Kaya tinawag na Lucky… VILMA, NAGSUNUD-SUNOD ANG SUWERTE NANG IPINANGANAK SI LUIS

ni Erlinda Rapadas - @Teka Nga! | June 25, 2021

Hanggang ngayon, nakatatak pa rin kay Luis Manzano ang paboritong tawag sa kanya noon ng kanyang mom na si Congw. Vilma Santos-Recto na "Lucky". Madalas, sa mga TV shows noon ng Star for All Seasons ay hindi nito nakakalimutan na batiin ang panganay na anak na si Lucky.

Hanggang sa magbinata na si Luis ay Lucky pa rin ang nakasanayan na itawag ni Ate Vi. Kaya marami ang nagtatanong kung bakit tinatawag niyang Lucky ang anak nila ni Edu Manzano. Saan galing ang pangalang Lucky?!

Well, kuwento ni Congw. Vilma Santos sa isang interview sa kanya, noon daw kabuntisan niya kay Luis ay napakarami niyang pinagdaanang problema sa buhay, lalo na sa aspetong pinansiyal.

Malaki ang pagkakautang niya sa bangko na umabot nang milyones. Milyon din ang utang niya noon sa BIR sa naipon na income tax na hindi nabayaran. Pero, nang ipanganak na niya si Luis, dumating naman ang napakaraming suwerte at blessings sa kanyang buhay.

Nakabangon siya sa kanyang mga utang at maraming projects ang dumating. Kaya, tinawag niyang Lucky si Luis dahil may dala itong suwerte sa kanyang buhay.

Pero, aminado ang Star for All Seasons na nagkulang siya ng panahon kay Lucky dahil sa dami ng kanyang trabaho. Hindi niya naalagaan si Luis at kulang ang kanilang bonding time habang lumalaki ang anak.

Ang ipinagpapasalamat na lang ni Ate Vi, naging mabait at marespetong anak si Luis Manzano. At super proud siya kay Luis na naging responsible, independent at successful sa buhay ang kanyang lucky charm.

JAK, TANGGAP NA MAKIPAGTIKIMAN SI BARBIE SA IBA PARA SA DATUNG

ni Erlinda Rapadas - @Teka Nga! | June 24, 2021

Hindi naman habampanahon ay pa-sweet at pa-cute lang ang puwedeng gawin ni Barbie, lalo na sa pelikula.

Ganoon din naman si Jak, okey lang kay Barbie kung medyo nagpapakita ng katawan at tatanggap ng daring role ang kanyang BF.

Alam naman nilang pareho ang kanilang limitasyon at kung ano ang makakabuti sa kanilang career.

Sa ngayon ay nagsisilbing inspirasyon para kina Barbie at Jak ang isa't isa. Nagkakatulungan sila at walang kompetisyon o professional rivalry.

Four years nang magkarelasyon sina Barbie at Jak. Napag-uusapan na rin nila ang kanilang plano para sa kanilang future. Pero, wala sa agenda nila ang pagpapakasal.

Marami pa silang gustong gawin upang maging financially stable bago mag-settle down. Si Jak Roberto, nakabili na ng lupa na pagtatayuan niya ng kanyang dream house. Pag-iipunan na muna niya ito kaya dobleng sipag niya ngayon sa trabaho.

Kaya barya lang ang suot na P40K na swimsuit…HEART, NAGBUKAS NG BEACH RESORT SA BORACAY

ni Erlinda Rapadas - @Teka Nga! | June 23, 2021

Manghang-mangha ang mga netizens sa naka-post sa social media kung saan nakabalandra ang one-piece swimsuit ni Heart Evangelista na worth P40,000!!!

Bakit daw ganu'n kamahal ang nasabing swimsuit, eh, mukha namang ordinary lang?

At kahit pa branded o designer swimsuit ito, hindi naman siguro aabutin ng P40 K!

Sobrang bongga naman ni Heart dahil lahat halos ng gamit niya ay puro branded at mamahalin. Napaka-fashionista niya kaya mahal ang kanyang mga gamit.

Depensa naman ng mga fans ni Heart, sariling pera naman niya ang ipinambibili niya ng kanyang mga gamit at pinaghirapan niyang kitain. Dapat din na bigyan niya ng reward at regalo ang kanyang sarili.

Samantala, masaya namang ibinalita ni Heart na open na for business ang kanyang private resort sa Boracay. Nakisosyo siya sa nasabing beach front resort.

Sa kanyang social media account ay ipinasilip na ni Heart ang vacation house na napaka-social ng ambiance. May swimming pool ito, magaganda ang mga kuwarto at puwedeng rentahan ng mga turista o kahit na sino na can afford sa presyo nito na P12 thousand a day.