Join sa mga big stars na sina Marian, Heart at Jennylyn... BEA, VIP SA PAGPASOK SA SIYETE

ni Erlinda Rapadas - @Teka Nga! | July 02, 2021

Walang dahilan upang ma-insecure sina Marian Rivera, Heart Evangelista, Jennylyn Mercado, Carla Abellana, Lovi Poe at Rhian Ramos sa pagpasok-pagdating ni Bea Alonzo sa GMA Network.

Hindi naman ito nangangahulugan na aagawan na ni Bea ng puwesto o titulo ang mga dating female lead stars ng Kapuso Network.

Marami namang naka-line-up na projects ang GMA-7 para sa kanilang mga artista. Hindi sila maeetsapuwera dahil lang sa naging Kapuso na rin si Bea Alonzo. In fact, mas gaganda at lalakas ang line-up ng mga Kapuso leading ladies na bibida sa mga serye ng GMA-7.

At kung bongga ang pagsalubong ng network kay Bea, ito ay pagbibigay lang ng importansiya dahil isa siyang premyadong aktres. At hindi naman siguro nalalayo ang talent fee ni Bea sa TF na ibinibigay kina Marian, Heart at Jennylyn.

Kahit na sinasabing milyones ang katapat na halaga ng pagpirma ni Bea ng exclusive contract sa GMA Network, magkakaiba naman ang karisma nila sa viewers nina Marian, Heart at Jennylyn.

At may sari-sarili rin silang fans/supporters na tumututok sa kanilang mga programa.

30 yrs. na driver at kasambahay, may nakuha rin… KALAHATI NG YAMAN NI PNOY, IPINAMANA KAY JOSHUA

ni Erlinda Rapadas - @Teka Nga! | June 30, 2021

Marami ang naiinggit ngayon sa magandang kapalaran ng mga taong nag-alaga at naging loyal sa yumaong dating Pangulong Noynoy Aquino.

Ang dalawang taong nagsilbi ng tatlong dekada at matapat na naglingkod kay PNoy hanggang sa huling sandali ay sina Yolly Yebes at Norly Mariano. Si Yolly ay kasambahay ni PNoy at si Norly naman ang personal driver na itinuring nang kapatid ng pangulo. "Brother” nga ang tawagan nila.

Pagkatapos maihatid si PNoy sa huling hantungan, binasa na ng abogado ng pamilya Aquino ang Last Will and Testament na iniwan ng dating pangulo. Sinaksihan ito ng apat niyang kapatid na babae na sina Ballsy, Viel, Pinky at Kris. Naroroon din ang kasambahay at personal driver ni PNoy dahil kasama sila sa pinamanahan ng yumaong pangulo.

Bukod kay Joshua ay may iniwan din para kina Yolly at Norly. Wala namang naging pagtutol dito ang apat na kapatid na babae ni PNoy. Nakita naman nila ang pagsisilbi nina Yolly at Norly sa kanilang Kuya Noy at deserve na bigyan sila ng pabuya sa kanilang matapat na paglilingkod sa loob ng 30 yrs..

Samantala, balita ring halos kalahati ng yaman ni PNoy ay sa paboritong pamangkin na si Joshua niya iniwan. Kasama na raw dito ang bahay ng mga Aquino sa Times Street, QC. Kaya, secured na secured na ang buhay ni Joshua ngayon.

Bukod kina Korina, Shalani, Grace at Liz, may Bernadette at Barbara pa… P-NOY, PURO CELEBRITIES ANG

NAGING GF, PERO WALANG PINAKASALAN.

ni Erlinda Rapadas - @Teka Nga! | June 26, 2021

Bakit kaya sina Shalani Soledad, Korina Sanchez, Grace Lee at Liz Uy lamang ang nababanggit na naging girlfriend ng yumaong Pangulong Noynoy Aquino?

Ang alam namin, noong congressman siya sa Tarlac ay nakarelasyon din niya ang news anchor na si Bernadette Sembrano. At maging ang dating sexy star na si Barbara Milano ay na-link din sa kanya noon.

Anyway, marami ang nagtataka kung bakit hindi nga humantong sa kasal ang mga naging relasyon ng Pangulong Noynoy Aquino. Sana man lang, nagkaroon siya ng mga anak na makakalaro nina Joshua at Bimby.