Future hipag ang pumalit sa trono… BARBIE OUT, SANYA IN BILANG KAPUSO PRIMETIME DRAMA PRINCESS

ni Erlinda Rapadas - @Teka Nga! | June 22, 2021

Hindi magawang mapikon ng Kapuso young actress na si Barbie Forteza sa comment ng isang netizen na hindi na siya ang Primetime Princess ng GMA-7 kundi si Sanya Lopez na.

Sagot ni Barbie ay hindi raw problema para sa kanya kung sa palagay ng iba ay si Sanya na ngayon ang dapat tawaging "Primetime Drama Princess" ng GMA-7.

Wala naman siyang kine-claim na anumang titulo. Ang mahalaga ay may regular projects na ibinibigay sa kanya ang Kapuso Network. Besides, hindi na rin iba sa kanya si Sanya dahil kapatid ito ng nobyo niyang si Jak Roberto.

Masaya si Barbie sa success ni Sanya at nakikita naman niya kung papaano ito nagsikap sa kanyang career. Napaka-hardworking at professional ni Sanya sa kanyang trabaho.

Samantala, maraming plano sina Barbie at Jak Roberto para mag-level-up ang kanilang career. Gusto nilang lumawak pa ang kanilang kaalaman bilang bahagi ng movie industry.

Plano nilang gumawa ng short film. Nagpapatulong sila sa mga veteran actors and directors. Gusto rin nina Barbie at Jak na subukang gumanap sa iba't ibang challenging roles na susubok sa kanilang kakayahan. Ayaw nilang ma-typecast sa iisang klase lang ng pagganap.

Todo-kumbinse sa madlang pipol… HIRIT NI BONG: KAPAG NAGPABAKUNA, MAY AGIMAT KA NA!

ni Erlinda Rapadas - @Teka Nga! | June 19, 2021

Marami ang nagpapasalamat kay Sen. Bong Revilla, Jr. dahil sa kanyang panukala na huwag nang gawing compulsory ang pagsusuot ng face shield sa labas ng bahay.

Dagdag-gastos daw ito sa mga maralita. Dapat ay ang mga health workers (doctors and nurses) at mga nagtatrabaho sa hospitals, clinics at crematorium ang iobligang magsuot ng face shield, ganu'n din kapag nasa enclosed na mga lugar.

Nakarating na kay Pangulong Rodrigo Duterte ang panukalang ito at aprubado naman.

Maging ang pagbabakuna kontra-COVID 19 ay ipino-promote rin ni Sen. Bong at ang slogan nga niya ay "Kapag nagpabakuna... may agimat ka na!!”

May connect 'yan sa action-fantasy show niyang Agimat ng Agila na na napapanood sa GMA-7 tuwing Sabado nang gabi.

Manager kinalaban, tengga ang career… NADINE, HANGGANG 2029 PA NAKATALI SA VIVA

ni Erlinda Rapadas - @Teka Nga! | June 18, 2021

Kung pagbabasehan ang kontratang pinirmahan niya sa Viva Artist Agency (VAA), hanggang year 2029 pa mananatili si Nadine Lustre sa kanyang talent management.

Hindi siya makakatanggap ng anumang show, pelikula at product endorsements na walang permiso ng VAA.

Hindi ganu'n kadali ang gustong mangyari ni Nadine na magpa-release ng kontrata sa VAA. Unless, bibilhin niya ang kanyang kontrata tulad ng ginawa ni James Reid.

Puwede rin naman na ibigay niya o babayaran sa VAA ang 40 percent ng komisyon sa kikitain niya sa mga shows, pelikula at endorsements na kanyang tatanggapin hangga't nakatali siya sa Viva.

Bagama't hindi pabor kay Nadine ang naging desisyon ng korte para makawala siya sa kontrata niya sa VAA, umaapela pa rin si Nadine Lustre.

Marami naman ang labis na nanghihinayang sa kinauwian ng career ngayon ni Nadine. Maganda ang kanyang pagsisimula nang i-manage ng Viva ang kanyang career. Kapag natengga siya nang matagal at naging "frozen star”, mawawalan na ng ningning ang kanyang career.

Malaki ang mawawala sa kanya. Kaya dapat na mag-isip-isip munang mabuti si Nadine Lustre. Humingi siya ng professional advice sa mga taong nakakaintindi ng batas. Subukan din niyang makipag-heart-to-heart talk kay Boss Vic del Rosario at baka ma-settle nila nang maayos ang problema.