng bestfriend mo, may nakita kayong deer ay masyado kang mahiyain sa pagpapahayag ng tunay mong nararamdaman.

Ang leopard naman ay nangangahulugan na maglalakbay ka sa malayong lugar, may posibilidad na makapag-abroad ka, at doon ka na rin makakapag-asawa. Sa umpisa ay makakaranas muna kayo ng hirap subalit paglipas ng mga araw, giginhawa at magiging mayaman din kayo.

Samantala, ang may narinig kayong huni ng cuckoo at para bang tinatawag kayo ay senyales na mabibigo at makakaranas ka ng kalungkutan sa pakikipagrelasyon. Ngunit, liligaya at sasagana rin naman ang inyong buhay.

Matapat na sumasaiyo,

Maestra Estrellia de Luna