Hindi ang madir… GABBI, PROUD NA PUDRA ANG MAKEUP ARTIST

ni Erlinda Rapadas - @Teka Nga! | June 09, 2021

Hindi ikinahihiyang aminin ng Kapuso actress na si Gabbi Garcia na noong bagu-bago pa lang siyang nag-aartista ay ang kanyang tatay ang nagme-makeup sa kanya kapag may events o shooting siyang pupuntahan.

May talent sa pagme-makeup ang kanyang tatay at maganda naman ang resulta. Ngayon, may cosmetic line na si Gabbi at may sarili na ring stylist-makeup artist na tumutulong sa kanya.

At kahit papaano, natuto na rin siya ng simple makeup at kaya na niyang ayusin ang kanyang sarili.

Ayuda Queen… IVANA, NAKA-13 MILYON SUBSCRIBERS, NAMUDMOD NG PAGKAIN AT DATUNG

ni Erlinda Rapadas - @Teka Nga! | June 08, 2021

Nakakuha na ng 13 M subscribers sa YouTube ang sexy actress na si Ivana Alawi. Kaya naman, muli siyang nag-share ng kanyang blessings sa mga taong nangangailangan ng tulong at ayuda.

Naghanda siya ng 1,300 grocery bags na may kasamang 5 kilos of rice at P1,000 cash.

Nagluto rin siya ng chicken/pork adobo at namigay ng meal packs sa mga taong natutulog sa bangketa.

Si Ivana mismo at ang kanyang mommy ang nagluto ng adobo. Sila-sila rin ang naghanda ng 1,300 grocery bags na ipinamigay.

Kahit pagod, masayang-masaya pa rin si Ivana Alawi dahil marami na naman siyang natulungan.

Sa bawat blessing at kita niya sa kanyang YouTube Channel, hindi nakakalimutan ni Ivana na mag-share. Kaya naman, bumabalik ang suwerte sa kanya.

Ang tanong ng marami, kailan naman kaya magpapaayuda at magse-share ng blessing sa media at entertainment press ang 'Ayuda Queen' ng YouTube?

Apektado rin naman ang mga tulad namin dahil sa lockdown. Kaya 'pag may nagbibigay ng ayuda, dasal namin ay… SANA ALL!

Aktres, gustung-gusto pa naman... WILLIE, INIWAN NA NI RHIAN

ni Erlinda Rapadas - @Teka Nga! | June 07, 2021

Mami-miss nang husto ni Willie Revillame si Rhian Ramos na almost two weeks niyang naging co-host sa Wowowin/Tutok to Win.

Magaan ang loob ni Revillame kay Rhian dahil nakasama at natulungan siya ng aktres sa pagho-host ng kanyang show.

Magaling sumalo ng jokes ni Willie si Rhian kaya nagkasundo sila. Napupuri rin ni Revillame ang Kapuso actress dahil mabait, marespeto at masayahin.

Gusto sana ni Willie na tumagal pa si Rhian sa Wowowin, pero may mga commitments ito na dapat tapusin. Pero anytime ay welcome si Rhian na bumalik sa show.