Kung ex na si Luis, nagpakasal na kay Jessy…JENNYLYN AT DENNIS, ENJOY NA SA LIVE-IN,

AYAW PA RING MAGPAKASAL.

ni Erlinda Rapadas - @Teka Nga! | May 26, 2021

Nang makasal na sina Jessy Mendiola at Luis Manzano, ganu'n din ang iba pang showbiz couples, sina Jennylyn Mercado at Dennis Trillo naman ang inaapura nang magpakasal ng kanilang mga tagahanga.

Parehong nasa tamang edad na ang magkasintahan at financially stable na rin. Wala nang dahilan para hindi pa sila magpakasal at maging selyado na ang kanilang pagmamahalan.

Wala namang tumututol sa kanilang relasyon at marami ang nag-aabang sa kanilang kasal.

May mga netizens nga ang nagsasabing mauunahan pa silang magpakasal nina Carla Abellana at Tom Rodriguez, ganu'n din nina Ellen Adarna-Derek Ramsay, Angel Locsin-Neil Arce, at Ara Mina-Dave Almarinez.

Ano pa ba ang hinihintay nina Jen at Dennis at ayaw pa nilang magpakasal? Hindi naman makakaapekto ito sa kanilang career dahil tanggap na ng publiko ang mga artistang nag-aasawa na.

Kuntento na ba sila sa live-in set-up lang?

CEO raw ng malaking kumpanya kaya ayaw ipakita, pero… ALICE, AKSIDENTENG NAILABAS ANG DYOWA SA VLOG

ni Erlinda Rapadas - @Teka Nga! | May 25, 2021

Hindi sinasadyang naipasilip ni Alice Dixson ang profile-hitsura ng kanyang karelasyon habang siya ay nagba-vlog recently.

Hindi lang nakunan ng close-up ang mukha ng kanyang BF. Side views lang ang nakita dahil mabilisan ang kanyang pagdaan sa likuran ni Alice habang nagba-vlog ang aktres.

Ganunpaman, at least, may idea na ang mga netizens kung ano ang hitsura ng karelasyon ng aktres. Hindi naman sila nagkakalayo ng edad, medyo tisoy at maganda ang porma ng katawan ng guy.

Ang akala noon ng marami ay foreigner at medyo may-edad na ang karelasyon ni Alice. Isa raw kasi itong CEO ng malaking kumpanya at may-ari ng private resort-hotel sa Boracay.

Matagal nang naninirahan sina Alice sa Bora. Du'n namamalagi ang aktres kapag walang showbiz commitments.

Ngayon ay sa Manila muna naka-stay si Alice dahil lead cast siya sa bagong serye ng GMA Network, ang Legal Wives kasama sina Dennis Trillo, Andrea Torres at Bianca Umali. Magsisimula na sila ng locked-in taping.

Ibang-iba ang aura ngayon ni Alice Dixson dahil natupad ang pangarap niyang maging isang ina. Isang cute na baby girl ang kanyang anak na isinilang via surrogacy.

Misis ni Sen. Pacquiao, nagsalita na... JINKEE, DAMAY SA BENTAHAN NG FAKE BRANDED BAGS

Erlinda Rapadas - @Teka Nga! | May 24, 2021

Naglabas ng sentimyento ang misis ni Sen. Manny Pacquiao na si Jinkee nang mag-guest siya sa vlog ni Dra. Vicki Belo at aniya ay ginagamit daw siya ng ilang online sellers at sinasabi na ang ibinebenta nilang branded bags ay pag-aari niya.

Maraming mamahaling designer bags si Jinkee tulad ng Hermes, Bulgari, LV, Chanel, Fendi, Prada, atbp..

May mga nabili rin siya na hindi na niya nagagamit dahil ‘di niya type ang kulay at design, kaya sa halip na ma-stock at matengga ay ipinabebenta niya sa kanyang trusted reseller para mabawi ang kanyang nagastos.

Ang siste, may ilang online sellers na sinasamantala ito at kapag nagbebenta ng preloved bags ay sinasabing pag-aari ‘yun ni Jinkee.

Kapag binanggit ang pangalan ni Jinkee, nakukumbinse ang mga buyers na “orig” at genuine ang branded bags na ibinebenta online.

Dahil dito, na-shocked na lang si Jinkee nang makita sa online ang mga bags na sinasabing dati niyang pag-aari. Baka siya pa ang sisihin ng mga nakabili ng fake branded bags. Dapat daw maging maingat sa pagbili ng mga ibinebenta ng mga online sellers.