Kung si Sharon, pumayat… ANGEL, NAUNTOG NA KAYA TODO-DIET

ni Erlinda Rapadas - @Teka Nga! | June 12, 2021

Tama ang naging desisyon ni Angel Locsin na magpapayat, mag-diet at magbawas ng timbang. Para na rin ito sa kanyang kapakanan at maayos na kalusugan.

Kung gusto pa ni Angel na manatili sa showbiz, kailangan na muna niyang tutukan ang pagiging fit and healthy bago bumalik sa harap ng kamera.

Marami ang nanghihinayang sa kanya dahil ang ganda-ganda ni Angel pero pinabayaan naman ang kanyang timbang.

Maraming makabagong pamamaraan ngayon upang makapagbawas ng timbang. Si Sharon Cuneta nga na dati ring problema ang katabaan ay nag-diet upang bumalik ang dating porma ng katawan.

Mas bata si Angel kay Megastar. Tiyak na kakayanin niya ang prosesong pagdaraanan upang bumalik ang dating figure.

Hindi dapat maging sensitibo si Angel Locsin kapag pinupuna ang kanyang pagiging heavyweight. Nagmamalasakit lang naman ang iba at gusto siyang makitang muli na sexy and fit.

Maraming oportunidad na naghihintay kay Angel Locsin kapag nagawa niyang magbawas ng timbang.

Kaya 'di napapasikat nang husto… CLAUDINE, AMINADONG SAPAW SI JULIA SA KATHNIEL, LIZQUEN, ETC.

ni Erlinda Rapadas - @Teka Nga! | June 11, 2021

Kahit malaki pa rin ang tampo ni Claudine Barretto sa pamangkin niyang si Julia Barretto dahil sa personal na away nila ng kapatid na si Marjorie nu'ng mamatay ang kanilang ama, hindi naman niya natiis na hindi ipagtanggol si Julia sa mga bashers-haters.

Grabe ngayon ang inaabot ni Julia sa mga bashers. Tinawag nga nilang laos ang aktres at hindi na raw ito sisikat pa nang husto.

Marami kasi ang naawa at nakisimpatya kay Joshua Garcia nang ipagpalit ni Julia kay Gerald Anderson. Nadamay pa si Julia sa pagiging nega ng nobyong si Gerald.

Maging 'yung isyu ni Julia at ng amang si Dennis Padilla ay mas marami ang kumampi sa veteran comedian. Marami ang na-turn-off kay Julia dahil hindi siya nagpakita ng respeto sa kanyang ama. Hindi man lang daw nagpakita ng concern si Julia nang magka-COVID at maospital si Dennis.

Ito ang dahilan kaya may mga nagsasabing unti-unti nang malalaos si Julia at hindi na sisikat nang husto.

Kinontra naman ito ni Claudine at idinepensa ang kanyang pamangkin. Kaya raw hindi naalagaan ng Dos ang career ni Julia ay dahil maraming inaasikasong talents ang Star Magic tulad ng tambalang KathNiel, LizQuen, Kim Chiu, Maymay Entrata, atbp..

Naniniwala si Claudine na magaling na aktres si Julia at hindi basta-basta malalaos mabigyan lang ng mabigat at magagandang projects tulad niya na matagal na nagpahinga sa paggawa ng pelikula, pero ngayon ay may reunion movie with Mark Anthony Fernandez, ang Deception produced by Viva Films and Borracho Films!

Fans, ayaw paasahin, nagpakatotoo na… DAVID, UMAMING MAY GF NA CHINESE, JULIE ANNE PANG-CAMERA LANG

ni Erlinda Rapadas - @Teka Nga! | June 10, 2021

Ayaw ng Kapuso actor na si David Licauco na maakusahang ginagamit lang niya si Julie Anne San Jose na kapareha niya sa Heartful Café upang sumikat pa siya nang husto.

Ayaw din niyang paasahin at papaniwalain ang mga fans ng Asia's Pop Diva na may “something” sa kanila.

Screen partners lang sila at bahagi ng kanilang trabaho ang maging malapit sa isa't isa. Kaya naman, inamin na sa publiko ni David Licauco na meron na siyang non-showbiz GF na isang Chinese. Naging kaklase raw niya dati ang tsinitang nagpatibok ng kanyang puso.

Ayon na rin kay David, mas tahimik kung non-showbiz ang kanyang karelasyon. Mas magkakaroon sila ng privacy kumpara kapag artista na laging nasa social media ang lahat ng kanilang kilos.

Dating model si David at nanalong Mr. Chinatown bago pumasok sa showbiz. Pinoy ang kayang dad at Chinese ang kanyang mom. May pagka-conservative ang kanilang pamilya kaya pinapansin ng kanyang mom 'pag nakikita na topless siya sa pictorial.

Samantala, sa Heartful Cafe ay maraming pakilig na eksena sina Heart (Julie Anne) at Ace (David) kaya kinikilig at natutuwa ang mga viewers.